Posts
BBC News, 18th February 2010
တရုတ်နိုင်ငံက ကန့်ကွက်နေသည့် ကြားမှ အိမ်ဖြူတော်တွင် ကျင်းပသော ဒလိုင်းလားမားနှင့် ဆွေးနွေးပွဲတွင် တိဗက်တို့၏ ရပိုင်ခွင့်များကို ထောက်ခံကြောင်း အမေရိကန် သမ္မတ ဘားရက် အိုဘားမားက ပြောကြားလိုက်သည်။
ထိုင်ဝမ်သို့ အမေရိကန် လက်နက်များ ရောင်းချမှု၊ တရုတ်တို့၏ ဆိုက်ဘာ စပိုင်လုပ်မှုအပေါ် ကန့်ကွက်မှု၊ ကုန်သွယ်ရေးသဘောတူညီချက်များစသည်တို့အပေါ် အငြင်းပွားမှုများ အကျယ်တဝင့် ဖြစ်ပွား နေခြင်းနှင့်အတူ အမေရိကန်၊ တရုတ် ဆက်ဆံရေး တင်းမာနေသည့် ကြားမှ အဆိုပါ တွေ့ဆုံ ဆွေးနွေးမှု ကို ပြုလုပ်ခဲ့ခြင်း ဖြစ်သည်။
ဒလိုင်းလားမားကို ခွဲထွက်ရေး သမားအဖြစ် ရှုမြင်ထားသော တရုတ်နိုင်ငံက အထက်ပါ တွေ့ဆုံမှုသည် တိဗက်ဆိုင်ရာ အမေရိကန် မူဝါဒကို ချိုးဖောက်ခြင်း ဟု ပြောကြားလိုက်သည်။
တရုတ်၏ ပူပန်မှုကို အမေရိကန်က နှစ်သိမ့်ခဲ့သော်လည်း အစည်းအဝေးကို အသေးအဖွဲ့ ကိစ္စတစ်ခု သဖွယ် ကျင်းပခဲ့သည်။
နိုင်ငံရေး အစည်းအဝေး မဟုတ်ဘဲ သီးသန့်ကိစ္စ တစ်ခုသာ ဖြစ်ကြောင်း တရုတ်ကို ပြသသည့် သဘောဖြင့် အရေးပါသည့် ဘဲဥပုံ ခန်းမတွင် မပြုလုပ်ဘဲ အိမ်ဖြူတော်၏ မြေပုံ ခန်းမတွင် တံခါးပိတ် စည်းဝေးပွဲကို ကျင်းပခဲ့သည်။
ဒီမိုကရေစီ၏ ချန်ပီယံ
ထို့နောက်တွင် အမေရိကန် သမ္မတက တိဗက်လူမျိုးတို့၏ တည်ရှိမှုနှင့် တရုတ်နိုင်ငံရှိ တိဗက်တို့၏ လူ့အခွင့်အရေးကို အကာအကွယ် ပေးရာတွင် ခိုင်မာစွာ ထောက်ခံကြောင်း ထုတ်ဖော် ပြသခဲ့သည်ဟု အိမ်ဖြူတော် ပြောရေးဆိုခွင့် ရှိသူ Robert Gibbs က ပြောကြားလိုက်သည်။
ဒလိုင်းလားမား၏ အကြမ်းမဖက်ရေး ကတိကဝတ်နှင့် တရုတ် အစိုးရနှင့် ဆွေးနွေးရန် ကြိုးစားမှုတို့ကို သမ္မတ အိုဘားမားက ချီးကျူး ဂုဏ်ပြုခဲ့သည်ဟု ၎င်းက ဆက်လက် ပြောကြား ခဲ့သည်။
အဆိုပါ ခရီးစဉ်ကို အရေးမကြီးသည့် ကိစ္စအဖြစ် ပုံဖော်ရန် အမေရိကန်က ကြိုးစား ခဲ့သော်လည်း အိမ်ဖြူတော်၏ အနောက်ဖက် ဌာနတွင် ဒလိုင်းလားမားက သတင်းထောက်များအား ချက်ချင်း ပြောကြားခဲ့သော ထင်မြင်ချက်များကို နိုင်ငံတကာ ရုပ်သံလိုင်းများတွင် ကျယ်ပြန့်စွာ ထုတ်လွှင့်သွားခဲ့သည်။
ဒီမိုကရေစီ၊ လွတ်လပ်မှု၊ လူ့တန်ဖိုးများနှင့် တီထွင် ဖန်တီးမှုတို့၏ ချန်ပီယံအဖြစ် အမေရိကန် နိုင်ငံကို လေးစားကြောင်း အိုဘားမားကို ပြောကြားခဲ့သည်ဟု ဒလိုင်းလားမားက ဆိုသည်။
ဒလိုင်းလားမားကို လက်ခံရန် ဆုံးဖြတ်ခဲ့ခြင်းကို ကာကွယ်သည့် အနေဖြင့် အိမ်ဖြူတော်က ဒလိုင်းလားမားသည် နိုင်ငံတကာက လေးစားသော ဘာသာရေး ခေါင်းဆောင်တစ်ဦး ဖြစ်သည်ဟု ပြောဆိုခဲ့သည်။
သမ္မတ အိုဘားမားသည် ၎င်း၏ ပထမဆုံး နိုင်ငံတော် ခရီးစဉ်အဖြစ် ဘေဂျင်းသို့ မသွားရောက်မီ ယခင်နှစ်က ဝါရှင်တန်တွင် ဒလိုင်းလားမားနှင့် တွေ့ဆုံရန် ရှောင်ရှားခဲ့သည်။
