Posts
Associated Press, 19th August 2010
တရုတ်နိုင်ငံ၏ နျူကလီယာ ကိုယ်စားလှယ် အဖွဲ့သည် မြောက်ကိုရီးယား နျူကလီယာ လက်နက် ဖျက်သိမ်းရေး ဆိုင်ရာ ၆ နိုင်ငံ ဆွေးနွေးပွဲများ ပြန်လည် စတင်ရေး အတွက် ဆွေးနွေးရန် မြောက်ကိုရီးယားသို့ ယခု အပတ် အတွင်း သွားရောက်ခဲ့သည်ဟု ဘေဂျင်းက ကြာသပတေးနေ့တွင် ပြောကြားသည်။
မြောက်ကိုရီးယားသည် ၎င်း၏ တာဝေးပစ် ဒုံးကြည် စမ်းသပ်မှုကို နိုင်ငံတကာက ပြစ်တင် ရှုတ်ချခဲ့ခြင်းကို ဆန္ဒပြသည့် အနေဖြင့် ခြောက်နိုင်ငံ နျူကလီယာ ဆွေးနွေးပွဲမှ မနှစ်က ထွက်ခွာ သွားခဲ့ခြင်း ဖြစ်သည်။ ရေတပ်သား ၄၆ ဦး သေဆုံးခဲ့ရသော တောင်ကိုရီးယား စစ်သင်္ဘော နစ်မြုပ်မှုတွင် မြောက်ကိုရီးယားက တိုပီဒိုဖြင့် ပစ်ခတ်ခဲ့ခြင်း ဖြစ်ကြောင်း နိုင်ငံတကာ စုံစမ်းရေး အဖွဲ့က စွပ်စွဲခဲ့ပြီးနောက် ဆွေးနွေးပွဲများ ပြန်လည် စတင်ရေး အလားအလာမှာ သံသယ ဖြစ်ဖွယ် အနေအထားသို့ ရောက်ရှိနေသည်။ စစ်သင်္ဘောအား တိုက်ခိုက်မှုနှင့် ပတ်သက်၍ မြောက်ကိုရီးယားက ငြင်းဆိုထားသည်။
ကြာသပတေးနေ့တွင် တရုတ် နိုင်ငံခြားရေး ဝန်ကြီးဌာနက ၎င်းတို့၏ နျူကလီယာ အကြီးအကဲ ဝူဒါဝေသည် ခြောက်နိုင်ငံ ဆွေးနွေးပွဲ ပြန်လည် စတင်ရေးကို ဆွေးနွေးရန် မြောက်ကိုရီးယားသို့ တနင်္လာနေ့မှ ဗုဒ္ဓဟူးနေ့ အထိ သွားရောက်ခဲ့သည်ဟု ပြောကြားသည်။
ဝူဒါဝေသည် နျူကလီယာ ထိပ်တန်း ကိုယ်စားလှယ် ကင်ကျီဂွမ် နှင့် နိုင်ငံခြားရေး ဝန်ကြီး ပတ်အီချွန် အပါအဝင် မြောက်ကိုရီးယား တာဝန်ရှိ ပုဂ္ဂိုလ်များနှင့် တွေ့ဆုံမည် ဖြစ်သည်။ ၎င်းတို့သည် ကိုရီးယား ကျွန်းဆွယ် ငြိမ်းချမ်းမှုနှင့် တည်ငြိမ်မှုကို ထိန်းသိမ်းရေး ခြောက်နိုင်ငံ ဆွေးနွေးပွဲများ ပြန်လည် စတင်ရေး တို့ကို ဆွေးနွေးကြမည်ဟု ဝန်ကြီးဌာန ကြေညာချက်တွင် ဖော်ပြထားသည်။
