Transparency Myanmar

transparency.myanmar@gmail.com

Reuters, By Framcos Wade, 30th March 2010

မြန်မာ့ အဓိက အတိုက်အခံ ပါတီ NLD သည် ယခုနှစ် ရွေးကောက်ပွဲ အတွက် ပါတီ မှတ်ပုံတင်ခြင်း မပြုရန် မဲခွဲ ဆုံးဖြတ်ခြင်းဖြင့် သမိုင်းတွင်မည့် ဆောင်ရွက်မှု တစ်ခုကို ယမန်နေ့က ပြုလုပ်လိုက်သည်။ လတ်တလော အစိုးရက ထုတ်ပြန်ခဲ့သော ရွေးကောက်ပွဲ ဥပဒေကြောင့် ထွက်ပေါ်လာခဲ့သည့် ဆုံးဖြတ်ချက်အရ ဒေါ်အောင်ဆန်းစုကြည် ခေါင်းဆောင်သည့် ပါတီကို တရားဝင် ဖျက်သိမ်းမည် ဖြစ်ပြီး တိုင်းပြည်၏ နိုင်ငံရေး အသိုင်းအဝိုင်းတွင် တရားဝင် ဆက်လက် လှုပ်ရှားနိုင်တော့မည် မဟုတ်ပါ။ အကယ်၍ ပါတီကို မှတ်ပုံတင်ရန် သဘောတူခဲ့ပါက ဒေါ်အောင်ဆန်းစုကြည်ကို ပါတီမှ ထုတ်ပယ်ရမည် ဖြစ်ပြီး အငြင်းပွားဖွယ် ၂၀၀၈ အခြေခံ ဥပဒေကိုလည်း လက်ခံရန် ဖိအားပေး ခံရလိမ့်မည်။

နိုင်ငံရေး လှုပ်ရှားမှုများကြောင့် ထောင်ထဲတွင် ၁၉ နှစ် နေခဲ့ရသူ NLD ဝါရင့် ခေါင်းဆောင် ဦးဝင်းတင်က DVB သို့ ပြောကြားရာတွင် ယခု ဆုံးဖြတ်ချက်ကြောင့် ပါတီ အနေဖြင့် လူထု အတွင်း ပိုမို လှုပ်ရှားခွင့် ရလာမည် ဖြစ်၍ အနှစ် ၂၀ အတွင်း မလုပ်နိုင်ခဲ့သော အလုပ်များကို လုပ်ကိုင် နိုင်တော့မည် ဖြစ်သည်ဟု ဆိုသည်။

မေး     - မနေ့က ဆုံးဖြတ်ချက် ချပြီးတဲ့နောက် NLD ရဲ့ စိတ်ဓာတ် အခြေအနေကို ပြောပါဦး။

ဖြေ     - ကောင်းပါတယ်ဗျာ။ ဒေါ်အောင်ဆန်းစုကြည်က မနေ့က အစည်းအဝေးကို စာတစ်စောင် ပို့တယ်။ ဒီလို အခြေခံ ဥပဒေကို လုံးဝ လက်မခံဘူး။ မမျှတတဲ့ ဥပဒေ အောက်မှာ ပါတီ မှတ်ပုံမတင်ဘူး။ ကိုယ့်ပါတီကို ကိုယ်ပြန် မဖျက်ဆီးဘူးလို့ စာထဲမှာ ရေးထားတယ်။ ဒါက ကျွန်တော်တို့ ပါတီနဲ့ ပါတီရဲ့ နိုင်ငံရေးဟာ ကျွန်တော်တို့ စိတ်ထဲမှာ ကိန်းအောင်း နေမှာပါလို့ ဆိုလိုတာပါ။ ဒါကြောင့် မနေ့က အစည်းအဝေး အပြီးမှာ တစ်နိုင်ငံလုံးက ပါတီ ခေါင်းဆောင်တွေရဲ့ စိတ်ဓာတ်က တက်ကြွနေပါတယ်။ လုံးဝ ပျော်ရွှင်နေပါတယ်။ ဘာကြောင့်လဲဆိုရင် ကျွန်တော်တို့ ပါတီ အင်အားနည်းသွားမယ်။ ပါတီ မရပ်တည် နိုင်တော့ဘူး ဆိုတာကို သိပေမယ့် နိုင်ငံတဝှမ်းကို သွားပြီး ပြည်သူတွေ အတွက် အလုပ်လုပ်နိုင်မှာ ဖြစ်လို့ပါပဲ။

