Posts
The Independent, 12th July 2010
အနှစ် ၂၀ အတွင်း ပထမဆုံးအဖြစ် ကျင်းပရန် ကတိပေးထားသော်လည်း ရက် မသတ်မှတ် ရသေးသည့် အထွေထွေ ရွေးကောက်ပွဲများ၏ အကြိုကာလတွင် မြန်မာ စစ်အာဏာရှင် ဗိုလ်ချုပ်မှူးကြီး သန်းရွှေသည် ၎င်း၏ ယူနီဖောင်းဝတ် အစိုးရ ဝန်ကြီးများအား စစ်တပ်မှ နုတ်ထွက်ရန် အမိန့်ပေးခဲ့ခြင်းဖြင့် အန္တရာယ် များသော အဆင့်တစ်ခုကို ဆောင်ရွက်ခဲ့သည်။
အစိုးရ အာဘော် New Light of Myanmar သတင်းစာ ရှေ့မျက်နှာဖုံးတွင် နေရာ ယူထားသော အဆိုပါ ဗိုလ်ချုပ်များသည် ငါးပုဇွန် အအေးခန်း စက်ရုံများ၊ ရေလှောင်တမံများကို စစ်ဆေးနေဆဲ နိုင်ငံကို အုပ်ချုပ်နေဆဲ ဖြစ်၍ ဒီမိုကရေစီ အုပ်ချုပ်ရေး စနစ်နှင့် ဆင်တူသော အရာပင် အလှမ်း ဝေးလွန်းနေဆဲ ဖြစ်သည်။
သို့သော်လည်း တွေ့ရသည့် မြင်ကွင်းမှာမူ ပြောင်းလဲသွားလိမ့်မည်။ ဝန်ကြီးများသည် မြန်မာ့ရိုးရာ လုံချည်ကို ဝတ်ဆင်ကြလိမ့်မည်။ ၎င်းတို့အတွက် အရေးကြီးသည်မှာ စစ်အုပ်ချုပ်ရေး နှစ် ၅၀ သက်တမ်းရှိ နိုင်ငံတစ်ခုတွင် စစ်တပ်၏ အထူးအခွင့်အရေး၊ အဆင့်အတန်း၊ လေးစားမှုများကိုမူ ဆက်လက် ခံစားနိုင်တော့မည် မဟုတ်ခြင်းပင် ဖြစ်သည်။
ဤနေရာတွင် ပြဿနာ ရှိနေသည်ဟု ပြည်ပြေး မြန်မာ သတင်းဝက်ဘ်ဆိုက် ဧရာဝတီက မှန်းဆထားသည်။ ဗိုလ်ချုပ်မှူးကြီး သန်းရွှေသည် ၎င်း၏ လက်အောက် ငယ်သားများထဲမှ ပုန်ကန်နိုင်မှုနှင့် ရင်ဆိုင်နေရသည်ဟု ဧရာဝတီက ယခင် အပတ်က အခိုင်အမာ ပြောကြားခဲ့သည်။ "သူ့ရဲ့ အစိုးရ အဖွဲ့ဝန်ကြီးတွေ ကြားမှာ မကျေနပ်တဲ့ လက္ခဏာတွေ ကြီးထွားနေပါတယ်။ သူတို့ရဲ့ ဘော့စ်က သစ္စာ ဖောက်တာကို ခံရတယ်လို့ ယူဆနေကြတယ်" ဟု ဆိုသည်။
"ကြိုက်ကြိုက်၊ မကြိုက်ကြိုက် မြန်မာနိုင်ငံမှာတော့ စစ်ယူနီဖောင်း ဆိုတာ အာဏာရဲ့ သင်္ကေတပါပဲ။ ဒါကို ဝတ်ထားသူက မဝတ်တဲ့သူထက် အမြဲတမ်း ပိုဦးစားပေးခံရမယ်။ လေးစားခံရမယ်။ တခြားသူတွေရဲ့ ပူးပေါင်း ကူညီမှုကို အလွယ်တကူ မျှော်လင့်နိုင်မယ်၊ ဒီအခွင့်ထူးတွေကို ရုတ်တရက် သူတို့ ဆုံးရှုံးရတော့မယ်လေ" ဟု သတင်းဌာနက မှတ်ချက်ပေးသည်။
