Posts
csr-asia.com, By Richard Welford, 19th February 2010
ယခုအပတ် ထုတ်ပြန်သော နိုင်ငံတကာ လွတ်ငြိမ်း ချမ်းသာခွင့်ပေးရေး အဖွဲ့၏ အစီရင်ခံစာ အသစ်တွင် မြန်မာနိုင်ငံရှိ တိုင်းရင်းသား နိုင်ငံရေး လှုပ်ရှားသူများအပေါ် ဖိနှိပ် ချုပ်ချယ်မှုများအား ဖော်ပြထားသည်။ အစီရင်ခံစာတွင် မြန်မာနိုင်ငံ၏ စိတ်ပျက်စရာ ကောင်းပြီး မျှော်လင့်ချက် မရှိသော လူ့အခွင့်အရေး ကိစ္စကို ရေးပြထားသောကြောင့် မြန်မာနိုင်ငံတွင် ရင်းနှီး မြှုပ်နှံထားသော ကုမ္ပဏီများ နှင့် ရင်းနှီးမြှုပ်နှံရန် စဉ်းစားနေသော ကုမ္ပဏီများ ဖတ်ကြည့်ရန် လိုအပ်လှသည်။
စာမျက်နှာ ၅၈ မျက်နှာ ပါရှိသော အဆိုပါ အစီရင်ခံစာသည် ၂၀၀၇ သြဂုတ်လမှ စ၍ အချိန် နှစ်နှစ်ခန့်အတွင်း ရခိုင်၊ ရှမ်း၊ ကချင်နှင့် ချင်း အပါအဝင် အဓိက တိုင်းရင်းသား လူမျိုး ခုနှစ်မျိုးမှ နိုင်ငံရေး လှုပ်ရှားသူ ၇၀၀ ခန့် အကြောင်းကို အခြေခံ၍ ရေးသားထားသည်။ အာဏာပိုင်များသည် တိုင်းရင်းသား နိုင်ငံရေး လှုပ်ရှားသူများကို ဖမ်းဆီးခြင်း၊ ထောင်ချခြင်းနှင့် အချို့ ကိစ္စများတွင် နှိပ်စက် ခြင်းအပြင် သတ်ပစ်သည်များပင် ရှိကြောင်း သိရှိရသည်။ တိုင်းရင်းသား အဖွဲ့များသည် ၎င်းတို့၏ တရားဝင် အခမ်းအနားများ ပြုလုပ်ရန် ကြိုးစားသည့် အခါတိုင်း သေချာစွာ စောင့်ကြည့်ခံရခြင်း၊ ခြိမ်းခြောက် ခံရခြင်း၊ မတရား ခွဲခြားဆက်ဆံခံရခြင်းများ ရှိခဲ့သည်။
နိုင်ငံရေး လှုပ်ရှားသူ အများစုက နိုင်ငံတကာ လွတ်ငြိမ်း ချမ်းသာခွင့် ပေးရေး အဖွဲ့သို့ ပြောကြားခဲ့ရာတွင် ဗုဒ္ဓဘာသာ သံဃာတော်များ ဦးဆောင်သော ၂၀၀၇ ခုနှစ် ရွှေဝါရောင် တော်လှန်ရေးတွင် နှိပ်စက်မှုများနှင့် ကြုံတွေ့ရကြောင်း ပြောသည်။ နေရာအနှံ့တွင် ငြိမ်းချမ်းစွာ ဆန္ဒပြသူများ၊ သံဃာတော်များနှင့် အခြား လူများကို သတ်ဖြတ်ခြင်း၊ နှိပ်စက်ခြင်းများ ရှိကြောင်း မျက်မြင် သက်သေများက ပြောပြသည်။ အချို့က ပြောကြားရာတွင် မိမိတို့၏ ကချင်ပြည်နယ်အတွင်း ဆည်တည်ဆောက်ရေး ကန့်ကွက်မှုအတွက် လက်မှတ် ရေးထိုးရေး လှုပ်ရှားမှုများကို အာဏာပိုင်များ က လိုက်လံ စောင့်ကြည့်နေကြသည်ဟု ဆိုသည်။