မေး     - ခင်ဗျားတို့ ပါတီရဲ့ အနာဂတ် အတွက် အရမ်း စိတ်ပူနေကြပါတယ်။ ဒီနေရာကနေ ဘာဆက်လုပ်ကြမလဲ။

ဖြေ     - ကျွန်တော်တို့ ပါတီက တရားဝင် အဖွဲ့အစည်း မဟုတ်တော့ပေမယ့် ကျွန်တော်တို့ ဒီမှာ ဆက်ရှိနေမှာပါ။ နိုင်ငံရေး ပုံသဏ္ဍာန် ၄ ခု နဲ့ ဆက်လက် လှုပ်ရှားမှာပါ။ ပထမ အချက်က တစ်နိုင်ငံလုံးမှာ ရုံးခွဲတွေ၊ ပါတီဝင်တွေ အများကြီး ရှိနေဆဲ ဖြစ်တဲ့ အတွက် ကျွန်တော်တို့ရဲ့ စည်းလုံး ခိုင်မာမှုကို ထိန်းသိမ်းပြီး NLD အသိုင်းအဝိုင်းထဲမှာ လှုပ်ရှားကြမှာပါ။ ဒုတိယ အချက်ကတော့ တခြား ဒီမိုကရေစီ အဖွဲ့တွေ၊ တိုင်းရင်းသား အဖွဲ့တွေ နဲ့အတူ လုပ်ဆောင်မှာပါ။ လောလောဆယ်မှာလည်း သူတို့နဲ့ ဆက်ဆံရေး ကောင်းနေပါတယ်။ တတိယ အချက်ကတော့ ကျွန်တော်တို့ ပါတီဟာ အီးယူ၊ ကုလသမဂ္ဂ၊ အမေရိကန် ပြည်ထောင်စု၊ အာဆီယံတို့နဲ့ အရမ်းကောင်းတဲ့ ဆက်ဆံရေး ရှိနေပါတယ်။ နိုင်ငံခြား မီဒီယာတွေလည်း ပါတယ်။ ဒါ့ကြောင့် နိုင်ငံတကာ အသိုင်းအဝိုင်းနဲ့ ဆက်ဆံရေးကို ဆက်လက် ထိန်းသိမ်း သွားမှာပါ။ နောက်ဆုံး တစ်ချက်ကတော့ ပြည်သူတွေ အတွက် အလုပ်လုပ်မှာပါ။ ပြီးခဲ့တဲ့ အနှစ် ၂၀ ကို ကြည့်ရင် တော်တော်ဆိုးပါတယ်။ အစိုးရက ဖိနှိပ် ချုပ်ချယ်ထားတဲ့ အတွက် တကယ်တမ်း ပြည်သူတွေ အတွက် ကောင်းကောင်း မလုပ်နိုင်ခဲ့ဘူး။ အခုတော့ နိုင်ငံရေး ပါတီ အဖြစ် ဆက်ပြီး စည်းရုံး လှုပ်ရှားစရာ မရှိတော့ဘူး ဆိုတော့ ပြည်သူတွေထဲကို ဆင်းမယ်။ ဘာတွေ ကူညီနိုင်မလဲ ဆိုတာ လေ့လာမယ်။ ဒါတွေက လွန်ခဲ့တဲ့ အနှစ် ၂၀ အတွင်း ကောင်းကောင်း မလုပ်နိုင်ခဲ့တဲ့ အလုပ်တွေထဲက အနည်းအကျဉ်းပဲ ရှိပါသေးတယ်။