စစ်တပ်မှ နုတ်ထွက်ခြင်းဖြင့် အဆိုပါ ဝန်ကြီးများသည် လွှတ်တော်သစ်တွင် နေရာ ဖယ်ထားသော စစ်တပ်ဝေစု ၂၅ % တွင် မပါဝင်တော့ဟု ဆိုလိုရာ ရောက်သည်။ "အခုတော့ သူတို့ ခြေထောက်ပေါ် သူတို့ ရပ်ရတော့မယ်။ တပ်ချုပ်ကြီးက နောက်ကွယ်ကနေ ညစ်တီးညစ်ပတ် နည်းလမ်းတွေနဲ့ သူတို့ကို မပံ့ပိုးပေးဘူး ဆိုရင် သူတို့ ရှုံးမှာ သေချာပါတယ်။ ဒါဆိုရင် သူတို့ တစ်ခါတည်း မြောင်းထဲ ရောက်သွားပြီပေါ့" ဟု ဧရာဝတီ ဆောင်းပါးရှင် ဗမာကြီးက ထောက်ပြသည်။
မြန်မာ လူဦးရေ သန်း ၅၀ ကို ၁၈ နှစ် အုပ်ချုပ်ခဲ့သော ပြည်ပ စာနယ်ဇင်းများက ကင်ဂျုံအီးနှင့် ရောဘတ် မူဂါဘီ ပြီးလျှင် ကမ္ဘာ့ တတိယ အဆိုးဆုံး အာဏာရှင်ဟု သတ်မှတ်ခြင်း ခံရသော အသက် ၇၇ နှစ်ရှိ စစ်သားအိုသည် ၎င်း၏ စစ်အာဏာရှင် စနစ်ကို အရာဖက် အုပ်ချုပ်ရေးစနစ် အဖြစ် အမည်ပြောင်းရန် ကြိုးစားလျက် ရှိရာတွင် အဓိက စိန်ခေါ်မှုနှင့် ရင်ဆိုင်နေရသည်။
ပိတ်ကားထက်မှ ဆင်း၍ အာဏာကို ဆက်လက် ချုပ်ကိုင်ရန် ကြိုးစားနေသော ဗိုလ်ချုပ်မှူးကြီးမှာ ခက်ခဲသော စမ်းသပ်မှုများနှင့် ရင်ဆိုင်နေရပြီ ဖြစ်သည်။ တစ်နည်းအားဖြင့် ဆိုရလျှင် ဗိုလ်ချုပ်မှူးကြီး၏ အမိန့်ဖြင့် မြေးများ ထောင်ကျကာ ၎င်းကိုယ်တိုင် အင်းလျားကန်စောင်း စံအိမ်တွင် သော့ခတ်ခံ ဘဝဖြင့် ဘဝကို အဆုံးသတ်သွားခဲ့ရသော ဗိုလ်ချုပ်မှူးကြီး၏ နောက်ဆုံး ဆရာ ဦးနေဝင်း (အာဏာရှင် ၁၉၆၂-၁၉၈၈) ကဲ့သို့ မကြုံရလေအောင် ဗိုလ်ချုပ်မှူးကြီး အနေဖြင့် တိုင်းပြည်မှ သူ ပြောင်ယူထားသော သန်းထောင်ချီသော ပိုက်ဆံများကို သုံးဖြုန်းရင်း ဘဝလက်ကျန် နေ့ရက်များကို မည်သို့ နေထိုင်သွားမည်နည်း။
"Burma တိန့်ရှောက်ဖိန်" ဟု တရုတ်က ချီးကျူးခဲ့ပြီး နောက်ပိုင်းတွင် လွတ်မြောက်ရန် အလားအလာ မရှိ၊ နေအိမ် အကျယ်ချုပ် ကျခံနေရသော စစ်ထောက်လှမ်းရေး အကြီးအကဲနှင့် ဝန်ကြီးချုပ်ဟောင်း ဗိုလ်ချုပ်ကြီး ခင်ညွန့်၏ ကံကြမ္မာမျိုး မကြုံရလေအောင် မည်သို့ ရှောင်ရှားမည်နည်း။
