Posts
ဇူလိုင် လကုန်ပိုင်းတွင် ပြည်ထောင်စု မြန်မာနိုင်ငံသို့ မြောက်ကိုရီးယား နိုင်ငံခြားရေး ဝန်ကြီး ပတ်အူချွန်း လာရောက် လည်ပတ်ရန် ရှိကြောင်း စုံစမ်း သိရှိရသည်။ ၎င်းသည် ဗီယက်နမ်နိုင်ငံ ဟနွိုင်းမြို့တွင် ကျင်းပမည့် ဒေသတွင်း လုံခြုံရေး ဖိုရမ်သို့ တက်ရောက်ပြီးနောက် မြန်မာနိုင်ငံသို့ လာရောက်ရန် စီစဉ်ထားခြင်း ဖြစ်သည်။
Kyodo သတင်းဌာန အဆိုအရ မြောက်ကိုရီးယား နိုင်ငံခြားရေး ဝန်ကြီး ပတ်အူချွန်း၏ မြန်မာ ခရီးစဉ်နှင့် ပတ်သက်၍ သတင်း အချက်အလက် အနည်းငယ်သာ သိရှိ ရသေးသည်ဟု ဆိုသည်။ ပြီးခဲ့သည့် ဇွန်လအတွင်း DVB သတင်းဌာနက မြန်မာနိုင်ငံနှင့် မြောက်ကိုရီးယား နှစ်နိုင်ငံ အကြား စစ်ဘက်ဆိုင်ရာ ကုန်သွယ်မှု ရှိပြီး မြန်မာသည် မြောက်ကိုရီးယား အကူအညီဖြင့် နျူကလီယာ လက်နက် ထုတ်လုပ် တပ်ဆင်ရန် ကြိုးပမ်းလျက် ရှိသည်ဟု ထုတ်ဖော်ခဲ့သည့် နောက်ပိုင်း မစ္စတာ ပတ်အူချွန်း၏ ခရီးစဉ် ထွက်ပေါ်လာခြင်း ဖြစ်သည်။
မြန်မာစစ်အစိုးရက နျူကလီယာ စွပ်စွဲချက်များ အားလုံးကို မဟုတ်မမှန်ကြောင်း ငြင်းပယ်ခဲ့ပြီး မြောက်ကိုရီးယားနှင့် နွေးထွေးမှု ရှိသော ဆက်ဆံရေး တစ်ရပ် ရရှိအောင် လုပ်ကိုင်ထားသည်။ ပြီးခဲ့သည့် ၂၀၀၁ ခုနှစ်အတွင်း မြောက်ကိုရီးယား ဒုတိယ နိုင်ငံခြားရေး ဝန်ကြီး ပတ်ကီယွန်း ဦးဆောင်သော ကိုယ်စားလှယ်အဖွဲ့ မြန်မာနိုင်ငံသို့ လာရောက်ပြီးချိန် နောက်ပိုင်း မြန်မာနိုင်ငံတွင် မြောက်ကိုရီးယား ပညာရှင်များ ဝင်ရောက် လုပ်ကိုင်လျက် ရှိသည်ကို တွေ့ရသည်။ မြောက်ကိုရီးယားမှ အဓိက စစ်လက်နက်များ မြန်မာနိုင်ငံသို့ ရောင်းချခဲ့သည့် လျှို့ဝှက် မှတ်တမ်းများနှင့် သက်သေများကို DVB က ထုတ်ဖော်ခဲ့သည်။
ရန်ကုန်မြို့ အနီးရှိ သီလဝါ ဆိပ်ကမ်းသို့ သံသယဖြစ်ဖွယ် မြောက်ကိုရီးယား ကုန်တင်သင်္ဘော များစွာ ဆိုက်ကပ်ခဲ့သည်။ အဆိုပါ မြောက်ကိုရီးယား သင်္ဘောများ အနက် ပြီးခဲ့သည့် ဧပြီလက ဆိုက်ကပ်ခဲ့သော သင်္ဘောသည် မြောက်ကိုရီးယားလုပ် ဒုံးကျည်များ၊ ရေဒါစနစ်များကို တင်ဆောင်လာခဲ့ကြောင်း၊ ယင်း