Posts
Irrawaddy News, 18th February 2010
မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် မလာရောက်မီ ကြာသပတေးနေ့၌ ထောင်တွင်းမှ ပေးပို့ခဲ့သော စာတစ်စောင်တွင် ရန်ကုန်မြို့ နာမည်ပျက် အင်းစိန်ထောင်မှ နိုင်ငံရေး အကျဉ်းသားများက ဖတ်စရာ စာအုပ် စာတမ်းများ၊ ကောင်းမွန်သော အစားအစာများနှင့် ကျန်းမာရေး စောင့်ရှောက်မှုတို့ ရရှိရေး အပါအဝင် အခြေအနေ တိုးတက်အောင် ဆောင်ရွက်ပေးရန် တောင်းဆို ထားသည်။
နိုင်ငံရေး အကျဉ်းသားများအပေါ် မြန်မာ အာဏာပိုင်များ၏ ပြုမူဆက်ဆံပုံများကို စုံစမ်း စစ်ဆေးရန် လာရောက်သော ၅ ရက်ကြာ ခရီးစဉ်၏ တစ်စိတ်တစ်ပိုင်းအဖြစ် ကုလသမဂ္ဂ ကိုယ်စားလှယ် Tomas Ojea Quintana သည် အင်းစိန် အကျဉ်းထောင်သို့ ကြာသပတေးနေ့ နေ့လယ်တွင် သွားရောက်ခဲ့သည်။
အဆိုပါ ပေးစာအရ အကျဉ်းသားများအား ကျွေးသော ထမင်းမှာ သိုး၍ ကျောက်ခဲများ ရောနေကြောင်း၊ ထို့အပြင် အကျဉ်းသားများသည် ထောင်ဝင်စာ လာတွေ့သော မိသားစု ဆွေမျိုးများထံမှ စာအုပ်နှင့် သတင်းဂျာနယ်များ လက်ခံခွင့် ရှိသော်လည်း စာရွက်စာတမ်း အားလုံးကို အကြီးအကျယ် စစ်ဆေး ဖြတ်တောက်ထားကြောင်း သိရရှိသည်။
"စာအုပ်တွေ၊ ဂျာနယ်တွေကို ဖြတ်၊ ညှပ်၊ ဖြဲပြီးမှ ကျွန်တော်တို့ကို ပေးတာပါ" ဟု အဆိုပါ စာတွင် ရေးသားထားသည်။
မြန်မာနိုင်ငံရှိ နိုင်ငံရေး အကျဉ်းသား ၂၀၀၀ ကျော်အနက် ၄၀၀ နီးပါးကို နိုင်ငံ့ အကြီးဆုံး အင်းစိန်ထောင်တွင် ဖမ်းဆီးထားသည်။ လက်ရှိ အင်းစိန်ထောင်တွင်း၌ ပြစ်ဒဏ် ကျခံနေရသော နိုင်ငံရေး အကျဉ်းသား ၃၀၀ ခန့်မှာ ၂၀၀၇ သံဃာတော်များ၏ ဆန္ဒပြပွဲများ အပြီး နောက်ဆက်တွဲ ဖမ်းဆီးခံရသူများ ဖြစ်သည်။
အထက်ပါ ပေးစာသည် အစစ်အမှန် ဖြစ်ကြောင်း ထိုင်းနိုင်ငံ အခြေစိုက် မြန်မာ လူ့အခွင့်အရေး အဖွဲ့ AAPP (နိုင်ငံရေး အကျဉ်းသားများ ကူညီ ထောက်ပံ့ရေး အဖွဲ့အစည်း) က အတည်ပြု ပြောဆိုလိုက်သည်။
"နိုင်ငံရေး အကျဉ်းသားတွေက ပို့လိုက်တဲ့စာ ဆိုတဲ့ အချက်ကိုတော့ ကျွန်တော်တို့ အတည်ပြု နိုင်တယ်" ဟု AAPP မှ ပူးတွဲ အတွင်းရေးမှူး ဘိုကြည်က ပြောကြားသည်။ "လုံခြုံရေး အကြောင်း ပြချက်များကြောင့် ဒီစာ ဘယ်လိုထွက်လာတယ် ဆိုတာ မပြောနိုင်ပါ" ဟုလည်း ၎င်းက ဆိုသည်။
ဗုဒ္ဓဟူးနေ့က Quintana သည် မြန်မာနိုင်ငံ အနောက်မြောက်ဖက် ရခိုင်ပြည်နယ်သို့ သွားရောက်ခဲ့ပြီး ဘူးသီးတောင် အကျဉ်းထောင်မှ နိုင်ငံရေး အကျဉ်းသားများနှင့် တွေ့ဆုံရာတွင် ၂၀၀၇ သံဃာတော် လှုပ်ရှားမှုတွင် ပါဝင်မှုဖြင့် ပြစ်ဒဏ် ကျခံနေရသည့် ထင်ရှားသည့် ၈၈ မျိုးဆက် ကျောင်းသား ကိုဌေးကြွယ်နှင့်လည်း တွေ့ဆုံခဲ့သည်။
အကျဉ်းထောင် စစ်ဆေးမှု အပြီးတွင် နေအိမ် အကျယ်ချုပ် ပြစ်ဒဏ် ၆ နှစ် ကျခံ၍ ယခင် အပတ်က လွတ်မြောက်လာခဲ့သော NLD ပါတီ ဒုတိယ ဥက္ကဌ ဦးတင်ဦးနှင့် Quintana တို့ တွေ့ဆုံမည် ဖြစ်သည်။
ကုလသမဂ္ဂ ကိုယ်စားလှယ်က စစ်ဖက် အုပ်ချုပ်သူများအား နိုင်ငံရေး အကျဉ်းသားများ အားလုံးကို လွှတ်ပေးရန်နှင့် ယခု နှစ်ကုန်တွင် ကျင်းပမည့် ရွေးကောက်ပွဲများ တရား မျှတမှုနှင့် ထင်သာမြင်သာ ရှိရန် တောင်းဆိုထားသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.