လာမည့် အပတ် လန်ဒန်တွင် ဖြန့်ချီမည့် "Than Shwe: Unmasking Burma's Tyrant မြန်မာ့ အာဏာရှင်၏ မျက်နှာဖုံးကို ခွာကြည့်ခြင်း" အမည်ရှိ ပထမဆုံး အတ္ထုပတ္တိ စာအုပ်ကို ရေးသားသူ Benedict Rogers က "ဗိုလ်ချုပ်မှူးကြီး သန်းရွှေ ရွေးကောက်ပွဲများ ကျင်းပမည်ဟု ကြေညာပြီး ၂ နှစ် ကြာသည် အထိ ကျင်းပမည့် ရက်ကို မသတ်မှတ်သေးခြင်း၏ နောက်ကွယ်မှ အကြောင်းရင်းမှာ ၎င်း၏ လုံခြုံမှု အပေါ် ရုတ်တရက် စိုးရိမ်ပူပန် လာသောကြောင့် ဖြစ်သည်" ဟု ပြောကြားသည်။
"သူ့အနေနဲ့ နောက်ကွယ်ကနေ အာဏာကို ချုပ်ကိုင်နိုင်ဖို့ အတွက် အားလုံးကို အပိုင် ချည်ပြီးသား ဆိုတာကို သေချာအောင် လုပ်ချင်တာပါ။ ဘဲတွေ အားလုံး ခြံထဲကို သေချာ သွင်းပြီးတဲ့ အထိ ရွေးကောက်ပွဲ ရက်ကို မသတ်မှတ်သေးဘဲ စောင့်နေတာပေါ့။ သူက အမတ်လောင်းတွေကိုလည်း မဲဆွယ်ချိန် မပေးချင်ဘူးလေ" ဟု သုံးသပ်ပြသူ Benedict Rogers သည် Christian Solidarity Worldwide မှ လူ့အခွင့်အရေး ထောက်ခံ လှုပ်ရှားသူ ဖြစ်သည်။
မြန်မာနိုင်ငံ မြို့တော်ကို ရန်ကုန်မှ မြန်မာပြည် အလယ်ပိုင်း ပူပြင်းသော၊ ငှက်ဖျားပေါသော၊ ငလျင်ကြော မလွတ်သော၊ ကျတ်တီးကုန်း ဒေသသို့ ပြောင်းရွှေ့ခဲ့ခြင်းသည် ဗိုလ်ချုပ်မှူးကြီး၏ သက်တမ်း တလျှောက် လျှို့ဝှက်သော၊ သံသယကြီးသော အတွေးဖြင့် ချမှတ်ခဲ့သည့် အဆိုးဝါးဆုံး ဆုံးဖြတ်ချက် တစ်ခု ဖြစ်၍ အကောင်း၊ အဆိုး တစ်ခုခု ဖြစ်နိုင်သလို ၎င်းကို အမြဲတမ်း မမေ့နိုင်မည့် ကိစ္စတစ်ခု ဖြစ်သည်။
တပ်မတော်၏ စစ်ရုံး ဌာနချုပ်ကို ရန်ကုန်မှ ရွှေ့ပြောင်းမည့် အကြံဥာဏ်သည် နှစ်အတန်ကြာကပင် သတင်း ပြန့်နေခဲ့ပြီး ဒေါ်အောင်ဆန်းစုကြည် ပထမအကြိမ် အကျယ်ချုပ် ထိန်းသိမ်းခံရစဉ် ၁၉၉၄ ခုနှစ်အတွင်း ဗိုလ်ချုပ်မှူးကြီးနှင့် အချည်းနှီး တွေ့ဆုံမှုများ ပြုလုပ်ခဲ့ချိန်၌ ဗိုလ်ချုပ်မှူးကြီးက သူမအား ထုတ်ပြောခဲ့ဖွယ် ရှိသည်။ နိုင်ငံ၏ မြောက်ပိုင်းနှင့် အရှေ့ပိုင်းတွင် တော်လှန် ပုန်ကန်မှု များစွာနှင့် ရင်ဆိုင်နေရသော တပ်မတော် အတွက် ရန်ကုန်သည် တောင်ဘက် ကျလွန်းသောကြောင့် နိုင်ငံ၏ အလယ်ဗဟိုတွင် အခြေပြုရန် မဟာဗျူဟာအရ တွေးခေါ်ခဲ့ခြင်း ဖြစ်ပုံရသည်။
