Posts
Earth Times, 8th August 2010
ထိုင်း-မြန်မာ နယ်စပ် ကုန်သွယ်ရေး တစ်လကြာ ပိတ်ထားခဲ့ခြင်းကြောင့် ရန်ကုန်မြို့တော်တွင် ရုပ်မြင်သံကြား၊ ရေခဲသေတ္တာ စသော လူသုံးကုန် အမျိုးအစားများ မလုံလောက်မှုကို ဖြစ်ပေါ်စေခဲ့သည်ဟု တနင်္ဂနွေနေ့က ထုတ်ပြန်သော သတင်းများက ဖော်ပြသည်။
နယ်ခြား သောင်ရင်းမြစ်ကို ထိုင်းနိုင်ငံက ကွန်ကရစ် တာဘောင် ပြုလုပ်မှုကြောင့် တာဘောင် မလုပ်နိုင်သည့် မြန်မာဖက်ကမ်းကို ရေတိုက်စားစေသည်ဟု မြန်မာ ဗိ်ုလ်ချုပ်ကြီးများက စွပ်စွဲခဲ့ပြီးနောက် မြဝတီ-မဲဆောက် နယ်စပ်ဂိတ်ကို လွန်ခဲ့သည့် ကာလက ပိတ်ခဲ့ကြခြင်း ဖြစ်သည်။
ထိုင်းနိုင်ငံ တပ်ခ်ပြည်နယ် မဲဆောက်သည် ထိုင်းကုန်ပစ္စည်းများ မြန်မာနိုင်ငံတွင်းသို့ ဝင်ရောက်ရာ အဓိက ဝင်ပေါက် ဖြစ်ပြီး များသောအားဖြင့် ထိုင်း-မြန်မာ ချစ်ကြည်ရေး တံတားကို ဖြတ်ကူး ကုန်သွယ်ကြခြင်း ဖြစ်သည်။
ယခု ၎င်းလမ်းကြောင်း ပိတ်ထားခြင်းကြောင့် မြန်မာနိုင်ငံ၏ အကြီးဆုံးမြို့နယ် ရန်ကုန် လက်လီ ဈေးကွက်တွင် ပစ္စည်း ပြတ်လပ်ကာ ဈေးနှုန်းတက်လာသည်ဟု ပြည်တွင်းထုတ် မြန်မာတိုင်းမ် ဂျာနယ်က ဖော်ပြသည်။
"ကမ္ဘာဖလား မတိုင်ခင်နဲ့ ကျင်းပနေစဉ် အတွင်းမှာ ရုပ်မြင်သံကြားစက်တွေ အရောင်း တက်လာတယ်။ ကျွန်တော်တို့ရဲ့ ပစ္စည်းတွေ အကုန်ရောင်းထွက်သွားလို့ ပစ္စည်း ပြတ်သွားပါတယ်" ဟု လျှပ်စစ်ပစ္စည်း ကုမ္ပဏီ တစ်ခုမှ အရောင်း မန်နေဂျာ တစ်ဦးက ပြောကြားခဲ့သည်ဟု သိရှိရသည်။
၎င်းတို့ ကုမ္ပဏီတွင် ကျန်နေသော ပစ္စည်းများမှာ ပုံမှန် ကုန်သွယ်ရေး လမ်းကြောင်းမှ တင်သွင်းလာသော ပစ္စည်းများသာ ဖြစ်သည် ဟု ခေတ်သစ် လျှပ်စစ်ပစ္စည်း အရောင်းစင်တာမှ ပြောခွင့်ရသူ ဌေးအောင်က ပြောကြားသည်။
"နယ်စပ်ကနေ တရားဝင် သွင်းလာတဲ့ တီဗွီ၊ ရေခဲသေတ္တာ တွေကတော့ လက်ကျန် မရှိတော့ပါဘူး" ဟု ၎င်းက ဆိုသည်။
လက်လီ အရောင်းဆိုင်များက ထိုင်းနယ်စပ်မှ တင်သွင်းလာသော ပစ္စည်းများကို နှစ်သက်ကြခြင်းမှာ အခွန် ရှောင်နိုင်သည့် အတွက်ကြောင့် ဖြစ်သည်။ လေကြောင်းနှင့် ပင်လယ်ရေကြောင်းမှ တင်သွင်းလာသော ပစ္စည်းများမှာ တန်ဖိုး၏ ၄၀ % အခွန်ပေးဆောင်ရသည်။
"လျှပ်စစ်ပစ္စည်း ရောင်းတဲ့ အလုပ်က ယှဉ်ပြိုင်မှု သိပ်ကို ကြီးမားတဲ့ ဈေးကွက်ပါ။ လက်လီဆိုင်တွေက သူတို့ လုပ်ချင်တာ လုပ်ကြတာပါ။ ဒါကြောင့် သွင်းကုန် လုပ်ငန်းရှင်တွေက အများစုက ပုံမှန်လမ်းကြောင်း ပစ္စည်းကို နယ်စပ်လမ်းကြောင်းက ပစ္စည်းနဲ့ ရောရတာပါ" ဟု ဌေးအောင်က ဆက်လက် ပြောသည်။
--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.