Posts
Macdonald Dzirutwe, Reuters, 21st February 2010
ဇင်ဘာဘွေ သမ္မတ ရောဘတ် မူဂါဘီသည် ၎င်း၏ ၈၆ နှစ်မြောက် မွေးနေ့ကို တနင်္ဂနွေနေ့က ကျင်းပခဲ့သည်။ ၎င်းသည် လွတ်လပ်ရေး ရပြီးကတည်းက နှစ်ပေါင်း သုံးဆယ်ခန့် အုပ်ချုပ်လာခဲ့ခြင်း ဖြစ်သည်။ ၎င်းသည် ၎င်း၏ ဘဝတစ်ခုလုံး အာဏာကို ဖက်တွယ်ထားလိမ့်မည် ဖြစ်သည်ဟု သုံးသပ်ကြပြီး၊ ၎င်းသည် အုပ်စိုးမှု သက်တမ်း ရှည်ကြာအောင် တိုင်းပြည်ကို သွေးခွဲ အုပ်ချုပ်ခဲ့သည်ဟု ဆိုသည်။
၎င်း၏ ZANU-PF ပါတီက စနေနေ့၌ Bulawayo မြို့တွင် စီတန်း လှည့်လည်ခဲ့ကြပြီး၊ မူဂါဘီကမူ သူ၏ မိသားစုနှင့် တနင်္ဂနွေနေ့က တိတ်တဆိတ် ကျင်းပခဲ့ခြင်း ဖြစ်သည်။
ကယ်တင်သော သူရဲကောင်း အဖြစ် နိုင်ငံရေး ထောက်ခံသူများက ချီးမြှောက်ကြပြီး၊ အာဖရိက တစ်ခုလုံးကလည်း အနောက်နိုင်ငံများ၏ ဗိုလ်ကျမှု ခံရသော နိုင်ငံအဖြစ် ချီးကျူးကြသည်။ ၎င်း၏ အတိုက်အခံများကမူ အာဏာရှင်အဖြစ် စွပ်စွဲပြီး အားလုံးက ညီတူညီမျှပင် ၎င်းကို မုန်းတီးနေကြသည်။
ဒီဇင်ဘာက မူဂါဘီသည် ၎င်း၏ ပါတီအား နောက်ငါးနှစ် ဆက်လက်ဦးဆောင်ရန် ကန့်ကွက်သူ မရှိ ရွေးချယ်ခံရသည်။ နိုင်ငံရေး ဝေဖန်သူများက ၎င်းသည် နောက်လာမည့် ရွေးကောက်ပွဲ အတွက် ZANU-PF ပါတီ၏ သမ္မတလောင်းအဖြစ် အလိုအလျောက် ဖြစ်လာမည် ဖြစ်ပြီး ၂၀၁၃ တွင် ကျင်းပမည့် ရွေးကောက်ပွဲတွင် သူသည် အသက် ၈၉ နှစ် ရှိမည် ဖြစ်သည်။
သူသာ ပါတီခေါင်းဆောင် အဖြစ် ရှိနေပြီ ဆိုပါက သူ၏ ပါတီကို ခွဲပစ်လိမ့်မည် ဖြစ်သည်။ အဘယ်ကြောင့်ဆိုသော် ၂၀၀၈ ခုနှစ် မတ်လက သူ၏ ပါတီသည် ပထမဦးဆုံး အကြိမ်အဖြစ် ရွေးကောက်ပွဲတွင် ရှုံးနိမ့်ခဲ့၍ ဖြစ်သည်။ ရွေးကောက်ပွဲ ရှုံး၍ အတိုက်အခံ Movement for Democratic Change (MDC) နှင့် ညွန်ပေါင်း အစိုးရဖွဲ့ရပြီး MDC ခေါင်းဆောင် Morgan Tsvangirai ကို ဝန်ကြီးချုပ် ခန့်ထားရသည်။
မူဂါဘီသည် ၎င်း၏ ရှည်လျားသော နိုင်ငံရေး ဘဝကြီး၏ နေဝင်ချိန် အပိုင်းကို ရောက်နေပြီ ဖြစ်သော်လည်း ၎င်း၏ နေရာတွင် ဆက်ခံမည့်သူကို ရွေးချယ်ရန် ငြင်းခုန်ဆဲဖြစ်ပြီး၊ ဆက်ခံမည့် ခေါင်းဆောင်များ၏ နောက်လိုက်များ အင်အားချည့်နဲ့အောင်၊ စိန်ခေါ်မှုများ မလုပ်နိုင်အောင် ပြုလုပ်ထားသည်။
၎င်းသည် အသက် ၈၆ နှစ် ရှိပြီ ဖြစ်သော်လည်း နောက်ထပ် ငါးနှစ် ပါတီကို ဦးဆောင်ရန် ရွေးချယ်ခံ ထားရကြောင်း၊ ZANU-PF ကို ဦးဆောင်သူများက ၎င်းကို ပါတီ ခေါင်းဆောင် အဖြစ် ကွယ်လွန်သည်ကိုသာ မြင်လိုကြသည်ဟု ဇင်ဘာဘွေ တက္ကသိုလ် နိုင်ငံရေး သိပ္ပံ ကထိက Eldred Masunungure က ပြောသည်။
ZANU-PF ၏ ဒု ဥက္ကဋ္ဌ သုံးဦးမှာလည်း ဒုဥက္ကဋ္ဌ အဖြစ်နှင့်ပင် ကွယ်လွန်ကြသည် ဖြစ်ရာ ၎င်းကိုလည်း ဥက္ကဋ္ဌအဖြစ်နှင့်သာ သေသည်အထိ နေစေလိုသည်ဟု Masunungure က ပြောသည်။