သို့ရာတွင် ပြင်ပသို့ သတင်း မပေါက်ကြားစေဘဲ ပိုမို ကြီးမားသော အစီအစဉ်ကို ဗိုလ်ချုပ်မှူးကြီးက ချမှတ်ခဲ့သည်။ "အတိအကျ ပြောရရင် ၂၀၀၅ နိုဝင်ဘာ ၆ ရက် မနက် ၆း၃၇ မှာပါ။ ငါတို့သွားပြီဟေ့ လို့ အော်နေတဲ့ အစိုးရ ဝန်ထမ်း ရာပေါင်း များစွာဟာ ထရပ်ကားတွေနဲ့ ရန်ကုန်ကနေ ထွက်ခွာသွားကြပါတယ်။ နောက် ၅ ရက် ကြာတဲ့အခါ တပ်ရင်း ၁၁ ရင်း၊ ဝန်ကြီးဌာန ၁၁ ခုကို တင်ဆောင်ထားတဲ့ စစ်ထရပ်ကား ၁၁၀၀ ဟာ ဒုတိယအသုတ် အနေနဲ့ ရန်ကုန်က ထွက်ခွာခဲ့ပါတယ်။ နိုင်ငံရဲ့ မြို့တော်ကို ပြောင်းရွှေ့ဖို့ ဆုံးဖြတ်ခဲ့တာဟာ ဗေဒင် ယတြာတွေရဲ့ လွှမ်းမိုးမှုကြောင့်ပါ။ ဒီနေ့ ဒီရက် ဒီအချိန်မှာ ပြောင်းမယ် ဆိုတာကို ဗိုလ်ချုပ်မှူးကြီးက အစိုးရ တာဝန်ရှိ ပုဂ္ဂိုလ်တွေကို ၂ ရက် လောက်ပဲ ကြိုအသိပေးခဲ့တာပါ" ဟု Benedict Rogers က ရေးသားထားသည်။
ဤသို့ဖြင့် ဗိုလ်ချုပ်မှူးကြီး သန်းရွှေ အကြိုက် ရှေးခေတ် ပဒေသရာဇ်တို့၏ ရုပ်ထုကြီးများဖြင့် ထင်ရှားသော၊ ဘုရင်တို့ စံပျော်ရာဟု အဓိပ္ပာယ် ထွက်သော နေပြည်တော်သည် ၎င်းအတွက် သမိုင်းဝင် နေရာတစ်ခု ဖြစ်လာဖွယ် ရှိသည်။ "ရောက်ဖူးသမျှထဲမှာ အဆိုးဆုံး နေရာတစ်ခုပါ။ ကန္တာရဆူး တောထဲမှာ အဆောက်အအုံတွေကို ဟိုတစ်စု၊ ဒီတစ်ခု တည်ထားတယ်။ ဒါပေမယ့် ပြန့်တယ်ဆိုရုံ၊ အဆောက်အဦး တစ်ခုနဲ့ တစ်ခု ၃ ကီလိုမီတာလောက်ပဲ ဝေးတယ်။ ပစ်မှတ်တွေ ပြန့်ကျဲနေတော့ ဗုံးထိဖို့ မလွယ်ဘူးလို့ပဲ တစ်ယောက်ယောက်က ထင်ကြေးပေးနိုင်ပါတယ်" ဟု မြန်မာနိုင်ငံဆိုင်ရာ ယခင် ဗြိတိန် သံအမတ်ကြီး Mark Conning က ပြောဆိုသည်။ "သူက ဘုရင် ဆိုပေမယ့် အရာရာကို ကြောက်နေရတယ်လေ။ ဒီမှာ သူ့အတွက် လုံခြုံလိမ့်မယ်လို့ ထင်ပုံ ရပါတယ်" ဟု ဒေသခံ တစ်ဦးက နိုင်ငံခြား သတင်းထောက် တစ်ဦးကို ပြောကြားခဲ့သည်။
ဒေါ်အောင်ဆန်းစုကြည် တစ်ခါက ပြောခဲ့ဖူးသော ကြောက်ရွံ့ခြင်းနှင့် ပတ်သက်သည့် သဘောတရားကို နေပြည်တော်က ပြယုဂ်အဖြစ် ထင်ဟပ်နေသည်။ "ဒါဟာ အာဏာ မဟုတ်ပါဘူး။ အကျင့်ပျက်သွားတာပါ။ ဒါပေမယ့် ကြောက်စရာ ကောင်းတယ်။ အာဏာ ဆုံးရှုံးမှာကို ကြောက်တဲ့စိတ်ဟာ အာဏာ ချုပ်ကိုင်ထားတဲ့ လူတွေကို အကျင့်ပျက်စေပါတယ်။ အာဏာ ကြာပွတ်ကို ကြောက်ရွံ့စိတ်ဟာလည်း ဒီအာဏာ အောက်မှာ နေရသူတွေကို အကျင့်ပျက် သွားစေပါတယ်။ ကြောက်ရွံ့ခြင်းဟာ လူကို တဖြည်းဖြည်း ပိတ်ဆို့ မွန်းကျပ်စေပြီး၊ အမှန်နဲ့အမှား စဉ်းစား နားလည်နိုင်မှု အားလုံးကို ဖျက်ဆီးလိုက်ပါတယ်" ဟု သူမ ပထမအကြိမ် အကျယ်ချုပ် ကျစဉ် ၁၉၉၀ တွင် ရေးသားခဲ့သည်။