                   နောက်တစ်ချက်ကတော့ ဒေါ်အောင်ဆန်းစုကြည်ပေါ့။ သူမကတော့  မြန်မာနိုင်ငံရဲ့ ပြဿနာတွေကို ဖြေရှင်းနိုင်မယ့် တစ်ဦးတည်းသော ခေါင်းဆောင်ပါပဲ။ ဒါ့ကြောင့် သူမနဲ့ ဗိုလ်ချုပ်မှူးကြီး သန်းရွှေ အကြား ညှိနှိုင်း ဆွေးနွေးလို့ ရအောင် တံခါးဖွင့်ပေးဖို့ နိုင်ငံတကာ အသိုင်းအဝိုင်းက စစ်အစိုးရကို ဖိအားပေးရပါလိမ့်မယ်။ သူမဟာ နိုင်ငံရေးသမား တစ်ဦး အဖြစ် မလှုပ်ရှား နိုင်ပေမယ့် ပြည်သူတွေနဲ့ နိုင်ငံတကာ အသိုင်းအဝိုင်းရဲ့ ယုံကြည်မှုကို ရရှိထားတာ ဖြစ်လို့ မြန်မာ့ နိုင်ငံရေး လောကရဲ့ မဟာ အင်အားကြီး အဖြစ် ရပ်တည်နေဆဲ ဖြစ်ပါတယ်။ ကျွန်တော်တို့ သူမနဲ့အတူ ရပ်တည် လှုပ်ရှားသွားမှာပါ။

မေး     - ဒေါ်အောင်ဆန်းစုကြည်ကို အကျယ်ချုပ် ထိန်းသိမ်းပြီး နိုင်ငံရေး မလုပ်နိုင်အောင် ပိတ်ပင် ထားတယ်ဆိုတော့ NLD အနေနဲ့ သူမရဲ့ ခေါင်းဆောင်မှုကို အပြောင်းအလဲ လုပ်ဖို့ လိုတယ်လို့ ယူဆပါသလား။

ဖြေ     - ဒေါ်အောင်ဆန်းစုကြည်ရဲ့ အဆင့်အတန်းမျိုး ရောက်နိုင်တဲ့ လူက နည်းနည်းပဲ ရှိပါတယ်။ ဒါပေမယ့် အခုဆိုရင် ၈၈ မျိုးဆက် ကျောင်းသား ခေါင်းဆောင်တွေ ဖြစ်တဲ့ မင်းကိုနိုင်တို့၊ ကိုကိုကြီးတို့လို ရင့်ကျက်မှု ပြည့်ဝလာတဲ့ လူငယ် နိုင်ငံရေးသမားတွေ အများကြီး ရှိနေပါပြီ။ တကယ်လို့ ပြည်သူတွေကသာ ထောက်ခံမယ်ဆိုရင် သူတို့ဟာ အနာဂတ်မှာ အရေးကြီးတဲ့ နိုင်ငံရေး ခေါင်းဆောင်တွေ ဖြစ်လာမှာပါ။ NLD ဒုတိယ ဥက္ကဋ္ဌ ဖြစ်တဲ့ ဗိုလ်ချုပ်ကြီးဟောင်း တင်ဦး ဆိုရင်လည်း ပြည်သူတွေ နှစ်သက်တဲ့ ခေါင်းဆောင် တစ်ဦးပါ။ သူ့ရဲ့ ထောက်ခံ အားပေးမှုက ခိုင်မာသလို နိုင်ငံရေး ဖြတ်သန်းမှုလည်း ကောင်းတယ်။ ဒါ့ကြောင့် ခေါင်းဆောင်ပိုင်း အင်အား ချို့တဲ့မှာကို စိတ်မပူပါဘူး။ ဒေါ်အောင်ဆန်းစုကြည်ကလည်း အကြာကြီး ရှိနေဦးမှာ ဖြစ်သလို ကျွန်တော်တို့လို ပူးပေါင်း ဆောင်ရွက်မယ့် လူငယ် အင်အားစုတွေကလည်း အများကြီး ရှိနေတာကြောင့်ပါ။

မေး     - နိုင်ငံတကာ အနေနဲ့ သူတို့ ပြောထားတဲ့အတိုင်း ပူးပေါင်း ဆောင်ရွက်ဖို့ လိုအပ်တယ်လို့ အခု ခင်ဗျား ပြောခဲ့တယ်။ အခု မြန်မာနိုင်ငံကို ဘယ်လို ကိုင်တွယ် ဆောင်ရွက်သင့်ပါသလဲ။

