Posts
Editorial: The Guardian
မြန်မာ နိုင်ငံတွင် နှစ်ပေါင်း ၂၀ အတွင်း ပထမဆုံး အကြိမ် ဖြစ်သော ရွေးကောက်ပွဲကို လာမည့်လတွင် ကျင်းပတော့မည် ဖြစ်သည်။ ယခုကဲ့သို့ အချိန်များစွာ ကြာပြီးမှ မဲပုံးများ တစ်ဖန်ပေါ် ထွက်လာခြင်းကို သာမန်အားဖြင့် ကြည့်ပါက ဂုဏ်ပြု ကြိုဆိုရမည့် အကြောင်းရင်း တစ်ခု ဖြစ်ပေသည်။ သို့သော် မြန်မာနိုင်ငံတွင်မူ ဤသို့ မဟုတ်ပါ။ စစ်ဖက် အုပ်ချုပ်သူများအား အရပ်ဖက် အစိုးရအဖြစ် အပေါ်ယံ တရားဝင်အောင် ပြုလုပ်ခြင်း ဖြစ်၍ အဆိုပါ ရွေးကောက်ပွဲကို အပြစ် အနာအဆာ များလွန်းသော အစီအစဉ် တစ်ခု အဖြစ် အများစုက သတ်မှတ်ထားကြသည်။
ရွေးကောက်ပွဲအား ပြည်ပမှ စောင့်ကြည့် လေ့လာမှုကို တားဆီးရန်အတွက် စစ်ဗိုလ်ချုပ်များက နယ်စပ်ကို ပိတ်ခြင်း၊ ပြည်ဝင်ဗီဇာ ပယ်ဖျက်ခြင်းတို့ကို ပြုလုပ်လျက် ရှိသည်။ သာမန် ပြည်သူလူထုမှာလည်း ရွေးကောက်ပွဲကို ပါဝင် ဆင်နွှဲ မဲပေးရေးအပေါ် သဘောထား ကွဲနေသည်ဟု သိရှိရသည်။ အကယ်၍ တိုင်းပြည်ကို မဲပေးသည့် အလေ့အထ အတွေ့အကြုံ ရရုံအတွက်သာ ဆိုပါက ယခု ရွေးကောက်ပွဲ အတုကို လက်မလွှတ်သင့်ဟု အချို့က ယူဆကြသည်။
လာမည့် ရွေးကောက်ပွဲတွင် ယှဉ်ပြိုင်ရန်အတွက် ပါတီ ၃၇ ခု မှတ်ပုံ တင်ထားကြသော်လည်း ၁၉၉၀ ရွေးကောက်ပွဲတွင် အနိုင်ရပြီး အာဏာ မရခဲ့သည့် NLD ပါတီကမူ မှတ်ပုံတင်ခြင်း မပြုဘဲ သပိတ် မှောက်ထားသည်။
မြန်မာ အစိုးရက နိုင်ငံရေး အကျဉ်းသား ခန့်မှန်းခြေ ၂၁၈၃ ဦးခန့်ကို ဖမ်းဆီး ထိန်းသိမ်း ထားရာတွင် NLD ပါတီခေါင်းဆောင် ဒေါ်အောင်ဆန်းစုကြည်လည်း ပါဝင်သည်။ ယင်းတို့၏ မိသားစုများနှင့် မိတ်ဆွေများမှာလည်း စောင့်ကြည့်ခံရခြင်း၊ အနှောင့်အယှက် ပေးခံရခြင်း၊ ခြိမ်းခြောက် ခံရခြင်းတို့နှင့် ရင်ဆိုင်နေရသည်။
မနက်ဖြန်တွင် ဒုတိယ ၀န်ကြီးချုပ် Nick Clegg သည် မြန်မာ့ ဒီမိုကရေစီ အရေးကိစ္စကို အလေးပေး ပြောကြားရန် အာရှ၊ ဥရောပ ထိပ်သီး ညီလာခံသို့ တက်ရောက်မည် ဖြစ်သည်။ နိုင်ငံတကာ ဖိအားပေးမှုမှာ ယခုအချိန်ထိ ထိရောက်မှု အနည်းငယ်သာ ရှိသည်။ ဒေသတွင်း မဟာ အင်အားကြီး တရုတ်နိုင်ငံက ယင်း၏ နောက်ဖေးပေါက်တွင် ဒီမိုကရေစီ လှုပ်ရှားမှုများ ရှင်သန်မှုကို မမြင်တွေ့လိုသည့် အတွက် တစ်ဖက် အုပ်ချုပ်သူများကို အားပေး ထောက်ခံနေခြင်းကြောင့် ဖြစ်သည်။
အကယ်၍ မြန်မာ ဒီမိုကရေစီ လှုပ်ရှားသူများ အနေဖြင့် ယင်းတို့ ကိုယ်တိုင် မျှော်လင့်ချက်ကို လက်မလျှော့သည့် အကြောင်းရင်းအတွက် အဆိုပါ ယခု အနေအထားမှာ မျှော်လင့်ချက်မဲ့ခြင်း မရှိသေးပါ။ ယင်းတို့၏ ရည်ရွယ်ချက်ကို Amnesty International က ရွေးကောက်ပွဲ နီးလာသည့် အချိန်၌ စီမံချက် အသစ် တစ်ခုတွင် ဦးစားပေး ဆောင်ရွက်နေသည်။ နိုင်ငံရေး အကျဉ်းသားများ၏ အမည်များကို လက်ဖ၀ါးတွင် မှတ်တမ်း တင်ထားသည့် လက်များကို မြှောက်၍ အစိုးရကို ဆန္ဒပြ နေကြသော နိုင်ငံရေးသမားများ၊ ဘာသာရေး ခေါင်းဆောင်များ၊ ဒီမိုကရေစီနှင့် လူ့အခွင့်အရေး လှုပ်ရှားသူများ ဒုက္ခသည်များ ပါဝင်သော ဓာတ်ပုံ မေတ္တာ ရပ်ခံလွှာကို စီစဉ် ဆောင်ရွက်နေခြင်း ဖြစ်သည်။
ယခု ပုံရိပ်များမှာ အင်အား ကြီးမားသော်လည်း စစ်ဖက် အုပ်ချုပ်သူများကို ဦးတည်ခြင်း မရှိပါ။ ယင်းတို့အား အရံအနေဖြင့်သာ ရည်ရွယ်ထားသည်။ အဓိက ရည်ရွယ်ချက်မှာ လွတ်လပ်သော လူ့အဖွဲ့အစည်း အတွင်းမှ အမှန်အမှား ခွဲခြားတတ်သူများအား လှုံ့ဆော်ရန်နှင့် နိုင်ငံရေး အကျဉ်းသားများနှင့် တစ်သားတည်း ညီညွတ်ရန် တောင်းဆိုခြင်း ဖြစ်သည်။
ယင်းသွေးစည်း ညီညွတ်မှုသည် သေးငယ်သော အဆင့်တစ်ခုသာ ဖြစ်သော်လည်း အဆင့်တိုင်းသည် မြန်မာနိုင်ငံ၏ ညှင်းပန်း နှိပ်စက် အကျဉ်းချမှုတွင် ကြံရာပါ ဖြစ်စေသည့် အသံတိတ် ပါးစပ်ပိတ် နေမှုကို ချိုးဖျက်ရာတွင် အထောက်အကူ ပြုမည် ဖြစ်သည်။
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.