ကြောက်ရွံ့ခြင်း လွှမ်းမိုးသော စနစ်တစ်ခုက သာလျှင် ဗိုလ်ချုပ်မှူးကြီးလို လူမျိုးကို ထိပ်ဆုံး ရောက်စေနိုင်သည်။ အကြောင်းမှာ သူ့ဘဝ သက်တမ်းတလျှောက် အဖိနှိပ်ခံ ဘဝဖြင့်သာ ကြီးပြင်းခဲ့ပြီး အောင်မြင်ရန် မျှော်လင့်ချက်၊ ရည်မှန်းချက် မရှိသည့် အားလျော်စွာ အပြစ်တင်၍ မရသော ရွက်ကြမ်းရေကြို အဆင့် လူသာမန် တစ်ယောက်သာ ဖြစ်နေ၍ ဖြစ်သည်။ သူသည် ထိပ်ဆုံးသို့ ရုတ်တရက် မရောက်ခင်အထိ ကြောက်ရွံ့မှုကို မလှုံ့ဆော်နိုင်သူ တစ်ဦးသာ ဖြစ်ခဲ့ပြီး ယခုအချိန်တွင်မူ သူ၏ တိုင်းပြည်ကို သူ့အာဏာ လက်အောက်တွင် နှစ် ၂၀ ခန့် ချုပ်ကိုင်ထားခဲ့ပြီ ဖြစ်သည်။
၎င်းနှင့် ဆက်ဆံဖူးသော သူများ၏ မှတ်ချက်များမှာ တစ်ပုံစံတည်း ဖြစ်ပြီး မြှောက်ပင့်ထားခြင်း မရှိဘဲ "ပုပု၊ ဝဝ နဲ့ အသံသြဇာ မရှိပါဘူး" ဟု တစ်ယောက်က ဆိုသည်။ နောက်တစ်ယောက်က "ကြည့်ရတာ ပျင်းရိပျင်းတွဲကြီးပါဗျာ" ဟု ပြောသည်။ အချို့ကလည်း "ထင်ရှားတဲ့ ဥပဓိရုပ် မရှိဘူး" ၊ "ကျွန်တော်တို့ ခေါင်းဆောင်က အတော့်ကို ပညာနည်းတဲ့ လူပါ" ၊ "ထက်မြက် သွက်လက်တဲ့ စစ်သားတွေ အများကြီး ရှိပေမယ့် အဲဒီထဲမှာ သူမပါဘူး" ၊ "ကြောက်စရာ ကောင်းတဲ့ လူတစ်ယောက်ပါ" စသဖြင့် အမျိုးမျိုး သုံးသပ်ကြသည်။ ကမ္ဘာဘဏ် အရာရှိဟောင်း တစ်ဦး၏ မှတ်ချက်မှာ အနီးစပ်ဆုံး ချီးမွမ်းခံရခြင်း ဖြစ်သည်။ "မြေခွေးအိုကြီး တစ်ကောင်နဲ့ တူတဲ့လူပါ" တဲ့။
၁၉၃၃ တွင် မြန်မာပြည် အလယ်ပိုင်း ကျောက်ဆည်၌ မွေးဖွားခဲ့သူ ဗိုလ်ချုပ်မှူးကြီး သန်းရွှေသည် ရှေ့တန်း စစ်မြေပြင် အောင်မြင်မှု စွမ်းဆောင်ချက်များ မရှိသော်လည်း တိတ်တိတ် ဆိတ်ဆိတ်ဖြင့် ရာထူး တက်လာခဲ့သည်မှာ ၁၉၈၈ ဇူလိုင်လ၌ ဒုတိယ ကာကွယ်ရေး ဦးစီးချုပ်အဖြစ် ခန့်အပ်ခံရသည့် အချိန်အထိပင် ဖြစ်သည်။ ထိုအချိန်သည် ခေတ်သစ် သမိုင်းတွင် အကြီးမားဆုံး လူထု တော်လှန်ရေး ကာလအတွင်း ဖြစ်၍ တပ်မတော် အတွက် အန္တရာယ် အကြီးဆုံး ကာလ ဖြစ်ခဲ့သည်။ ယင်းနောက်ပိုင်း စစ်တပ်က အာဏာ သိမ်းခဲ့သည်မှာ ယခု အချိန်ထိ ဖြစ်သည်။
