Posts
AP News , 13th Dec 2009
မြောက်ကိုရီးယားမှ စစ်လက်နက်ပစ္စည်း ၃၅ တန်ခန့် ထိုင်းနိုင်ငံတွင် ဖမ်းဆီးရမိခြင်းနှင့် နိုင်ငံခြားသား လေယာဉ် အမှုထမ်း ၅ ဦးအား တရားမဝင် လက်နက် ပိုင်ဆိုင်မှုဖြင့် တရားစွဲဆိုထားသော ကိစ္စများသည် ပြုံးယမ်း၏ နျူကလီးယား ရည်မှန်းချက်များ ရပ်တန့်သွားရေးအတွက် စေ့စပ် ညှိနှိုင်းရန် ကြိုးစားအားထုတ်နေသော အမေရိကန် ပြည်ထောင်စုအတွက် ထိုးနှက်ချက် တစ်ရပ် ဖြစ်သည်ဟု လေ့လာသူများက တနင်္ဂနွေနေ့တွင် ပြောကြားခဲ့ပါသည်။
အမေရိကန် အာဏာပိုင်များ၏ သတင်းပေးမှုမှ တစ်ဆင့် အရေးယူ ဆောင်ရွက်နိုင်ခဲ့သော ထိုင်းအာဏာပိုင်များသည် ဖောက်ခွဲရေးပစ္စည်းများ ဒုံးပစ်လောင်ချာ ဗုံးသီးများနှင့် မြေပြင်မှ ဝေဟင်ပစ် ဒုံးကျည် အစိတ်အပိုင်းများ သယ်ဆောင်လာသော ဘီလူးရှင်း ၇၆ ကုန်တင် လေယာဉ်ကို ဘန်ကောက် ဒွန်မောင်း လေဆိပ်တွင် ဆီဖြည့် ရပ်နားစဉ် စနေနေ့က သိမ်းဆည်း ရမိခဲ့ပါသည်။ ကာဇက်စတန် နိုင်ငံ သား ၄ ဦးနှင့် ဘယ်လာရုစ် နိုင်ငံသားတစ်ဦး ပါဝင်သော လေယာဉ်အမှုထမ်း အဖွဲ့ကိုလည်း ထိန်းသိမ်း ထားပါသည်။
မြောက်ကိုရီးယားနိုင်ငံမှ လက်နက်များကို သယ်ဆောင် ရောင်းဝယ်ခြင်းကို တားမြစ်ထားသည့် ကုလသမဂ္ဂ၏ ဆုံးဖြတ်ချက်ကြောင့် ထိုင်းနိုင်ငံက အရေးယူ ဆောင်ရွက်ခဲ့ခြင်းဖြစ်သည်ဟု ထိုင်းနိုင်ငံခြားရေး ဝန်ကြီးဌာနက ပြောဆိုပါသည်။
အထီးကျန် ကွန်မြူနစ် နိုင်ငံက နျူကလီးယား စမ်းသပ်မှုနှင့် ဒုံးကျည်ပစ်လွှတ် စမ်းသပ်မှုများ ပြုလုပ်ခဲ့ပြီးနောက် ဇွန်လတွင် နောက်ဆုံး အရေးယူ ပိတ်ဆို့မှုများ ချမှတ်ခဲ့ပါသည်။ မြောက်ကိုရီးယားနိုင်ငံ နျူကလီးယားလက်နက် အစီအစဉ်ကို ရပ်တန့်သွားစေရန် ရည်ရွယ်သော အရေးယူ ပိတ်ဆို့မှုများသည် အဆိုပါနိုင်ငံ၏ သမားရိုးကျ လက်နက်များ ရောင်းချမှုကိုလည်း တားမြစ်ထားပါသည်။
နျူကလီးယားလက်နက် ဖျက်သိမ်းရေးဆိုင်ရာ ခြောက်နိုင်ငံ ဆွေးနွေးပွဲသို့ ပြုံးယမ်း ပြန်လည် တက်ရောက်ရေးအတွက် စည်းရုံးရန် တာဝန်ဖြင့် သမ္မတ အိုဘားမား၏ အထူး ကိုယ်စားလှယ်အဖွဲ့က မြောက်ကိုရီးယားသို့ ၃ ရက်ကြာ ခရီးစဉ် သွားရောက်ခဲ့အပြီးတွင် ယခုကဲ့သို့ ဖမ်းဆီးမိခဲ့ခြင်း ဖြစ်သည်။ ကိုယ်စားလှယ် Stephen Bosworth က ဆွေးနွေးပွဲများ ပြန်လည် စတင်ရန် လိုအပ်သော နားလည်မှုများကို နှစ်ဖက်စလုံးက ရရှိခဲ့ကြသည်ဟု ပြောကြားပါသည်။