ဖြေ     - ပါတီ မှတ်ပုံမတင်ဖို့ NLD ရဲ့ ဆုံးဖြတ်ချက်ကို နိုင်ငံတကာ အသိုင်းအဝိုင်းက လေးစားသင့်တယ်လို့ ပြောကြားခဲ့တဲ့ ဘန်ကီမွန်းရဲ့ စကားကို နိုင်ငံတကာ ခေါင်းဆောင်တွေ နားထောင်သင့်တယ်လို့ ထင်ပါတယ်။ ဒီကိစ္စက သိပ်ကို အရေးကြီးပါတယ်။ တကယ်လို့ ကျွန်တော်တို့ ဆုံးဖြတ်ချက် မှားလို့ မြန်မာနိုင်ငံရဲ့ ဒီမိုကရေစီ ပြုပြင် ပြောင်းလဲရေး အခွင့်အရေး နည်းသွားတယ်လို့ သူတို့ ယူဆခဲ့ရင် ကျွန်တော်တို့ အပေါ် နိုင်ငံတကာ အသိုင်းအဝိုင်းရဲ့ ထောက်ခံ အားပေးမှု လျော့သွားမှာပါ။ ဒါပေမယ့် နိုင်ငံတကာရဲ့ ခိုင်ခိုင်မာမာ အားပေး ထောက်ခံမှုကို ကျွန်တော်တို့ လိုအပ်ပါတယ်။ တရုတ်နိုင်ငံတောင်မှ မြန်မာ အစိုးရ အပေါ် သဘောထားကို ပြောင်းလဲ နေပါပြီ။ အကြောင်းကတော့ နိုင်ငံရေး အရ ပြောင်းလဲအောင် သူတို့ မလုပ်နိုင်ခဲ့လို့ပါ။ အနည်းဆုံး နာမည်ခံလောက် ပြောင်းလဲတာမျိုးကို တရုတ်က ဖြစ်စေချင်တယ်လေ။

မေး     - NLD အနေနဲ့ တိုင်းရင်းသား နိုင်ငံရေး အဖွဲ့အစည်းတွေ၊ စစ်တပ်တွေနဲ့ ပူးပေါင်းတာမျိုး အနာဂတ်မှာ ရှိလာနိုင်သလား။

ဖြေ     - ဒါပေါ့။ ရှိနိုင်ပါတယ်။ NLD က တိုင်းရင်းသား နိုင်ငံရေး အဖွဲ့အစည်းတွေနဲ့ ခိုင်မာတဲ့ ဆက်ဆံရေးရှိတဲ့ တစ်ခုတည်းသော နိုင်ငံရေး အင်အားစု တစ်ခုပါ။ ဒီနေ့ထက်ထိ ကော်မတီ ဖွဲ့စည်းပြီး သူတို့နဲ့ အတူတကွ လုပ်ဆောင် နေပါတယ်။ အမျိုးသား နိုင်ငံရေး အင်အားစုတွေ ကြားမှာ ယုံကြည်မှုလည်း ရရှိထားပါတယ်။ တကယ်ပါ။ တောင်တန်းဒေသနဲ့ မြန်မာပြည် မြောက်ပိုင်းကို ကျွန်တော်တို့ ကိုယ်စားလှယ်တွေ စေလွှတ် နိုင်ပေမယ့် ကွဲပြားတဲ့ တိုင်းရင်းသားတွေနဲ့ ကောင်းမွန်တဲ့ ဆက်ဆံရေး ရှိနေပါတယ်။ သူတို့က ဒေါ်အောင်ဆန်းစုကြည်ကို ယုံကြည်မှု ရှိတယ်။ ဒါက ကျွန်တော် ပြောခဲ့တဲ့ ဒုတိယ နိုင်ငံရေး ပုံသဏ္ဍာန်ပါ။ ဒါ့အပြင် တပ်မတော်ထဲမှာ ပြောင်းလဲမှု တချို့ ရှိလာဖို့ ကျွန်တော်တို့ မျှော်လင့်နေတယ်။ ဘာကြောင့်လဲ ဆိုတော့ ဒီနေ့ အချိန်မျိုးမှာ တပ်မတော်ထဲမှာလည်း ယုံကြည်မှု ကောင်းကောင်း မရှိတော့ဘူး။ ဒီစစ်ဖက် အစိုးရနဲ့ ရေရှည်သွားဖို့ မဖြစ်နိုင်ဘူး ဆိုတာကို သဘောပေါက် နေကြပြီ။ ဒီနှစ်ထဲမှာပဲ အပြောင်းအလဲတွေ ရှိလာမယ်လို့ ထင်ပါတယ်။ ဒီမိုကရေစီ အတုအယောင်ကို ပုံဖော်ခဲ့တာရယ်။ စစ်တပ် ခေါင်းဆောင်ပိုင်းက အသက် သိပ်ကြီးလာတာရယ်။ တပ်မတော်သားတွေရဲ့ လူနေမှုအဆင့် ဆင်းရဲ နွမ်းပါးလာတာရယ် စတဲ့ အချက်တွေကြောင့်ပါ။ တကယ်လို့ ဒီအပြောင်းအလဲတွေ ဖြစ်လာမယ် ဆိုရင် စစ်တပ်က NLD လို နိုင်ငံရေး အဖွဲ့အစည်းတွေ အပေါ်မှာ ယုံကြည် အားထားလာမှာပါ။

