Posts
Reuters, The New York Times, 30th March 2010
ဒီမိုကရေစီ ခေါင်းဆောင် ဒေါ်အောင်ဆန်းစုကြည်၏ ပါတီ ရွေးကောက်ပွဲကို သပိတ်မှောက်ခြင်းသည် အလောင်းအစား ပြုရသလို ဖြစ်ပြီး၊ ဆန့်ကျင်ဘက် ရလဒ်များကိုသာ ရနိုင်ကြောင်း ရန်ကုန်မြို့ရှိ အချို့လူများက အင်္ဂါနေ့က ပြောကြားခဲ့သည်။ အချို့ကမူ ထိုသို့ ပြုလုပ်ခြင်း အတွက် ထောက်ခံခဲ့ကြသည်။
အမျိုးသား ဒီမိုကရေစီ အဖွဲ့ချုပ် (NLD) မှ အဖွဲ့ဝင်များသည် တနင်္လာနေ့က တညီတညွတ်တည်း ရွေးကောက်ပွဲ မဝင်ရန် မဲပေးခဲ့ကြပြီး၊ စစ်တပ်မှ ကြီးမှူး ကျင်းပသော ရွေးကောက်ပွဲ လုပ်ငန်းစဉ်များသည် တရားမျှတမှု မရှိကြောင်း ပြင်းပြင်းထန်ထန် ပြောဆိုခဲ့သည်။
သို့သော် အချို့က ပြောကြားရာတွင် ယခုကဲ့သို့ စစ်တပ် အုပ်ချုပ်သော တိုင်းပြည်တွင် ဒီမိုကရေစီ မျှော်လင့်ချက် ရောင်ခြည် သန်းလာသည်ကို ရှောင်ဖယ်ခြင်းသည် အမှား ပြုလုပ်ခြင်း ဖြစ်ကြောင်း အာဏာမက်သော ဗိုလ်ချုပ်များ၏ လက်ထဲတွင် ကစားခံရခြင်း ဖြစ်ကြောင်း ပြောကြသည်။
"ကျွန်တော် အလွန် ဝမ်းနည်းတယ်။ NLD ဟာ နှလုံးသားကို သုံးပြီး ဆုံးဖြတ်လိုက်တာကိုး။ ဦးနှောက်သုံးပြီး မဆုံးဖြတ်ခဲ့ဘူး။ ဒါဟာ ပြန်မလာနိုင်တော့တဲ့ အမှားကို ကျူးလွန်လိုက်တာပဲ" ဟု အထက်တန်း ကျောင်းအုပ် ဆရာကြီး တစ်ဦးက ရန်ကုန်မြို့တွင် ပြောကြားခဲ့သည်။
"တစ်နိုင်ငံလုံးက စိတ်မကောင်း ဖြစ်ကြမှာပဲ။ ဒါဟာ ဘာကို ပြလဲဆိုတော့ NLD ဟာ အရည်အချင်းပြည့်တဲ့ နိုင်ငံရေးသမားတွေ မဟုတ်ဘူး ဆိုတာပါပဲ။ သူတို့ဟာ ဒေါ်အောင်ဆန်းစုကြည် မပါဘဲ ရှေ့ဆက် လျှောက်ဖို့ အင်အား မရှိဘူးဆိုတာ ပြတာပဲ" ဟု ၎င်းက ပြောသည်။
နိုဘယ်ဆုရှင် ဒေါ်အောင်ဆန်းစုကြည်သည် ဒီမိုကရေစီ အတွက် တိုက်ပွဲဝင်ခဲ့ခြင်းကြောင့် လွန်ခဲ့သော ၂၁ နှစ် အတွင်း ၁၅ နှစ်ခန့် အထိန်းသိမ်း ခံနေရသည်။ ပြီးခဲ့သည့် အပတ်က သူမ အနေဖြင့် NLD ကို ရွေးကောက်ပွဲ အတွက် မှတ်ပုံတင်ရန် မသင့်ကြောင်း ပြောကြားခဲ့သည်။ သို့သော် အဆိုပါ မှတ်ချက်သည် ပါတီကို အမိန့်ပေးခြင်း မဟုတ်ပဲ၊ အဆိုပါ ကိစ္စကို ပါတီမှ မဲခွဲ ဆုံးဖြတ်ရန် ပြောခဲ့သည်။