ကြေညာချက်တွင် အခြား အသေးစိတ် အချက်အလက်များ မပါဝင်သော်လည်း တောင်ကိုရီးယား ယွန်ဟတ် သတင်းဌာနက ကိုရီးယား နှစ်နိုင်ငံ၊ တရုတ်၊ အမေရိကန်၊ ဂျပန်နှင့် ရုရှားတို့ ပါဝင်သော ခြောက်နိုင်ငံ ဆွေးနွေးပွဲများကို ပြန်လည် စတင်ခြင်းဖြင့် စစ်သင်္ဘော နစ်မြုပ်မှုကြောင့် တင်းမာနေမှုကို ဖြေရှင်းရန် ဘေဂျင်းက ဆန္ဒရှိသည် ဆိုသည်ကို ဝူ၏ ခရီးစဉ်က ရည်ညွှန်းနေသည်ဟု သတင်း ထုတ်ပြန်ခဲ့သည်။
ဘေဂျင်းမှ အမည် မဖော်ပြသော သံတမန် သတင်း ရပ်ကွက်ကို ကိုးကား၍ ယွန်ဟတ် သတင်းဌာနက ဖော်ပြရာတွင် တောင်ကိုရီးယားနှင့် အမေရိကန် ပြည်ထောင်စုတို့ ပင်လယ်ဝါတွင် လာမည့်လ အစောပိုင်း၌ ပြုလုပ်ရန် စီစဉ်ထားသော နောင်တချီ ပူးတွဲစစ်ရေး လေ့ကျင့်မှု မတိုင်မီ ဝူ၏ ခရီးစဉ် ပေါ်ထွက်လာခြင်း ဖြစ်သည်ဟု ဆိုသည်။
အဆိုပါ စစ်ရေး လေ့ကျင့်မှုများကို တရုတ်က အကြိမ်ကြိမ် ကန့်ကွက်ခဲ့ပြီး ၎င်းစစ်ရေး လေ့ကျင့်မှုများသည် ကိုရီးယား ကျွန်းဆွယ် တင်းမာမှုကို ပိုမို ကြီးထွားစေပြီး မိမိတို့ ကမ်းလွန်တွင် နိုင်ငံခြား စစ်တပ်များ လေ့ကျင့်မှု မပြုရန် ကန့်ကွက်မှုကိုလည်း လှစ်လျူရှု ခဲ့သည်ဟု ပြောကြားခဲ့သည်။
ယခု တစ်ပတ် တောင်ကိုရီးယားနှင့် အမေရိကန် ပြည်ထောင်စုတို့ စတင် ပြုလုပ်လျက် ရှိသော နှစ်ပတ်လည် ပူးတွဲ စစ်ရေး လေ့ကျင့်ခန်းများကို မြောက်ကိုရီးယားက "ကျူးကျော်ရန် အစမ်း လေ့ကျင့်မှု" ဟု ခေါ်ဝေါ်ခဲ့သည်။ ယခင်လက ပြုလုပ်ခဲ့သော ကြီးမားသည့် ရေတပ် ပူးတွဲ လေ့ကျင့်မှု အပြီးတွင် ယခု စစ်ရေး လေ့ကျင့်မှုကို ဆက်လက် ပြုလုပ်ခြင်း ဖြစ်သည်။
၁၉၅၀-၅၃ ကိုရီးယား စစ်ပွဲမှာ ငြိမ်းချမ်းရေး စာချုပ် မချုပ်ဆိုပဲ အပစ်အခတ် ရပ်စဲရေး စာချုပ်ဖြင့် ပြီးဆုံးခဲ့ခြင်းကြောင့် ကိုရီးယား ကျွန်းဆွယ်တွင် စစ်ပွဲ မပြီးသေးသည့် သဘော သက်ရောက် နေသည်။ အမေရိကန် ပြည်ထောင်စုက ၎င်း၏ အဓိက မဟာမိတ် နိုင်ငံကို ကာကွယ်ပေးရန် တပ်ဖွဲ့ဝင် ၂၈၅၀၀ တောင်ကိုရီးယားတွင် တပ်စွဲထားသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.