Posts
VOA News, 13th July 2010
ရွေးကောက်ပွဲ မတိုင်မီ အစိုးရ ဆန့်ကျင်သူများအား စစ်အစိုးရ၏ ချေမှုန်းမှုများကြောင့် ထောင်ပေါင်းများစွာသော မြန်မာများ ထွက်ပြေးလျက် ရှိသဖြင့် မလေးရှား၊ ထိုင်း၊ ဘင်္ဂလားဒေ့ရှ် နှင့် ဝေးလံသော နေရာမှ သြစတြေးလျ စသည့် နိုင်ငံများသည် ထွက်ပြေးလာရသော ဒုက္ခသည်များအား နွေးထွေးစွာ ကြိုဆိုလျက် ရှိသည်။
လူ့အခွင့်အရေး အုပ်စုများက ပြောကြားရာတွင် ရွေးကောက်ပွဲ မတိုင်မီ မြန်မာအစိုးရ၏ တိုင်းရင်းသားများ အပေါ် နှိပ်ကွပ်မှုများကြောင့် ထောင်ပေါင်းများစွာသော သူများအား ထွက်ပြေးခဲ့ရသည်ဟု ဆိုသည်။
ထိုအထဲတွင် မွတ်ဆလင် အများဆုံး ဖြစ်သည်။ သို့သော် မလေးရှား လူ့အခွင့်အရေး အဖွဲ့ ဖြစ်သော Suaram မှ ဒုက္ခသည် ညှိနှိုင်းရေးမှူး Temme Lee က ပြောကြားရာတွင် နယ်စပ်ဖြတ်ကျော် ထွက်ပြေးလာသူများတွင် ကချင်၊ ကရင် နှင့် ချင်းတိုင်းရင်းသားများလည်း ပါဝင်ကြောင်း ပြောခဲ့သည်။
သူမက ပြောကြားရာတွင် မြန်မာစစ်အစိုးရသည် ရွေးကောက်ပွဲ မတိုင်မီ တိုင်းရင်းသား အဖွဲ့အစည်းများအား အစိုးရ၏ နယ်ခြား စောင့်တပ် အဖြစ် အသွင်ပြောင်းရန် တောင်းဆိုလျက် ရှိပြီး၊ ရွေးကောက်ပွဲတွင် မဲဆန္ဒနယ်မြေ အဖြစ် အပြန်အလှန်အားဖြင့် ပြန်ပေးမည်ဟု ဆိုသည်။
ထွက်ပြေးလာသူများတွင် အသက် (၁၇) နှစ်ရှိ Hamid bin Hatin လည်း ပါဝင်သည်။ သူအား မြန်မာစစ်တပ်က သူ့အိမ်ရှိရာ ရခိုင်ပြည်နယ်မှ ဝေးရာနေရာတွင် အလုပ်ကြမ်းလုပ်ရန် စေခိုင်းခဲ့သည်ဟု ဆိုသည်။
၎င်းသည် ထိုင်းနိုင်ငံမှ တဆင့် မလေးရှားနိုင်ငံသို့ လာရောက်ကရန် ပွဲစားအား ဒေါ်လာ (၁၀၀၀) ခန့် ပေးခဲ့ရသည် ဟုဆိုသည်။ မလေးရှားတွင် ၎င်းသည် ထောင်ထဲရှိ သမံတလင်းပေါ်တွင်သာ နှစ်လခန့် အိပ်နေရပြီး၊ အရိုက်လည်း ခံရသည်ဟု ဆိုသည်။
"ကျွန်တော် မြန်မာပြည်က ထွက်ပြေးလာရတဲ့ အကြောင်းကတော့ မြန်မာ စစ်တပ်ဟာ လူငယ် လူရွယ်တွေကို ဇွတ်အတင်း တပ်ထဲသွင်းနေတယ်။ တပ်ထဲ ဝင်မိရင် သေတဲ့အထိပဲ။ မိဘဆွေမျိုးတွေနဲ့လည်း အဆက်အသွယ် ရတော့မှာ မဟုတ်ဘူး။ ဒါကြောင့် ကျွန်တော်ရော ကျွန်တော့် မိဘတွေရော စိုးရိမ်လာပြီး ထွက်ပြေးဖို့ ဆုံးဖြတ်ခဲ့တာ'' ဟု ၎င်းက ပြောသည်။
မြန်မာများသည် ထောင်နှင့် တူသော တရားမဝင် ဝင်ရောက်လာသူများ အားထားသော စခန်းများတွင် ကျပ်ကျပ်တည်းတည်း ထည့်သွင်းထားခြင်း ခံရသည်။ ထိုအထဲတွင် သြစတြေးလျရှိ Christmas ကျွန်းရှိစခန်းတွင် အာဖဂန် နစ္စတန်နှင့် သီရိလင်္ကာ လူမျိုးများ ပြီးလျှင် မြန်မာလူမျိုးများသည် တတိယ အများဆုံး ဖြစ်သည်။
မလေးရှား၊ အင်ဒိုနီးရှား နှင့် သြစတြေးလျ နိုင်ငံများတွင် တရားမဝင် ဝင်ရောက်လာသော လူများကို ထိန်းချုပ်ရန် ကြိုးစားမှု အသစ်များ ပြုလုပ်ခဲ့ရာ ရလဒ်အဖြစ် မလေးရှားနှင့် အင်ဒိုနီးရှားရှိ စခန်းများတွင် ဒုက္ခသည်များ သိသိသာသာ တိုးလာသည်ကို တွေ့ရသည်။
Lee ကဲ့သို့သော ဒုက္ခသည်များကို အကာအကွယ် ပေးနေသူများက ပြောကြားရာတွင် ယခုအချိန်သည် ရွှေ့ပြောင်းလာသူများကို မည်သို့ စောင့်ရှောက်မည်နည်း ဟုသာ ပြန်လည် သုံးသပ်ရန် အချိန် ဖြစ်ကြောင်း ဆိုခဲ့သည်။
"ခိုလှုံခွင့် တောင်းသူတွေဟာ ဖမ်းဆီးထားတဲ့ စခန်းတွေမှာပဲ လပေါင်းများစွာ ကုန်ဆုံးနေရတယ်။ သြစတြေးလျ အစိုးရကလည်း မလေးရှား အစိုးရပြောသလို လုံခြုံရေး ကိစ္စကိုပဲ အလေးပေး ပြောနေတာကတော့ သိပ်တော့ အဓိပ္ပာယ် မရှိလှဘူး။ ခိုလှုံခွင့် တောင်းသူနဲ့ ဒုက္ခသည်တွေကို အကာအကွယ် ပေးမယ် ဆိုတဲ့ ကိစ္စတွေကိုတော့ မပြောကြဘူး။ ဒီကိစ္စဟာ ပြဿနာရှင့်'' Lee က ပြောသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.