မူဂါဘီအား ဥက္ကဋ္ဌ အဖြစ် နောက်ထပ် ငါးနှစ် ရွေးချယ်ခဲ့ခြင်းသည် ဝေဖန်မှုများကို ပိုမို လာစေသည်။ ၎င်း၏ အုပ်စိုးမှု သက်တမ်း ကြာလာသည်နှင့်အမျှ ဇင်ဘာဘွေ၏ ပြဿနာများကို ပိုမို ဆိုးရွားလာစေပြီး၊ စီးပွားရေး ပြန်လည် နာလံထမှုကိုလည်း ရပ်သွားစေမည် ဖြစ်ကြောင်း ဝေဖန်ကြသည်။
မူဂါဘီ၏ မှားယွင်းသော မူဝါဒများကို ဥပမာအဖြစ် ထောက်ပြရာတွင် လူဖြူများ ပိုင်သော လယ်များကို သိမ်းဆည်းခြင်း၊ ဥပဒေသစ် ထုတ်ပြန်၍ နိုင်ငံခြားသားပိုင် ဘဏ်များ၊ သတ္တု တူးဖော်ခြင်းများ စသည့် ရှယ်ယာ အများစုကို လူမည်းများသို့ ပေးစေခြင်းများ ဖြစ်သည်။
မူဂါဘီနှင့် ၎င်း၏ အတွင်းအသိုင်းအဝိုင်းကို ZANU-PF ပါတီ ၂၀၀၀ ခုနှစ်က ရွေးကောက်ပွဲ နိုင်ကတည်းက အနောက်နိုင်ငံက အရေးယူ ပိတ်ဆို့မှုများ ချမှတ်ခဲ့သည်။ မူဂါဘီကမူ လူဖြူများ၏ လယ်များကို သိမ်း၍ မြေယာမဲ့ လူမည်းများကို ပြန်လည် နေရာချထားမှုကြောင့် ၎င်းအား ဒဏ်ခတ်ခြင်း ဖြစ်ကြောင်း ပြောခဲ့သည်။
မူဂါဘီသည် ၎င်း၏ အသက်နှင့် စာလျှင် ကျန်းမာ သန်စွမ်းပြီး မည်သူ့ စကားမျှ နားမထောင်ဘဲ မိမိ ပြုလုပ်ချင်ရာ ပြုလုပ်နေဆဲပင် ဖြစ်သည်။ သို့သော် ပြီးခဲ့သည့် နှစ်က ညွှန်ပေါင်း အစိုးရ ဖွဲ့ခဲ့ပြီး နောက်ပိုင်း အနောက်နိုင်ငံများနှင့် ပြည်တွင်း အတိုက်အခံများကို ပြင်းပြင်းထန်ထန် ဝေဖန်မှုများ ပြုလုပ်ခြင်း မရှိတော့ပေ။
သို့သော် အတိုက်အခံ Tsvangirai နှင့် ပူးပေါင်းလိုက်ရခြင်းသည် အုပ်ချုပ်မှု အာဏာ ခွဲဝေရေးနှင့် ဒီမိုကရေစီ ပြုပြင် ပြောင်းလဲမှုများ ပြုလုပ်ရာတွင် တင်းမာမှုများ ရှိနေခြင်းကြောင့် ဒုက္ခတွေ့လျက် ရှိနေသည်။
ပြီးခဲ့သည့် လက ဇင်ဘာဘွေတွင် အခြေခံ ဥပဒေသစ် ရေးဆွဲရေးကို ခေတ္တ ရပ်ဆိုင်းခဲ့ရသည်။ အကြောင်းမှာ ငွေထောက်ပံ့ရေး ကိစ္စများ၊ အခြေခံ ဥပဒေအပြီး လွတ်လပ်၍ တရားမျှတသော ရွေးကောက်ပွဲ အတွက် မျှော်လင့်ချက်များ အတွက် ငြင်းခုံမှုများ ဖြစ်ပြီး ရပ်ဆိုင်းခဲ့ရခြင်း ဖြစ်သည်။
၎င်း၏ မွေးနေ့ မတိုင်မီညက မူဂါဘီနှင့် အင်တာဗျူးတွင် ၎င်းက ညွန့်ပေါင်းအစိုးရ မပြိုလဲစေရေး ကတိပြုခဲ့သည်။
သုံးသပ်သူများ၏ အဆိုအရ တရားမျှတသော ရွေးကောက်ပွဲတွင် မူဂါဘီသည် Tsvangirai ကို ရှုံးနိုင်ကြောင်း၊ သို့သော် ၂၀၀၈ ခုနှစ်က ZANU-PF ပါတီ ရှုံးနိမ့်အပြီးတွင် မူဂါဘီသည် အနိုင်ရရန် သမိုင်းကြောင်းတွင် ရက်စက်မှုများ ရှိခဲ့သော၊ လွတ်လပ်သည့် စစ်ပြန်များ ပါဝင်သော နိုင်ငံရေး အဖွဲ့ အပေါ်တွင် ပို၍ အားထားလာဖွယ် ရှိသည်ဟု ဆိုသည်။
လူအများ မေးနေသော မေးခွန်းမှာ မူဂါဘီသည် ဇင်ဘာဘွေ၏ ဘဝရှင် မင်းတရားကြီး ဖြစ်တော့မည်လားဟု ဖြစ်ကြောင်း၊ ဇင်ဘာဘွေ နိုင်ငံသားများသည် အဆိုပါ ဖြစ်နိုင်သည့် အမှန်တရားကို လက်ခံလာရလိမ့်မည် ဖြစ်ကြောင်း Masunungure က ပြောသည်။
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.