Posts
Associated Press, 11th February 2010
မြောက်ကိုရီးယား နိုင်ငံမှ လက်နက်များကို လေယာဉ်ဖြင့် တရားမဝင် သယ်ဆောင်လာသည့် လေယာဉ် အမှုထမ်း ၅ ဦး အား တရား စွဲဆိုထားမှုကို ရုတ်သိမ်းပေးလိုက်သည်။ ထိုင်း အမှုလိုက် အရာရှိများက ကြာသပတေးနေ့တွင် ပြောကြားရာ၌ တရားခံများသည် အပြစ်ရှိသည်မှာ မှန်သော်လည်း ၎င်းတို့၏ မိခင်နိုင်ငံများနှင့် ဆက်ဆံရေးကောင်းကို ထိန်းသိမ်းရန် အတွက် ပြည်နှင်ဒဏ်သာ ပေးမည်ဟု ဆိုသည်။
ဘယ်လာရုစ် နှင့် ကာဇက်စတန် အစိုးရများက ထိုင်း နိုင်ငံခြားရေး ဝန်ကြီးဌာနသို့ ဆက်သွယ်၍ လေယာဉ် အမှုထမ်းများအား ၎င်းတို့ နိုင်ငံတွင် စုံစမ်း စစ်ဆေးရေး အတွက် လွှတ်ပေးပါရန် တောင်းဆို ခဲ့ပြီးနောက် ယခုကဲ့သို့ ဆုံးဖြတ်ခဲ့ခြင်း ဖြစ်သည်ဟု ထိုင်း ရှေ့နေချုပ်ရုံးမှ ပြောကြားပါသည်။
၎င်းတို့အား ထိုင်းနိုင်ငံတွင် အပြစ်ပေးခြင်းသည် နိုင်ငံများ အချင်းချင်း၏ ဆက်ဆံရေး ကောင်းကို ထိခိုက်စေနိုင်သည်ဟု ရှေ့နေချုပ်ရုံး ပြောရေးဆိုခွင့် ရှိသူ သာနပ်ဖစ် မိုလာဖရွတ်က ပြောကြားခဲ့ပြီး ၎င်းတို့အား တရားစွဲဆိုထားခြင်းကို ရုတ်သိမ်း၍ ပြည်နှင်ဒဏ် ပေးမည်ဟု ဆိုပါသည်။
"ကျွန်တော်တို့က သံတမန် နည်းလမ်း ပေါင်းစုံ သုံးပြီး အဆိုပြု ခဲ့တာပါ။ အခု မြင်တဲ့အတိုင်း ရလဒ် ထွက်ပေါ်လာတာပါ" ဟု ပြောကြားသူမှာ မီဒီယာများသို့ ပြောခွင့် မရှိသဖြင့် နာမည် မဖော်လိုသူ ကာဇက်စတန် သံရုံး အရာရှိ တစ်ဦး ဖြစ်သည်။
သို့သော်လည်း ထိုင်းနိုင်ငံကမူ ယခု ဆုံးဖြတ်ချက် အတွက် ဝေဖန် ပြစ်တင်မှုနှင့် ရင်ဆိုင်ရဖွယ် ရှိပါသည်။ တင်းမာသော မြောက်ကိုရီးယား ကွန်မြူနစ် အစိုးရ အပေါ် ချမှတ်ထားသည့် ကုလသမဂ္ဂ အရေးယူ ပိတ်ဆို့မှုများကို ပေါ့လျော့စေသကဲ့သို့ ဖြစ်နေသောကြောင့် ဖြစ်သည်။
လက်နက်များ၏ နောက်ဆုံးလားရာကို မှန်းဆနေကြဆဲ ဖြစ်သော်လည်း အီရန် ဖြစ်နိုင်သည်ဟု ထိုင်းနိုင်ငံက ပြောကြားလိုက်သည်။ ဆိုဗီယက် ခေတ်ဟောင်းထုတ် လေယာဉ်များကို အသုံးပြု၍ ဘာတင်တင်၊ ဘယ်သွားသွား၊ ပိုက်ဆံသာပေး ဆိုသည့် လေကြောင်း ကုန်စည် ပို့ဆောင်ရေး ကုမ္ပဏီများ၏ ဥပဒေမဲ့ လုပ်ရပ်များကို ဆိုဗီယက် ခေတ်ဟောင်း နိုင်ငံများမှ အာဏာပိုင်များက မသိချင်ယောင်ဆောင် နေကြခြင်းကို စိုးရိမ် ပူပန်နေမိသည်ဟု ကျွမ်းကျင်သူများက ထုတ်ဖော် ပြောကြားလိုက်သည်။
စတော့ဟုမ်း International Peace Research Institute မှ သုတေသန ပညာရှင် Hugh Griffiths က အဆိုပါ လေယာဉ်အမှုထမ်းများကို ခါဇက်စတန်တွင် အရေးယူမည့်ပုံ မရှိဟု ခန့်မှန်းသည်။