မေး     - မြန်မာနိုင်ငံမှာ စစ်အုပ်ချုပ်ရေး ခေတ်သစ် တစ်ခုကို အစပျိုးဖို့ စီစဉ်နေတာကို တွေ့ရပါတယ်။ တိုင်းပြည်ရဲ့ ဒီမိုကရေစီ ပြောင်းလဲရေး မျှော်လင့်ချက်ကို ဆုံးရှုံးစေသူဟာ ဘယ်သူလဲ ဆိုတာကို ပြည်သူတွေကို ပြောပြနိုင်မလား။

ဖြေ     - ပြည်သူတွေဟာ အာဏာရှင် အုပ်ချုပ်ရေး စနစ်ကို စိတ်ကုန်နေပြီး အပြောင်းအလဲ တစ်ချို့ကို မျှော်လင့် နေကြတယ်။ ပြည်သူတွေရဲ့ စီးပွားရေး အခြေအနေက အရမ်းဆိုးနေပြီး၊ တစ်ရက်လုပ်၊ တစ်ရက်စား ဘဝတွေဟာ သိပ်ကို ခက်ခဲ ကြမ်းတမ်းနေပြီး၊ ဒီလို အခြေအနေမျိုးမှာ ဒီမိုကရေစီ ပြောင်းလဲမှု တချို့ကို သဘာဝ အလျောက် မျှော်လင့် ကြတာပေါ့။ တကယ်လို့ ဒေါ်အောင်ဆန်းစုကြည်နဲ့ NLD ပါတီသာ နိုင်ငံရေး လုပ်ငန်းစဉ်မှာ ပါဝင်နိုင်မယ့် လမ်းစ မရှိတော့ဘူး ဆိုရင် နိုင်ငံတကာ အသိုင်းအဝိုင်းရဲ့ ကြီးမားတဲ့ တုန့်ပြန်မှုတွေ ပေါ်ထွက်လာမယ်လို့ ကျွန်တော် ထင်ပါတယ်။ ဒါပေမယ့်လို့ နယ်ခြားစောင့်တပ် ဖွဲ့စည်းရေးလို ကိစ္စတွေ၊ နိုင်ငံတကာရဲ့ ဖိအားပေးမှု ကြီးမားလာတဲ့ ကိစ္စတွေကြောင့် တပ်မတော်ရဲ့ သဘောထား တင်းမာမှု ပိုကြီးလာပြီး ဒီမိုကရေစီ လွှတ်တော်ဆိုတဲ့ ပုံစံသစ် တစ်ခု အောက်မှာ တင်းတင်းကြပ်ကြပ် အုပ်ချုပ်ဦးမှာပါ။ ဒါ့ကြောင့် ပြည်သူတွေ အနေနဲ့ ဒီမိုကရေစီ ပြုပြင် ပြောင်းလဲမှုကို မကြာမီ အတွင်း မျှော်လင့်လို့ မရနိုင်သေးဘူးလို့ ကျွန်တော် ထင်ပါတယ်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