နိုင်ငံရေးအရ ဆန့်ကျင်သည်ဟု ထင်ပါက ပြစ်ဒဏ်ပေးမှု ခံရနိုင်ကြောင်း ကရင်နီ လူငယ်များ က ၂၀၀၈ အခြေခံ ဥပဒေကို ဆန့်ကျင်သောအားဖြင့် စက္ကူလှေတွင် No ဟု ရေးပြီး ရေထဲတွင် မျှောကြရာ အစိုးရ၏ ဖမ်းဆီးခြင်းကို ခံရသည်။ အလယ်ပိုင်း ဒေသများနှင့် မြို့ပြ ဒေသများတွင် နိုင်ငံရေး လှုပ်ရှားမှုကို တစ်မျိုး ခွဲခြားကိုင်တွယ် ဆက်ဆံသည်။ ထို့ကြောင့် မြန်မာနိုင်ငံ၏ ဆိုးရွားလှသော လူ့အခွင့်အရေး ကိစ္စများနှင့် ပတ်သက်၍ ဆုံးဖြတ်ချက်များ ချမှတ်မည် ဆိုလျှင် တိုင်းပြည်၏ ကြီးမားသော လူဦးရေဖြစ်သည့် တိုင်းရင်းသားများ၏ မျှော်မှန်းချက်များနှင့် ရပိုင်ခွင့်များ ကို ထည့်သွင်း စဉ်းစားရလိမ့်မည် ဖြစ်သည်။
တိုင်းရင်းသား လူမျိုးများသည် တိုင်းပြည် လူဦးရေ၏ ၃၅ %မှ ၄၀ % ထိ ရှိပြီး၊ အများစုမှာ ပြည်နယ်ကြီး ခုနှစ်ခုတွင် နေထိုင်ကြသည်။ အဓိက တိုင်းရင်းသား လူမျိုး ခုနှစ်စု၏ အစိုးရအပေါ် လက်နက်ကိုင် တော်လှန်မှုသည် ယနေ့အထိ ရှိနေသည်။ အစိုးရ၏ အဆိုအရ မြန်မာနိုင်ငံတွင် တိုင်းရင်းသား လူမျိုးစု ၁၃၅ မျိုး ရှိသည်ဟု ဆိုသည်။ ကိုးကန့်၊ ရှမ်းနှင့် ကရင်ပြည်နယ် တို့ရှိ တိုက်ပွဲများကြောင့် ထောင်ပေါင်း များစွာသော တိုင်းရင်းသားများမှာ အိုးမဲ့အိမ်မဲ့ ဖြစ်ကြရသည်။
တိုင်းရင်းသား လူမျိုး အမြောက်အများ ပါဝင်သော နိုင်ငံရေး အကျဉ်းသား ၂၁၀၀ ကျော်မှာ အကျဉ်းထောင်များတွင် ဆိုးရွားသော အခြေအနေ၌ ရှိနေကြသည်။ အဆိုပါ နိုင်ငံရေး အကျဉ်းသား အများစုမှာ မိမိတို့၏ ယုံကြည်ချက်များကို ငြိမ်းချမ်းစွာ ဖော်ထုတ်ခဲ့သူများ ဖြစ်ကြောင်း အစီရင်ခံစာ၌ ဖော်ပြထားသည်။ နိုင်ငံတကာ လွတ်ငြိမ်း ချမ်းသာခွင့် ပေးရေး အဖွဲ့သည် အစိုးရအား လွတ်လပ်စွာ ဖွဲ့စည်းခွင့်၊ စုဝေးခွင့်နှင့် ဘာသာရေး ကိစ္စများတွင် ကန့်သတ်မှုများ ရုတ်သိမ်းပေးရေးကို တိုက်တွန်း ထားသည်။ ရွေးကောက်ပွဲ မတိုင်မီ နိုင်ငံရေး အကျဉ်းသားများ ချွင်းချက်မရှိ လွှတ်ပေးရေး၊ မီဒီယာ လွတ်လပ်ခွင့် ပေးရေးကိုလည်း တောင်းဆိုထားသည်။
ထို့အပြင် နိုင်ငံတကာ လွတ်ငြိမ်း ချမ်းသာခွင့် ပေးရေး အဖွဲ့ကြီးသည် အာဆီယံမှ မြန်မာ့ အိမ်နီးချင်းများနှင့် နိုင်ငံတကာမှ မြန်မာအား ထောက်ခံသူများ အနက်မှ အကြီးဆုံးဖြစ်သော တရုတ်နိုင်ငံတို့အား အစိုးရအနေဖြင့် မြန်မာပြည်သူများ လွတ်လပ်စွာ ဖော်ထုတ်ခွင့်၊ ငြိမ်းချမ်းစွာ စုဝေးခွင့်နှင့် နိုင်ငံရေး လုပ်ငန်းစဉ်များတွင် ပွင့်လင်းစွာ ပါဝင်ခွင့် ရရေးတို့ ဖွင့်ပေးရန် ဝိုင်းဝန်း ဖိအားပေးကြရန် တောင်းဆိုခဲ့သည်။
