Posts
BBC News, By Roger Harrabin, 9th October 2010
တရုတ် နိုင်ငံတွင် ပြုလုပ်သော ကုလ သမဂ္ဂ ရာသီဥတု ဆွေးနွေးပွဲမှာ အဓိက တိုးတက်မှုများ မရဘဲ Beijing ၏ အမေရိကန် အပေါ် စိတ်ဆိုးမာန်ဆိုး ပြောကြားမှုများဖြင့်သာ ပြီးဆုံးသွားခဲ့သည်။
Tianjin တွင် ကျင်းပသော အစည်းအဝေးတွင် တရုတ်က အမေရိကန်အပေါ် ဓာတ်ငွေ့ ထုတ်လွှတ်ခြင်း ဖြတ်တောက်ရန် တာဝန် မယူခြင်းအတွက် အပြစ်တင်ခဲ့ပြီး ကုလသမဂ္ဂ စည်းမျဉ်းများကို ပြောင်းပြန်လှန်ရန် ကြိုးစားနေခြင်း အတွက်လည်း အပြစ်တင်ခဲ့သည်။
အမေရိကန်ကလည်း တရုတ်သည် ယင်း၏ စွမ်းအင် ချွေတာရေး ကိုယ်ပိုင် အစီအစဉ်ကို နိုင်ငံတကာသို့ သက်သေ ပြရန် ငြင်းဆန်ခြင်းအတွက် စွပ်စွဲခဲ့သည်။
သို့သော် နိုဝင်ဘာလတွင် မက္ကဆီကို၌ ကျင်းပမည့် ရာသီဥတု ဆွေးနွေးပွဲအတွက် တိုးတက်မှု အချို့ ရရှိခဲ့သည်။
Cancun တွင် ပြုလုပ်သော အစည်းအဝေးတွင် ချမ်းသာသော နိုင်ငံများမှ ဆင်းရဲသော နိုင်ငံ များသို့ ရာသီဥတု ပြောင်းလဲခြင်း ဆိုင်ရာ ပရောဂျက်များအတွက် တစ်နှစ်လျှင် အကူအညီငွေ ဒေါ်လာ ၁၀၀ ဘီလီယံ (ပေါင်စတာလင် ၆၃ ဘီလီယံ) ပေးရန် အသေးစိတ်အား သဘောတူလိမ့်မည်ဟု မျှော်လင့်ရသည်။
ထိုငွေ ပမာဏမှာ များပြားသော်လည်း မလုံလောက်သေးကြောင်း ဖွံ့ဖြိုးဆဲ နိုင်ငံများက ဖော်ပြ ခဲ့ကြသည်။
မြောက်ပိုင်း တရုတ်မြို့ ဖြစ်သော Tianjin မြို့တွင် ကျင်းပသော တစ်ပတ်ကြာ အစည်းအဝေးတွင် အကြောင်းအရာ ဟောင်းများမှာ လိပ်ခဲတည်းလည်း ဖြစ်လျက်ပင် ရှိသေးသည်။ အမေရိကန်ကလည်း ယင်းသည် တရားမျှတမှု မရှိစွာ ဝေဖန်ခံရသည်ဟု ခံစားနေရသည်။
စနေနေ့က တရုတ် ရာသီဥတု ဆိုင်ရာ စေ့စပ်ညှိနှိုင်းသူ တစ်ဦးက အမေရိကန်သည် ယင်းကိုယ်ကို ထင်ပေါ်အောင်သာ ပြုမူလျက် ရှိကြောင်း စွပ်စွဲခဲ့ပြီး၊ ယင်းကိုယ်တိုင် အနည်းငယ်သာ လုပ်ဆောင်ပြီး တရုတ်ကို မကျေမနပ် ပြောဆိုခဲ့ကြောင်း ဆိုသည်။
အမေရိကန် ကိုယ်စားလှယ် ခေါင်းဆောင် Jonathan Pershing က ပို၍ သံတမန် ဆန်သည်ကို တွေ့ရသည်။
သို့သော် မည်သည့် သဘော တူညီချက်မဆို တရုတ်နိုင်ငံက ပါဝင်ရန် သဘော တူညီမှု မရှိပါက အမေရိကန်က လက်မှတ် ရေးထိုးလိမ့်မည် မဟုတ်ကြောင်း ယင်းက ပြောသည်။
စူပါပါဝါများ ဆွေးနွေးမှု မအောင်မြင်ခြင်းကြောင့် စိတ်အနှောင့်အယှက် ဖြစ်ရသော်လည်း Tianjin တွင် တိုးတက်မှု အချို့ ရရှိခဲ့သည်။
အကယ်၍ Cancun တွင် ဒေါ်လာ ၁၀၀ ဘီလီယံ ရန်ပုံငွေကို သဘောတူခဲ့လျှင် ယခု အစည်း အဝေးမှာ အလကား မဖြစ်ဟု သက်သေပြခြင်း ဖြစ်ပေမည်။
အဆိုပါ ကိစ္စ မအောင်မြင်ခဲ့လျှင် အနာဂတ်တွင် ကမ္ဘ္ဘာ့ နိုင်ငံများကြား နိုင်ငံစုံ ဆောင်ရွက်မှုများ အတွက် အလားအလာ မကောင်းကြောင်း Tianjin တွင် တက်ရောက်လာသော သံတမန်များက သတိပေးခဲ့သည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.