တရုတ် နိုင်ငံခြားရေး ဝန်ကြီးဌာနကမူ အဆိုပါ တွေ့ဆုံမှုကို အလျင်အမြန် ပြစ်တင် ရှုတ်ချလိုက်သည်။
တရုတ် နိုင်ငံခြားရေး ဌာန ပြောရေးဆိုခွင့် ရှိသူ Ma Zhaoxu က နိုင်ငံတကာ ဆက်ဆံရေး နယ်တွင် လိုက်နာရမည့် ကျင့်ထုံးများကို အမေရိကန်က အကြီးအကျယ် ဖောက်ဖျက်ခဲ့သည်ဟု ပြောကြားကြောင်း Xinhua သတင်းဌာနက ဖော်ပြသည်။
တိဗက်ကို တရုတ်နိုင်ငံ၏ အစိတ်အပိုင်းအဖြစ် အမေရိကန်က အသိအမှတ် ပြုကြောင်းနှင့် တိဗက် လွတ်မြောက်ရေးကို ထောက်ခံမည် မဟုတ်သော အမေရိကန် အစိုးရ၏ ထပ်မံ ကတိ ပေးထားမှုများနှင့် ဆန့်ကျင်ဘက် ဖြစ်နေသည်ဟုလည်း ၎င်းက ပြောသည်။
တရုတ်-အမေရိကန် ဆက်ဆံရေးကို ထိခိုက်စေမည့် အရာမှန်သမျှကို ရှောင်ရှားရန်အတွက် ဒလိုင်းလားမား၏ ခရီးစဉ်ကို ဖျက်သိမ်းရန် တရုတ် နိုင်ငံခြားရေး ဝန်ကြီးဌာနက အမေရိကန် ပြည်ထောင်စုကို သတိပေးထားခဲ့ပြီး ဖြစ်သည်။
နှစ်နိုင်ငံ ဆက်ဆံရေး လမ်းကြောင်းမှန်ပေါ် ပြန်ရောက်ရန် သမ္မတ အိုဘားမား၏ ဆောင်ရွက်မှု များကိုသာ ယခု အချိန်တွင် မျှော်လင့်နေသည်ဟုလည်း တရုတ်က ပြောဆိုသည်။
၁၉၅၀ တွင် တိဗက်သို့ စစ်တပ်များ စေလွှတ် တပ်စွဲခဲ့သည့် တရုတ်နိုင်ငံက ၎င်းတို့ ပိုင်သော နယ်မြေသာ ဖြစ်ကြောင်း အစဉ်သဖြင့် ပြောကြားခဲ့ပြီး ဒလိုင်းလားမားကိုလည်း ခွဲထွက်ရေး ဝါဒီအဖြစ် ယူဆ ထားသည်။ ဘာသာရေး ခေါင်းဆောင်ကို ပစ်ပယ်ထားရန် ကြိုးစားသည့် အနေဖြင့် ဘေဂျင်းက နိုင်ငံတကာ ခေါင်းဆောင်များအား ၎င်းနှင့် တွေ့ဆုံခြင်း မပြုရန် တောင်းဆိုလျက် ရှိသည်။
တရုတ် စိုးမိုး အုပ်ချုပ်မှုကို ဆန့်ကျင်သည့် လူထုအုံကြွမှု ကျဆုံးခဲ့ပြီးနောက် ၁၉၅၉ တွင် ဒလိုင်းလားမားသည် တိဗက်မှ တိမ်းရှောင် ထွက်ပြေးကာ အိန္ဒိယနိုင်ငံတွင် နေထိုင်ခဲ့သည်။
ထိုင်ဝမ်သို့ အမေရိကန် လက်နက်များ ရောင်းချမှု၊ တရုတ်တွင် အင်တာနက်ကို စိစစ် ကန့်သတ်မှု၊ တရုတ်ယွမ်ငွေ တန်ဖိုးကို တမင်ချ၍ ပို့ကုန်လုပ်ငန်း အမြတ်ထွက်အောင် ကြိုးစားမှု စသည်တို့ကြောင့် လတ်တလော ကာလများအတွင်း အမေရိကန် - တရုတ် ဆက်ဆံရေး ကျဲလာ ခဲ့သည်။
၁၉၉၁ မှ စ၍ ဒလိုင်းလားမားသည် တက်လာသမျှ အမေရိကန် သမ္မတတိုင်းနှင့် တွေ့ဆုံခဲ့ပြီး ၎င်း၏ ခရီးစဉ်တိုင်းတွင် တရုတ် စာနယ်ဇင်း မီဒီယာများ၏ ဒေါသကို ဆွပေးခဲ့သည်။
သို့သော်လည်း အာဏာရ အမေရိကန် သမ္မတ တစ်ဦးနှင့် ပြည်ပရောက် တိဗက် ခေါင်းဆောင်တို့၏ ပထမဆုံးအကြိမ် လူသိရှင်ကြား တရားဝင် တွေ့ဆုံမှုမှာမူ ၂၀၀၇ ခုနှစ်က ဂျော့ဒဗလျူဘွတ်ရ်ှနှင့် ဒလိုင်းလားမားတို့၏ တွေ့ဆုံမှု ဖြစ်သည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.