လက်နက် ပစ္စည်းများကို မြန်မာနိုင်ငံ မြောက်ပိုင်းဒေသရှိ စစ်အခြေစိုက် စခန်းများ ရှိရာသို့ တင်ပို့လျက် ရှိသည်ကို တွေ့ရကြောင်း DVB သတင်းဌာနက သတင်းပေး ဖော်ပြခဲ့ဖူးသည်။ မြန်မာအစိုးရကမူ အဆိုပါ သင်္ဘောသည် အလှည့်ကျ တင်ပို့နေသော ဆန်များကို တင်ဆောင်လာခြင်း ဖြစ်သည်ဟု ငြင်းပယ်ခဲ့သည်။
အမေရိကန် ပြည်ထောင်စုနှင့် အီးယူတို့သည် ၂၀၀၆ ခုနှစ်အတွင်း မြောက်ကိုရီးယား နိုင်ငံက နျူကလီယာ စမ်းသပ်မှုများ ပြုလုပ်ခဲ့သောကြောင့် ပြုံးယမ်း အစိုးရအား နိုင်ငံတကာတွင် အထီးကျန် ဖြစ်အောင် ကြိုးစား လုပ်ကိုင်လျက် ရှိသည်။ ၂၀၀၉ ခုနှစ်၊ မေလတွင် နောက်ထပ် နျူကလီယာဗုံး စမ်းသပ်မှု ပြုလုပ်ခဲ့ပြန်ရာ ကုလသမဂ္ဂကလည်း ပိုမို တင်းကြပ်သော ပိတ်ဆို့ အရေးယူမှုများ ပြုလုပ်ခဲ့သည်။ သုံးသပ် လေ့လာသူများက မြောက်ကိုရီးယားနှင့် မြန်မာနိုင်ငံကို "ခက်ထန် ကြမ်းတမ်းသော နိုင်ငံများ" အဖြစ် သတ်မှတ် ခေါ်ဆိုပြီး အဆိုပါ နှစ်နိုင်ငံ မဟာမိတ် ဖွဲ့မှုကြောင့် မတည်မငြိမ်မှုများ ဖြစ်လာရန် အလားအလာ ရှိသည်ဟု ခန့်မှန်းကြသည်။
မြောက်ကိုရီးယားသည် အာဆီယံ ဒေသတွင်း ဖိုရမ်သို့ အဆင့်မြင့် အရာရှိကြီးများ စေလွှတ်မှု မပြုလုပ်သည်မှာ ၂ နှစ်ခန့် ရှိခဲ့ပြီ ဖြစ်သည်။ ၂၀၀၉ ခုနှစ် ထိုင်းနိုင်ငံတွင် ပြုလုပ်ခဲ့သော ဒေသတွင်း ဖိုရမ်သို့ မြောက်ကိုရီးယား နိုင်ငံခြားရေး ဝန်ကြီးဌာနမှ အဆင့်နိမ့် အရာရှိ တစ်ဦးကိုသာ စေလွှတ်ခဲ့သည်။ (မှတ်ချက်။ ထိုဒေသတွင်း ဖိုရမ် ကျင်းပချိန်သည် မြောက်ကိုရီးယား နျူကလီယာ စမ်းသပ်မှုများ ပြုလုပ်နေချိန်နှင့် တိုက်ဆိုင်နေသည်။)
အဆိုပါ ဖိုရမ်သည် အာဆီယံ ဒေသတွင်း လုံခြုံရေးနှင့် ပတ်သက်သော အရေးကိစ္စများ ဆွေးနွေးရန် စီစဉ်ထားခြင်းဖြစ်ပြီး အာဆီယံ အဖွဲ့ဝင် ၁၀ နိုင်ငံ အပြင် တရုတ်၊ မြောက်ကိုရီးယားနှင့် အမေရိကန် နိုင်ငံခြားရေး ဝန်ကြီး ဟီလာရီ ကလင်တန်တို့ အပါအဝင် နိုင်ငံပေါင်း ၁၇ နိုင်ငံ တက်ရောက်မည် ဖြစ်သည်။
DVB သတင်းကို ဘာသာပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.