အမေရိကန်-မြောက်ကိုရီးယား ဆွေးနွေးရေးနှင့် ခြောက်နိုင်ငံ ဆွေးနွေးပွဲသို့ မြောက်ကိုရီးယား ပြန်လည် တက်ရောက်ရေးအတွက် ကြိုးစား ဆောင်ရွက်မှုများတွင် ယခု ဖြစ်ရပ်ကြောင့် အနှုတ် လက္ခဏာ ဆောင်သော သက်ရောက်မှုများ ဖြစ်လာနိုင်သည်ဟု မြောက်ကိုရီးယား လေ့လာရေးဆိုင်ရာ ဆိုးလ် တက္ကသိုလ်မှ ပါမောက္ခ ယန်ပူဂျင်က ပြောဆိုပါသည်။
ထိုင်းလေတပ် ပြောခွင့်ရပုဂ္ဂိုလ် ဗိုလ်ကြီး မွန်တော်ဆူချူကွန်က အဆိုပါ စင်းလုံးငှား ကုန်တင် လေယာဉ်သည် ပြုံးယမ်းမှ ထွက်ခွာလာခြင်း ဖြစ်ပြီး ဒွန်မောင်းလေဆိပ်တွင် ဆီဖြည့်ရန် ရပ်နားခွင့် တောင်းခဲ့သည်ဟု ပြောပါသည်။
လေယာဉ်၏ ဦးတည်ရာ လမ်းကြောင်းနှင့် ပတ်သက်၍ ပြည်တွင်းသတင်း ဖော်ပြချက်များမှာ ကွဲလွဲလျက် ရှိပြီး အချို့က သီရိလင်္ကာ၊ အချို့က ပါကစ္စတန်ဟု ခန့်မှန်းနေကြပါသည်။
နိုင်ငံတော် လုံခြုံရေးနှင့် သက်ဆိုင်နေသောကြောင့် လေယာဉ် ဦးတည်ရာကို မပြောနိုင်ပါ။ ယခုကိစ္စနှင့် ပတ်သက်၍ အသေးစိတ်ကို အစိုးရက ထုတ်ပြန်သွားပါလိမ့်မည်ဟု ဆူပီဆန်းက ပြောကြားပါသည်။
မြောက်ကိုရီးယားသည် အာဖရိက၊ အာရှနှင့် တောင်အမေရိကနိုင်ငံများသို့ လက်နက်များ ရောင်းချခြင်းဖြင့် ကုလသမဂ္ဂ အရေးယူမှုများကို ချိုးဖောက်နေသည်ဟု ကျယ်ကျယ်ပြန့်ပြန့် စွပ်စွဲခြင်း ခံနေရပါသည်။
အသေးစိတ် ဆောင်ရွက်မှုများ ပြီးဆုံး၍ တိကျ သေချာစွာ စစ်ဆေးပြီးချိန်တွင် ကုလသမဂ္ဂ ပြစ်ဒဏ် ချမှတ်ရေး ကော်မတီသို့ အသေးစိတ် အချက်အလက်များကို တင်ပြ အစီရင်ခံမည်ဟု ထိုင်း နိုင်ငံခြားရေး ဝန်ကြီးဌာန ပြောရေးဆိုခွင့် ရှိသူ သာနီသွန်ဖာဒီက ပြောကြားပါသည်။
အထိန်းသိမ်းခံ လေယာဉ်အမှုထမ်း ၅ ဦးကို တားမြစ်ထားသော လက်နက်များ လက်ဝယ်ရှိမှုဖြင့် တရားစွဲဆိုထားကြောင်း၊ ၎င်းတို့ကို အာမခံ မပေးကြောင်း၊ တနင်္လာနေ့တွင် တရားရုံး၌ စစ်ဆေးမည် ဖြစ်ကြောင်း ရဲမှူးကြီး ဆူပီဆန်ပက်ဒီနရူနတ်က ပြောကြားပါသည်။
အဆိုပါ ကုန်တင်လေယာဉ်နှင့် ပတ်သက်သော သတင်း အချက်အလက်ကို အမေရိကန်ထံမှ ထိုင်းအာဏာပိုင်များ ရရှိခဲ့သည်ဟု ပြည်တွင်းသတင်းများက ဖော်ပြကြပါသည်။ အမေရိကန်သံရုံး ပြောခွင့်ရ ပုဂ္ဂိုလ် Michael Turner က မူ သံရုံးအနေဖြင့် ယခု ဖြစ်ရပ်ကို မှတ်ချက် မပေးလိုကြောင်း ပြောကြားခဲ့ပါသည်။