၂၀၀၈ ခုနှစ် မေလ၊ နာဂစ်မုန်တိုင်း အပြီး တစ်ပတ် အကြာတွင် အခြေခံ ဥပဒေအသစ်ကို အတည်ပြုခဲ့သည်။ မဲပေးခွင့် ရှိသူ၏ ၉၉ % က မဲပေးကြပြီး၊ ၉၂.၄ % က ထောက်ခံသဖြင့် အခြေခံ ဥပဒေသစ်ကို အစိုးရက အတည်ပြုပေးခဲ့သည်။ အဆိုပါ အခြေခံ ဥပဒေတွင် ဒေသဆိုင်ရာ အစိုးရများ ခွင့်ပြုထားသော်လည်း၊ ဗဟို အစိုးရတွင် စစ်တပ်၏ လွှမ်းမိုးမှုကို သေချာအောင် ထည့်သွင်း ရေးဆွဲထားသည်။
အားလုံး ခြုံကြည့်ရလျှင် စိတ်ပျက်ဖွယ် ကောင်းပြီး မျှော်လင့်ချက် မရှိသော်လည်း၊ ပြောင်းလဲမှု တစ်ခုဖြစ်အောင် လုပ်ပေးနိုင်သော ခလုတ်များလည်း ရှိနေသေးသည်။ မကြာသေးမီက အာဆီယံသည် လူ့အခွင့်အရေးနှင့် ပတ်သက်၍ အပေါင်းလက္ခဏာ ဆောင်သော အသံများ ပြုခဲ့ရာ၊ မြန်မာနိုင်ငံတွင်လည်း တိုးတက်မှုများအတွက် အာဆီယံ၏ လွှမ်းမိုးမှု ရှိသည်။ နာဂစ် မုန်တိုင်း တိုက်ခတ်စဉ်က မြန်မာ အစိုးရသည် နိုင်ငံတကာ အကူအညီများကို လက်မခံခဲ့သော်လည်း၊ နောက်ပိုင်း လက်ခံလာအောင် စွမ်းဆောင်ရာတွင် အာဆီယံသည် အရေးကြီးသော ကဏ္ဍမှ ပါဝင်ခဲ့သည်။
နိုင်ငံတကာ လွတ်ငြိမ်း ချမ်းသာခွင့်ပေးရေး အဖွဲ့သည် ၎င်း၏ အစီရင်ခံစာတွင် ထောက်ခံချက် ပေးသော စာရင်းကို ပြုစုထားသည်။ အဆိုပါ စာရင်းတွင် အာဆီယံ နိုင်ငံများနှင့် ဆက်ဆံရေး၊ တရုတ် အိန္ဒိယတို့၏ ဆက်ဆံရေးကို အလေးပေး ဖော်ပြထားသည်။ ကုလသမဂ္ဂကိုလည်း အလေးပေး ထောက်ခံထားသည်။ အစီရင်ခံစာတွင် ကုလသမဂ္ဂ အနေဖြင့် အထူးသဖြင့် တိုင်းရင်းသားများ၏ ဘာသာရေးနှင့် လူ့အခွင့်အရေး ကိစ္စများတွင် သေချာစွာ ဆွေးနွေး ကိုင်တွယ်သင့်ကြောင်း ဖော်ပြထားသည်။ မြန်မာ အစိုးရအား လူ့အခွင့်အရေး ကိစ္စများတွင် စနစ်တကျ ပူးပေါင်း ဆောင်ရွက်မှုများ ရှိလာအောင် တိုက်တွန်းသင့်ကြောင်း ဖော်ပြထားသည်။ ရိုးရိုးသားသား ပြောရလျှင် မြန်မာနိုင်ငံ အနေနှင့်မူ နားထောင်လိမ့်မည် မဟုတ်ဟု ယူဆရသည်။