ပြုံးယမ်းမှ ပျံသန်းလာသော အီလျူးရှင်း ၇၆ ကုန်တင် လေယာဉ်သည် ဘန်ကောက်သို့ ဆင်းသက်စဉ် ဒီဇင်ဘာ ၁၂ ရက်နေ့တွင် လေယာဉ် အမှုထမ်းများကို ဖမ်းဆီးခဲ့ခြင်း ဖြစ်သည်။ အမေရိကန် ပြည်ထောင်စု၏ သတင်းပေးမှုအရ ရှာဖွေရာတွင် တရားမဝင် တင်ဆောင်လာသော လက်နက်ပစ္စည်း ၃၅ တန်ကို တွေ့ရှိသဖြင့် ကုလသမဂ္ဂ အရေးယူ ပိတ်ဆို့မှုကို ချိုးဖောက်မှုဖြင့် ထိုင်းအာဏာပိုင်များက ဖမ်းဆီး အရေးယူခဲ့ခြင်း ဖြစ်သည်။
"ဒီအမှုကိစ္စမှာ သူတို့ကို အရေးယူတဲ့ အတွက် ထိုင်းနိုင်ငံမှာ အကျိုးမရှိပါဘူး" ဟု သတင်းစာ ရှင်းလင်းပွဲတွင် ပြောကြားခဲ့သော သာနပ်ဖစ်က "သူတို့က ထိုင်းမှာ ဆီဝင်ဖြည့်ဖို့ တစ်ထောက် နားတာပါ။ လက်နက်တွေကို ထိုင်းနိုင်ငံထဲ သွင်းလာဖို့ ရည်ရွယ်ချက် မရှိပါဘူး" ဟု ဆက်လက် ပြောဆိုသည်။
အမေရိကန် သံရုံး အနေဖြင့် လတ်တလော မှတ်ချက်ပေးရန် မရှိဟု ပြောရေးဆိုခွင့် ရှိသူ Cynthia Brown က ပြောကြားသည်။
ကာဇက်စတန် ၄ ဦးနှင့် ဘယ်လာရုစ် ၁ ဦး ပါဝင်သော လေယာဉ် အမှုထမ်း အဖွဲ့ကို ၎င်းတို့အား ဖမ်းဆီးထားသည့် ထောင်မှ ကြာသပတေးနေ့ ညနေတွင် လွှတ်ပေးလိုက်ပြီး ၎င်းတို့ ထွက်ခွာနိုင်ရန် စီစဉ်ပေးမည့် လူဝင်မှု ကြီးကြပ်ရေးရုံး အဖွဲ့သို့ လွှဲပြောင်းပေးလိုက်သည်ဟု ရှေ့နေ ဆုမ်ဆပ်ဆိုင်သုမ်က ပြောကြားသည်။
မြောက်ကိုရီးယား နိုင်ငံက နျူကလီးယား နှင့် ဒုံးပျံ စမ်းသပ်မှုများ ပြုလုပ်ခဲ့ပြီးနောက် ပြီးခဲ့သော ဇွန်လတွင် အဆိုပါ နိုင်ငံနှင့် လက်နက် ရောင်းဝယ်ခြင်းကို ကုလသမဂ္ဂက ပိတ်ပင် တားမြစ်ခဲ့သည်။ မြောက်ကိုရီးယားသည် အီရန်၊ ဆီးရီးယား နှင့် မြန်မာနိုင်ငံများသို့ ဒုံးကျည်များ၊ ဒုံးကျည် အစိတ်အပိုင်းများ အခြားလက်နက်များ ရောင်းချခြင်းမှ နှစ်စဉ် ဒေါ်လာသန်းပေါင်း များစွာ ဝင်ငွေ ရရှိနေသည်ဟုလည်း သိရှိရသည်။
ဖောက်ခွဲရေး ပစ္စည်းများ၊ ဒုံးကျည်ထိပ်ဖူးများ၊ မြေပြင်မှ ဝေဟင်ပစ် ဒုံးကျည် အစိတ်အပိုင်းများ သယ်ဆောင်လာသည့် လေယာဉ်၏ နောက်ဆုံး ဆင်းသက်ရမည့် နေရာကို လေယာဉ် အမှုထမ်းများအား အသိပေးထားခြင်း မရှိဟု ထိုင်း အာဏာပိုင်များက ပြောကြားသည်။ ရေနံတွင်းတူး ကိရိယာများ တင်ပေးလိုက်သည်ဟုသာ မိမိတို့ သိရှိကြောင်း လေယာဉ်မောင်းအဖွဲ့က ဆိုသည်။
"သူတို့မှာ အပြစ်မရှိဘူးလို့ ကျွန်တော်တို့ မပြောပါဘူး။ ထိုင်းနိုင်ငံမှာ တရားမစွဲဖို့ဘဲ ဆုံးဖြတ်ခဲ့တာပါ" ဟု ရှေ့နေချုပ်ရုံး ရာဇဝတ် မှုခင်းဌာန ညွှန်ကြားရေးမှူးချုပ် ကရာဆစ် ဖီဆာဝေါင် ပရာကန်က သတင်းထောက်များကို ပြောကြားသည်။