၁၉၉၀ တွင် သူသည် ဟိုမရောက် ဒီမရောက် မရေရာသူ တစ်ယောက်သာ ဖြစ်ခဲ့သည်။ ထို့နောက်တွင် ငြိမ်ဝပ်ပိပြားမှု တည်ဆောက်ရေး အဖွဲ့ ဥက္ကဋ္ဌ ဗိုလ်ချုပ်ကြီး စောမောင် ဂေါက်သီးပြိုင်ပွဲ တစ်ခုတွင် လက်အောက် ဗိုလ်ချုပ်များအား ပစ္စတိုဖြင့် ထုတ်ချိန်ကာ ရူးသွပ်သွားခဲ့ပြီးနောက် ရာထူးမှ လုံးဝ နုတ်ထွက်သွားခဲ့သည်။ ထို့နောက်တွင် စစ်တိုင်းမှူး အတွေ့အကြုံ မရှိသော၊ ကာကွယ်ရေး ဦးစီးချုပ် အဖြစ် လက်ခံနိုင်မည့် အခွင့်အရေး မရှိသော စစ်ထောက်လှမ်းရေး အကြီးအကဲ ဗိုလ်ချုပ် ခင်ညွန့်နှင့် ဗိုလ်ချုပ်ကြီးသန်းရွှေတို့ အကြား ပြိုင်ပွဲတစ်ခု ဖြစ်လာခဲ့သည်။ နောက်ဆုံးတွင် ဗိုလ်ချုပ်ကြီး ခင်ညွန့်သည်လည်း စစ်အသိုင်းအဝိုင်းမှ လွှင့်ပစ်ခြင်း ခံရကာ ဘဝ ဇာတ်သိမ်းကို စောင့်နေရသူ ဖြစ်နေလေပြီ။ "မြန်မာနိုင်ငံက ထောက်လှမ်းရေး အကြီးအကဲတိုင်းဟာ မရှုမလှ ဇာတ်သိမ်းရတာ ချည်းပါပဲ" ဟု သံအမတ်ဟောင်း တစ်ဦးက ပြောကြားသည်။
ဗိုလ်ချုပ်မှူးကြီး သန်းရွှေ၏ သာမန် အရည်အသွေးသည် သူ့အပေါ် အနောက်နိုင်ငံတို့ အမြင်ကို သက်ရောက်မှု ဖြစ်စေခဲ့သည်။ သူ့အား အလွယ်တကူ လျှော့တွက်ခဲ့ကြသည်။ "သူသည် အချိန်ကို ကောင်းစွာ အသုံးချ ကစားတတ်သူ ဖြစ်၍ နိုင်ငံတကာ အသိုင်းအဝိုင်း၏ ဖိအား များလာသည့် အချိန်တွင် ဟန့်တားရန် အတွက် အလျှော့ပေးသည် ဆိုရုံမျှ ကမ်းလှမ်းကာ ၎င်း၏ စွမ်းရည်ကို ပြတတ်သည်။ ထို့နောက် ဖိအား လျော့သွားသည့် အချိန်တွင် ၎င်းပေးထားသော ကတိများကို တိတ်တဆိတ် ဖျက်သိမ်း နောက်ဆုတ်သွားတတ်သည်" ဟု Benedict Rogers က ထောက်ပြသည်။
တစ်ချိန်တည်းတွင် ၎င်း၏ အရင် ခေါင်းဆောင် ဦးနေဝင်း ချမှတ်ခဲ့သော လမ်းကြောင်းကို ဆက်၍ လျှောက်သည်။ တပ်မတော်၏ အရွယ်အစားကို ကြီးမားစွာ တိုးချဲ့ခြင်း ဖြစ်သည်။ ယခုအခါ စစ်တပ်ထဲတွင် ကလေးသူငယ် စစ်သား ထောင်ပေါင်းများစွာ ပါဝင် အမှုထမ်းနေပြီး ကရင်နှင့် အခြား တိုင်းရင်းသားများ အပေါ်တွင်လည်း အစု အပြုံလိုက် သတ်ဖြတ်မှုနှင့် ဆက်စပ်သော အကြမ်းဖက်မှုများ ဆက်လက် ကျူးလွန်နေသည်။