အစိုးရက ယခုလ အစောပိုင်းက ထုတ်ပြန်သော ရွေးကောက်ပွဲ ဥပဒေတွင် နိုင်ငံရေး အရ အထိန်းသိမ်း ခံနေရသူများ ရွေးကောက်ပွဲ ဝင်ရန် ကန့်သတ်ထားခြင်းအား NLD မှ စိတ်ဆိုးခဲ့သည်။ NLD ၏ ထင်ရှားသော ခေါင်းဆောင် အတော်များများ (ဒေါ်အောင်ဆန်းစုကြည် အပါအဝင်) သည် ထောင်ထဲတွင် ရှိနေသည်။
မည်သည့် ရွေးချယ်စရာများ ကျန်သေးသနည်း
အချို့က ယုံကြည်လျက် ရှိကြသည်မှာ NLD က မှတ်ပုံ မတင်ရန် ဆုံးဖြတ်လိုက်ခြင်းကြောင့် ဒီမိုကရေစီ ပြုပြင် ပြောင်းလဲမှု အစစ်အမှန်ရရန် ရှေ့ဆက်ရမည့် ခရီး အတွက် အခွင့်အရေး မရှိတော့ကြောင်း ယုံကြည်ကြသည်။
သုံးသပ်သူများက ရွေးကောက်ပွဲအား စစ်အာဏာရှင် စနစ်ကို တရားဝင်အောင် ပြုလုပ်ခြင်း ဖြစ်သည်ဟု ဆိုနေကြတော့ ထိုရွေးကောက်ပွဲကို ဝင်မပြိုင်သော NLD အနေဖြင့် တရားဝင် ရပ်တည်ခွင့် ကုန်ဆုံးသွားပြီ ဖြစ်သည်။
"သူတို့ဟာ ဒေါ်အောင်ဆန်းစုကြည် မပါဘဲလည်း ရွေးကောက်ပွဲ ဝင်သင့်တယ်၊ ပြီးတော့ လွတ်လပ်ပြီး တရားမျှတတဲ့ ရွေးကောက်ပွဲ ဖြစ်ရေးကိုသာ အာရုံပြုသင့်တယ်" ဟု အငြိမ်းစား ပါမောက္ခ တစ်ဦးက ပြောသည်။
"ပါတီ တရားဝင် ရပ်တည်လို့ မရတော့ နိုင်ငံရေး လှုပ်ရှားမှုတွေ လုပ်နိုင်ပါဦးမလားလို့ ကျွန်တော် သံသယ ရှိပါတယ်။ ဒေါ်အောင်ဆန်းစုကြည် လွတ်မြောက်လာရင် ပါတီမှာ ပြန်ပါလို့ ရရဲ့သားနဲ့ဗျာ" ဟု ၎င်းက ပြောသည်။
ဥပဒေက မတရား သည်မှာ မှန်သော်လည်း NLD အနေဖြင့် တိုင်းပြည်၏ အနာဂတ် နိုင်ငံရေးတွင် ပါဝင်နိုင်ခွင့် ရသော ရတောင့်ရခဲ အခွင့်အရေးကို လက်လွှတ်ခံသည့် အတွက် ဝေဖန်လိုကြောင်း အသက် ၆၅ နှစ်ရှိ ရန်ကုန်မြို့နေ ဦးကျော်ဝင်းက ဆိုသည်။
"လူတိုင်းက ဒေါ်အောင်ဆန်းစုကြည် ပါပါ မပါပါ မဲထည့်ကြမှာပဲ။ သူမရဲ့ ပါတီမှန်း လူတိုင်း သိတယ်လေ" ဟု ၎င်းက ပြောသည်။
သစ်သီး ရောင်းသူ ဒေါ်သန်းသန်းက သူမသည် NLD ၏ သပိတ်မှောက်မှုကို အပြည့်အဝ ထောက်ခံကြောင်း၊ သို့သော် မြန်မာ ပြည်သူတွေ အတွက် ရွေးချယ်စရာ နည်းသွားပြီး မညီမမျှ ဖြစ်ကုန်ပြီ ဖြစ်ကြောင်း ပြောသည်။
အခြား ပုဂ္ဂိုလ် တစ်ဦးကမူ "NLD ရဲ့ ဆုံးဖြတ်ချက်ကို ကျွန်တော် သဘောမတူဘူးဗျာ။ NLD မပါဘဲ ကျွန်တော်တို့ ဘယ်သူ့ကို မဲပေးရမှာလဲ" ဟု ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.