"ကျွန်မ မျက်ရည်တောင် လည်မိတယ်" ဟု ပျံသန်းရေး အင်ဂျင်နီယာ Mikhail Petukhov ၏ ဇနီး Vera Petukhov က ဘယ်လာရုစ် နိုင်ငံ Vitebsk မှ တယ်လီဖုန်းဖြင့် ပြောကြားသည်။ "သူ့ကို ဆီးကြိုဖို့ ကျွန်မ မစောင့်နိုင်တော့ပါဘူး။ ဒါပေမယ့် လူကိုယ်တိုင် မြင်ရမှပဲ စိတ်ချလက်ချ ယုံတော့မယ်ရှင်။ သူတို့မှာ လုံးဝ အပြစ်မရှိဘူးဆိုတာ ကျွန်မ သိနေပါတယ်" ဟုလည်း သူမက ဆိုပါသည်။
၎င်းတို့သည် လက်နက် ပွဲစားလုပ်ခြင်း၊ တားမြစ်ထားသော နိုင်ငံမှ လက်နက်များ သယ်ဆောင်ခြင်းတို့ အတွက် အပြစ် အနည်းငယ်မျှသာ ရှိကြောင်း၊ ကာဇက်စတန်တွင်မူ တရားစွဲ ခံရဖွယ် မရှိကြောင်း သုတေသန ပညာရှင် Griffiths က ထင်မြင်ချက် ပေးသည်။
ကာဇက်စတန် အာဏာပိုင်များ အနေဖြင့် ၎င်းတို့ထံတွင် မှတ်ပုံတင်ထားသော လေကြောင်း ကုန်စည် ကုမ္ပဏီများနှင့် ပတ်သက်၍ တရားစွဲဆိုရခြင်းသည် ယခု ပထမဆုံး အကြိမ် ဖြစ်ဖွယ် ရှိပြီး အဆိုပါ အထောက်အထားမျိုးများမှာ ကုလသမဂ္ဂ အရေးယူ ပိတ်ဆို့မှု ကော်မတီ အစီရင်ခံစာများတွင် မကြာခဏ ပါရှိနေကြ ဖြစ်သည်ဟု ၎င်းက ဆက်လက် ပြောကြားသည်။
ကနဦးတွင် လေယာဉ် အမှုထမ်းများအား တရားမဝင် လက်နက် လက်ဝယ် ပိုင်ဆိုင်မှုနှင့် ပတ်သက်သော အချက် ၅ ချက်ဖြင့် တရားစွဲဆိုခဲ့သော်လည်း သီတင်းပတ် များစွာ အကြာတွင်မူ သေဒဏ် ချမှတ်နိုင်သည့် ပေါက်ကွဲစေသော လက်နက်များ ပိုင်ဆိုင်မှုနှင့် ပတ်သက်သည့် စွဲချက်ကို ရုတ်သိမ်း ပေးခဲ့သည်။
ဇန်နဝါရီ လကုန်က သတင်းထောက်များထံ ပေါက်ကြားခဲ့သည့် ထိုင်းအစိုးရမှ ကုလ လုံခြုံရေး ကော်မတီထံ အစီရင်ခံစာတွင် လက်နက်တင် လေယာဉ်သည် အီရန်နိုင်ငံ မာရာဘက် လေဆိပ်သို့ ဆင်းသက်မည်ဟု ဖော်ပြထားသည်။
သို့ရာတွင် မရှေးမနှောင်း ဆိုသလို အစိုးရ ပြောရေးဆိုခွင့် ရှိသူ ပါနီတန် ဝါတာနုရာကွန်က ပြောကြားရာတွင် "လက်နက်တွေ အီရန်ကို သွားလိမ့်မယ်လို့ ပြောဖို့က မတိကျနိုင်ပါဘူး" ဟု ဆိုသည်။
အီရန် နိုင်ငံခြားရေး ဝန်ကြီးဌာနက အီရန်သို့ ပို့ဆောင်မည့် လက်နက်များဖြစ်သည် ဟူသော သတင်းကို ငြင်းဆိုလိုက်ပြီး ရှုပ်ထွေး ခက်ခဲသော လက်နက်များ ထုတ်လုပ်နိုင်သည့် အီရန် အနေဖြင့် အဆိုပါ လက်နက်များကို တင်သွင်းရန် မလိုပါဟု ပြောကြားသည်။
AP သတင်းဌာနက နိုင်ငံပေါင်း များစွာတွင် ပြုလုပ်ခဲ့သော စုံစမ်းမှုများအရ ကုမ္ပဏီများစွာ ပါဝင်သော ကွန်ယက်ဖြင့် လေယာဉ်ခရီးစဉ်ကို ချောမောအောင် ဆောင်ရွက်ထားပြီး နယူးဇီလန်မှ စပိန်အထိ ပါဝင်သော လိပ်စာ အတုများဖြင့် လက်နက်များ၏ လားရာကို လမ်းလွဲအောင် လှည့်စားထားသည်ဟု သိရှိရသည်။
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.