AFP/ news.yahoo.com, 30th March 2010

အဓိက အတိုက်အခံ ခေါင်းဆောင်များကို ထိထိရောက်ရောက် တားဆီး ပိတ်ပင်ထားသည့် ရွေးကောက်ပွဲများ ကျင်းပခြင်း မပြုနိုင်အောင် ဖိအားပေးရန် အတွက် မြန်မာ စစ်ဖက် အစိုးရ အပေါ် ပိုမို တင်းကြပ်သည့် အရေးယူ ပိတ်ဆို့မှုများ ပြုလုပ်ရန် နိုင်ငံရေး လောကမှ အမေရိကန် ဆီနိတ်တာ ကိုးဦးက တောင်းဆိုလိုက်သည်။

သမ္မတ အိုဘားမားထံ ပေးစာကို အင်္ဂါနေ့က ထုတ်ပြန်ခဲ့ရာတွင် မြန်မာ ရွေးကောက်ပွဲ ဥပဒေသည် ဒီမိုကရေစီ စနစ်ကို လှောင်ပြောင်မှု တစ်ခု ဖြစ်ကြောင်း ဆီနိတ်တာများက အစိုးရနှင့် သဘောထား တိုက်ဆိုင်ခဲ့သော်လည်း ပိုမို ထိရောက်သည့် တုန့်ပြန်မှုများ ဆောင်ရွက်ရန် တောင်းဆိုခဲ့ကြသည်။

မြန်မာ အစိုးရနှင့် စီးပွားရေး လုပ်ကိုင်နေသော နိုင်ငံခြား ဘဏ်များကို ပစ်မှတ်ထားရန်နှင့် စစ်ဖက်ခေါင်းဆောင်များနှင့် ဆက်နွယ်နေသည့် အမေရိကန် ဘဏ်စရင်းများကို အရေးယူနိုင်မည့် ဥပဒေ တစ်ခု ပြဋ္ဌာန်းရန် အမေရိကန် ဘဏ္ဍာရေး ဋ္ဌာနအား ထိပ်တန်း ရီပတ်ဘလီကန် အမတ် Mitch McConnell အပါအဝင် ဆီနိတ်တာများက တိုက်တွန်းထားသည်။

အထက်ပါ လုပ်ပိုင်ခွင့် အာဏာကို ကျင့်သုံးခြင်းသည် မြန်မာခေါင်းဆောင်များ ပုံစံ ပြောင်းလာအောင် ဖိအားပေးရာတွင် စိတ်တိုင်းကျ အသုံးပြုနိုင်သည့် အလွန် ထိရောက်သော လက်နက် သဖွယ် ဖြစ်လာမည် ဟု ယုံကြည်ကြောင်း ပေးစာတွင် ဖော်ပြထားကာ မြန်မာ၏ ကမ္ဘာသိ အမည်ဖြစ်သော Burma ကို သုံးနှုန်း ရေးသားသည်။

ထို့အပြင် ၎င်းတို့က မြန်မာနိုင်ငံဆိုင်ရာ အထူးကိုယ်စားလှယ် ခန့်အပ်ရန် အိုဘားမားကို တောင်းဆိုခဲ့ကြသည်။ အဆိုပါရာထူးကို ခန့်အပ်ရန် ဥပဒေ လိုအပ်သော်လည်း မြန်မာနိုင်ငံ ဆိုင်ရာ မူဝါဒကို နိုင်ငံခြားရေးဝန်ကြီး ဋ္ဌာန ထိပ်တန်း အရာရှိများက ဦးဆောင်နေသောကြောင့် အဆိုပါ နေရာမှာ လစ်လပ်နေသည်။

အမေရိကန် ပြည်ထောင်စု၏ ရန်ဘက်နိုင်ငံများနှင့် တွေ့ဆုံ ဆွေးနွေးရေး မူဝါဒကို စတင်ကျင့်သုံးခဲ့သော အိုဘားမား အစိုးရက မြန်မာ အစိုးရကို ပစ်ပယ်ထားရေး ယခင် မူဝါဒသည် အောင်မြင်မှု မရှိဟု သုံးသပ်ကာ မနှစ်က စတင်၍ မြန်မာ စစ်ဖက်အစိုးရနှင့် တွေ့ဆုံ ဆွေးနွေးခဲ့သည်။