ဝမ်းနည်းဖွယ်ရာ နောက်တစ်ချက်မှာ နိုင်ငံတကာ လွတ်ငြိမ်း ချမ်းသာခွင့်ပေးရေး အဖွဲ့သည် မြန်မာနိုင်ငံတွင် ရင်းနှီးမြှုပ်နှံရန် ပြင်ဆင်နေသော စီးပွားရေး လုပ်ငန်းများ အကြောင်း ထည့်သွင်း ပြောကြားမှု မရှိခြင်းပင် ဖြစ်သည်။ မိမိတို့သည် CSR Asia အနေဖြင့် မြန်မာနိုင်ငံ၏ လူ့အခွင့်အရေး ချိုးဖောက်မှုများ ကိစ္စနှင့် ပတ်သက်၍ ပြောဆိုမည် ဆိုလျှင် ပုဂ္ဂလိက ကဏ္ဍ၏ အရေးကြီးသော အခန်းကဏ္ဍကို အမြဲ ငြင်းခုန်ခဲ့ကြသည်။ မြန်မာနိုင်ငံရှိ နိုင်ငံစုံ ပါဝင်သော ကော်ပိုရေးရှင်းများသည် မြန်မာနိုင်ငံ၏ လူ့အခွင့်အရေး ချိုးဖောက်မှုများတွင် ပါဝင် ပတ်သက်မှု မရှိအောင် သေချာစွာ အားထုတ် သင့်သည်။
သို့သော် ထိုသို့ ပြုလုပ်ရန် ခက်ခဲမည် ဖြစ်ပြီး၊ အကောင်းဆုံးမှာ မြန်မာနိုင်ငံမှ ထွက်ခွာသွားရန်သာ ဖြစ်ကြောင်း အများက ပြောကြားသည်။ သို့သော် မြန်မာနိုင်ငံကဲ့သို့ နေရာတကာ ဆင်းရဲ မွဲတေနေသော နိုင်ငံတွင် အဖြေထုတ်ဖို့ ခက်ခဲလှသည်။ သို့သော် အဆိုပါ ကုမ္ပဏီများသည် မြန်မာနိုင်ငံတွင် ပိုမိုရင်းနှီး မြှုပ်နှံရန်သာ ပြင်းထန်စွာ ပြောနေကြပြီး၊ ၎င်းတို့သည် စစ်အစိုးရနှင့် ဆက်ဆံရာတွင် နာမည်ကောင်း ရနေကြပြီ ဖြစ်သည်။ အမှန်တရားမှာ အကယ်၍ မြန်မာနိုင်ငံတွင် လက်ရှိ ရင်းနှီး မြှုပ်နှံနေသော နိုင်ငံစုံ ကော်ပိုရေးရှင်းများ ထွက်သွားခဲ့သော် ၎င်းတို့ ပိုင်ဆိုင်မှုများသည် တရုတ်နိုင်ငံနှင့် လူ့အခွင့်အရေး ချိုးဖောက်မှုများနှင့် ပတ်သက်၍ ဂရုမပြုသော ကုမ္ပဏီများ လက်ထဲသို့ ရောက်ရှိသွား မည် ဖြစ်သည်။
နိုင်ငံတကာ လွတ်ငြိမ်း ချမ်းသာခွင့်ပေးရေး အဖွဲ့၏ အစီရင်ခံစာသည် အလွန် ကောင်းမွန်သော်လည်း အချို့ အပိုင်းများတွင် ဖတ်ရှုသည့် နေရာတွင် အနှောင့်အယှက်များ ရှိနိုင်သည်။ မြန်မာနိုင်ငံတွင် ဖြစ်ပေါ်နေသည့် ကြောက်စရာ ကောင်းသော လူ့အခွင့်အရေး ချိုးဖောက်မှုများကို သတိပေးထားသည်။ သို့သော် အဆိုပါ ကိစ္စ အဖြေရှာရေးမှာ ကုလသမဂ္ဂတွင်ပင် အရင်ကတည်းက အလုပ် မဖြစ်ခဲ့ရာ အနာဂတ်တွင်လည်း အဖြေ ရှာနိုင်လိမ့်မည် မထင်ပေ။ အာဆီယံနှင့် တရုတ်သည် အဓိက သော့ချက် ဖြစ်နေပေသည်။ ပုဂ္ဂလိက ကဏ္ဍ၏ အရေးပါမှုကလည်း ရှိနေပြန်ရာ ၎င်းတို့ကို တစ်စုံတစ်ခု လုပ်ပေးရန် တောင်း ဆိုသင့်သလားဟု မေးခွန်း ထုတ်ရ ပေလိမ့်မည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.