ကုလသမဂ္ဂ၊ ဘယ်လာရုစ်နှင့် ကာဇက်စတန်နိုင်ငံများသို့ သတင်းပေးပို့ရမည် ဖြစ်သော ယခုကိစ္စနှင့် ပတ်သက်သည့် အသေးစိတ် အချက်အလက်များ ရရှိရန် ရက်ပေါင်းများစွာ အချိန်ယူရမည် ဟု ထိုင်း ဒုတိယဝန်ကြီးချုပ် ဆူသက်သောင်ဆူဘန်က ဆိုပါသည်။
စုံစမ်း စစ်ဆေးမှုများကို ပွင့်ပွင့်လင်းလင်း ဆောင်ရွက်သွားမည်ဟု အစိုးရက အာမခံထားသောကြောင့် ပြည်သူများ အနေနှင့် ထိတ်လန့်စရာ မလိုကြောင်း၊ ယခုကိစ္စနှင့် ပတ်သက်သော အခြေအနေများကို ပြည်ပနိုင်ငံများအား အစိုးရက ရှင်းပြသွားမည် ဖြစ်ကြောင်း ၎င်းက ဆက်လက် ပြောကြားပါသည်။
သိမ်းဆည်း လက်နက်များကို လုံခြုံရေး တင်းကြပ်စွာဖြင့် လေဆိပ်အနီးရှိ နာခွန်ဆဝမ်တပ်စခန်းသို့ စနေနေ့ညက ရွှေ့ပြောင်းခဲ့သည်ဟု ထိုင်းအာဏာပိုင်များက သတင်း ထုတ်ပြန်ပါသည်။
ယခု ဖမ်းဆီးရမိမှုကြောင့် အမေရိကန် အစိုးရသည် မြောက်ကိုရီးယားနှင့် ညှိနှိုင်း ဆွေးနွေးနေခိုက်တွင် အရေးယူ ပိတ်ဆို့မှုများကိုလည်း ပိုမို တင်းကြပ်စွာ ဆက်လက် ဆောင်ရွက်သွားရလိမ့်မည်ဟု နိုင်ငံပိုင် Korea Institute for Defense Analyses မှ ဘေဆောင်ဂျူးက ပြောကြားပါသည်။
လက်နက် ရောင်းချမှုများသည် ဆင်းရဲသော မြောက်ကိုရီးယားအတွက် ငွေမာ ရရှိရန် အဓိက လမ်းကြောင်း ဖြစ်နေပါသည်။ မြောက်ကိုရီးယားသည် အီရန်၊ ဆီးရီးယားနှင့် မြန်မာနိုင်ငံများသို့ ဒုံးကျည်များ၊ ဒုံးကျည် အစိတ်အပိုင်းများ၊ အခြား လက်နက်ပစ္စည်းများ ရောင်းချခြင်းဖြင့် နှစ်စဉ် ဒေါ်လာ သန်းရာနှင့် ချီ၍ ရရှိနေသည်ဟု ယုံကြည်ရကြောင်း ဘေဆောင်ဂျူးက ဆိုပါသည်။
လွန်ခဲ့သော သြဂုတ်လက တားမြစ်ထားသော မြောက်ကိုရီးယားမှ ဒုံးကျည် ထိပ်ဖူးများနှင့် အခြားလက်နက်များ လျို့ဝှက် တင်ဆောင်လာသော အီရန်သို့ ဦးတည်နေသည့် ကဟားမား အလံတင် ကုန်တင်သင်္ဘော တစ်စင်းကို ယူအေအီးနိုင်ငံက ဖမ်းဆီးရမိခဲ့ပြီး အဆိုပါ ဖမ်းဆီးမှုသည် မြောက်ကိုရီးယားအပေါ် အရေးယူ ပိတ်ဆို့မှုများ ချမှတ်ပြီးချိန်မှ စ၍ ပထမဆုံး ဖမ်းဆီးရမိမှု ဖြစ်ပါသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.