စစ် အုပ်ချုပ်ရေး တရားဝင်အောင် ရည်ရွယ်ပြုလုပ်နေခြင်း ဖြစ်သည်ဟု အကဲခတ်များက ယုံကြည်ထားကြသော၊ ယခုနှစ်ကုန် အစိုးရက ကျင်းပပေးရန် စီစဉ်နေသော ရွေးကောက်ပွဲများသည် ၁၉၉၀ ခုနှစ်က အနိုင်ရဘူးသော အတိုက်အခံ ပါတီကို ပါဝင်ခွင့် ပြုထားခြင်း မရှိပါ။

အကျယ်ချုပ် ထိန်းသိမ်းခံနေရသော နိုဗယ်ဆုရှင် ပါတီ ခေါင်းဆောင် ဒေါ်အောင်ဆန်းစုကြည်ကို ပါတီမှ ထုတ်ပယ်ရန် ဖိအားပေးခံရခြင်း ထက်စာလျှင် ရွေးကောက်ပွဲ ကိုသာ သပိတ်မှောက်မည်ဟု အဓိက အတိုက်အခံ ပါတီ NLD က ဆုံးဖြတ်ခဲ့သည်။

ဆီနိတ်တာ McConnell အပြင် ၂၀၀၈ သမ္မတ ရွေးပွဲဝင် John McCain အပါအဝင် ထိပ်တန်း ရီပတ်ဘလစ်ကန် အမတ်များ ဖြစ်သော Sam Brownback၊ Susan Collins နှင့် Judd Gregg တို့က သမ္မတ ထံပေးစာကို လက်မှတ် ရေးထိုးခဲ့ကြသည်။

ထို့အပြင် ဒီမိုကရက်တစ် အမတ်များ ဖြစ်သော Barbara Boxer၊ Russ Feingold၊ Dianne Feinstein တသီးပုဂ္ဂလ အမတ် Joe Lieberman တို့ကလည်း ပါဝင် လက်မှတ် ရေးထိုးခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

AFP/ Straitstimes.com, 31st March 2010

အိန္ဒိယ အန်ဒမန် ကျွန်းစု၏ မြောက်ဖက် မြန်မာနိုင်ငံ ကမ်းလွန်တွင် အင်အား ၆.၄ မဂ္ဂနီကျူ ရှိသော ပြင်းထန်သည့် ငလျင် တစ်ခု လှုပ်သွားကြောင်း အမေရိကန် ဘူမိဗေဒ တိုင်းတာရေး ဋ္ဌာန USGS က အင်္ဂါနေ့တွင် ပြောကြားသည်။

အန္တာရာယ် ရှိသော ဆူနာမီ လှိုင်းများ မရှိဟု စောင့်ကြည့် လေ့လာရေး ဋ္ဌာနက ဆိုပါသည်။ ငလျင်၏ ဗဟိုချက်မှာ အန်ဒမန်ကျွန်း ပို့ဘလဲ ဆိပ်ကမ်း၏ မြောက်ဖက် ၂၁၇ ကီလိုမီတာ အကွာ၊ ၄၅.၄ ကီလိုမီတာ အနက်တွင် ဖြစ်သည်ဟု USGS က သတ်မှတ်သည်။

အဆိုပါ ငလျင် ဗဟိုချက်သည် ပုသိမ်မြို့ အနောက်တောင်ဖက် ၄၀၆ ကီလိုမီတာ ကွာဝေးပြီး၊ ရန်ကုန်မြို့တော်မှ အနောက်တောင်ဖက် ကီလိုမီတာ ၅၀၀ ကွာဝေးသည်ဟု သိရသည်။

အစိုးရ ဋ္ဌာနများသို့ ပစိဖိတ် ဆူနာမီ သတိပေး စင်တာမှ ပေးပို့သော အကြောင်းကြားလွှာတွင် ငလျင်ကြောင့် အန္တရာယ် ရှိသော ဆူနာမီလှိုင်းများ  ဖြစ်ပေါ်ခြင်း မရှိဟု ဖော်ပြထားသည်။

"အခြေအနေက ပုံမှန်ပါပဲ၊ ဆူနာမီ သတိပေးချက် ထုတ်ပြန်တƞ