၂၀၀၀ မှ ၂၀၀၈ အထိ မြန်မာနိုင်ငံဆိုင်ရာ ကုလလူ့အခွင့်အရေး အထူးအရာရှိ အဖြစ် တာဝန်ယူခဲ့သူ Sergio Pinheiro က ၂၀၀၉ ခုနှစ်တွင် "မြန်မာ စစ်တပ်သည် လွန်ခဲ့သည့် ၁၅ နှစ် အတွင်း ကျေးရွာပေါင်း ၃၃၀၀ ကို စနစ်တကျ ဖျက်ဆီးခဲ့ပြီး တိုင်းရင်းသား အုပ်စုများကို သိမ်းသွင်းရန် ကျယ်ကျယ်ပြန့်ပြန့် လှုပ်ရှားနေသည်" ဟု ရေးသားခဲ့သည်။ တစ်ချိန်တည်းတွင် ဗိုလ်ချုပ်မှူးကြီး သန်းရွှေသည် မြန်မာ အရပ်ဖက် ပြည်သူများကို မျှော်လင့်ခြင်း ကင်းမဲ့မှုနှင့် ဆင်းရဲခြင်း တွင်းနက်တွင် ပစ်ထားခဲ့သည်။ စစ်အုပ်ချုပ်ရေး ဆက်လက် တည်မြဲရန် ရည်ရွယ်သော ၎င်းတွန်းအား ပေးနေသည့် ပြုပြင် ပြောင်းလဲမှုသည် မည်သူကိုမျှ တပတ်ရိုက်နိုင်မည် မဟုတ်ပါ။
ဗိုလ်ချုပ်မှူးကြီး သန်းရွှေအတွက် ၎င်းနှင့် ထိုက်တန်သော ပေးဆပ်မှုများဖြင့် ကျဆုံးမည့် အချိန်မှာ အနှေးနှင့် အမြန် မဝေးတော့ဟု မှန်းဆလျှင် မှားမည် မထင်ပါ။ ဤဇာတ်ညွှန်းသည် ၎င်း ခပ်ပြင်းပြင်း ကန်ထုတ်ခဲ့သော ၎င်း၏ လက်အောက် ငယ်သားများထံမှ ထွက်ပေါ်လာလိမ့်မည်။ ထိုအချိန်ရောက်လျှင် တပ်မတော်သည် ၎င်းအား ဘုရားထူး၊ အရိုသေခံ ဘဝဖြင့် လုံးဝ ထားလိမ့်မည် မဟုတ်ချေ။ ထိုအခါတွင် လူမှုဘဝ သက်သာသော ရန်ကုန်မှ မဲဇာရောက် အပူဒဏ် ခံရေသော နေပြည်တော်ရောက် အရပ်ဖက် ဝန်ထမ်းများကလည်း သက်ဆိုင်သော နေရာမှ ပါဝင် ကပြကြလိမ့်မည်။ ထို့အပြင် ၂၀၀၇ ခုနှစ်က ၎င်း မိုက်မဲစွာ အပေါ်စီးမှ နေကာ၊ နှစ်သိမ့် လိုက်လျောရန် ငြင်းဆန်ခဲ့သော ဘုန်းကြီးများမှာလည်း ကဏ္ဍတစ်ခုမှ ပါဝင်ကြလိမ့်မည်။
သို့သော်လည်း ၎င်း၏ အဆုံးစွန် ကျဆုံးခန်းသို့ ရောက်နေသည့် တိုင်အောင် ၎င်း၏ နေရာကို သိသိသာသာ ပိုမို ကောင်းမွန်သော တစ်စုံတစ်ယောက်က အစားထိုး နေရာ ယူလိမ့်မည်ဟု ခန့်မှန်းရန် အတွက် သင်သည် အလွန် ရဲဝံ့သော အကောင်းမြင် သမား တစ်ယောက် ဖြစ်ရန် လိုအပ်သည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.