Transparency Myanmar

transparency.myanmar@gmail.com

The Jakarta Posts, By Yovo Yokota, 6th July 2010

မြန်မာနိုင်ငံ ဆိုင်ရာ ကုလသမဂ္ဂ လူ့အခွင့်အရေး အထူး အရာရှိ Tomas  Ojenaa Quintana က မြန်မာစစ်ဖက် အစိုးရသည် လူသားမျိုးနွယ် အပေါ် စစ်ရာဇဝတ်မှုများနှင့် ရာဇဝတ်မှုများ ကျူးလွန်နေဖွယ် ရှိသောကြောင့်  အဆိုပါ နိုင်ငံတကာ ရာဇဝတ်မှုများကို စုံစမ်း စစ်ဆေးသင့်ကြောင်း ကုလသမဂ္ဂထံ ယခင်လက တင်ပြခဲ့သည်။ ဤအချက်ကို မိမိ သဘောတူသည်။

မြန်မာနိုင်ငံမှ လူသားခြင်း စာနာမှု မရှိသော လူ့အခွင့်အရေး ညှဉ်းပန်း နှိပ်စက်မှု ပြဿနာများကို လွန်ခဲ့သော ၃ နှစ် အတွင်း ကမ္ဘာက သတိထားမိလာသည့် အနေအထားမျိုး ယခင်က မရှိခဲူးပါ။ ယခုအချိန်တွင် ကမ္ဘာကို မှတ်ဥာဏ်နည်းလိမ့်မည် ဟု မျှော်လင့်နေသော မြန်မာနိုင်ငံမှ စစ်အာဏာရှင် ဗိုလ်ချုပ်မှူးကြီး သန်းရွှေက အာဏာရှင် အုပ်ချုပ်ရေးကို ဥပဒေအရ တရားဝင်မှု အရောင်တင်ရန် ယခုနှစ် အတွင်း ရွေးကောက်ပွဲများ ကျင်းပရန် စီစဉ်လျက် ရှိသည်။

၂၀၀၇ စက်တင်ဘာလ အတွင်း ဗုဒ္ဓဘာသာ သံဃာတော်များ ဦးဆောင်ခဲ့သည့် ရဲရင့် ပြောင်မြောက်သော ဆန္ဒပြမှုများနှင့် ဂျပန် သတင်းထောက် ကင်ဂျီနာကိုင်း အသတ်ခံရမှု အပါအဝင် မြန်မာ အစိုးရ၏ တုန်လှုပ်ဖွယ် နှိမ်နှင်းဖြိုခွဲမှုတို့က မြန်မာအစိုးရ၏ ရက်စက် ကြမ်းကြုတ်မှုကို ယခင်ကထက် ပို၍ ထင်ရှားစွာ ထင်ဟပ် ဖော်ထုတ်ခဲ့သည်။

ထို့နောက် ၈ လအကြာ နိုင်ငံအတွင်း နာဂစ်စ် ဆိုက်ကလုံး ဖြတ်သန်း မွှေနှောက်မှုကြောင့် ကြီးမားသော အသက် ဆုံးရှုံးမှုများ၊ ပျက်စီး ဆုံးရှုံးမှုများ ဖြစ်ပေါ်ခဲ့ချိန်တွင် မြန်မာအစိုးရက နိုင်ငံတကာ ကယ်ဆယ်ရေး ဝန်ထမ်းများကို ကနဦး ငြင်းပယ်ခဲ့ခြင်းသည် ၎င်းတို့၏ လူမဆန်မှုကို ထင်ရှားစေခဲ့သည်။

တိုင်းရင်းသား ဒေသများ အထူးသဖြင့် နိုင်ငံ အရှေ့ပိုင်းတွင် အရပ်သားများ အပေါ် စစ်ရေးအရ တိုက်ခိုက်မှုများ ဆက်လက် ကျူးလွန်နေခြင်း၊ ထင်ရှားသော တိုင်းရင်းသား ခေါင်းဆောင်တစ်ဦးကို လုပ်ကြံ သတ်ဖြတ်မှု အပါအဝင် အခြား အသက်ပေါင်း များစွာကို ကြံစည်ခြင်း၊ ချင်းပြည်နယ်မှ အစာငတ်မွတ်မှု ကပ်ဘေးကို စာနာစိတ် ကင်းမဲ့စွာ လစ်လျူရှုခြင်း စသော ကိစ္စများ အားလုံးသည် မြန်မာအစိုးရ၏ တိုင်းရင်းသား သန့်စင်ရေး (သုတ်သင်ရေး) အစီအစဉ်ကို နောက်တစ်ကြိမ် ဖော်ထုတ်လာခြင်း ဖြစ်သည်။

မြန်မာအစိုးရ ယခုနှစ်အတွင်း ရွေးကောက်ပွဲများ ကျင်းပရန် ပြင်ဆင်နေရာ၊ နိုင်ငံတကာ အသိုင်းအဝိုင်း အနေဖြင့် လွန်ခဲ့သည့် ၃ နှစ်က နောက်ခံဖြစ်ရပ်များကို မမေ့မလျော့သင့်ပါ၊ Harvard Law School က "မြန်မာနိုင်ငံမှ ရာဇဝတ်မှုများ'' အမည်ရှိ အစီရင်ခံစာကို ယခင်နှစ်က ထုတ်ပြန်ခဲ့သည်။

တရားသူကြီး Patricia World (အမေရိကန်)၊ Hon Ganzorig Gombosuren (မွန်ဂိုလီးယား)၊ Sir Geoffrey vice QC (ယူကေနိုင်ငံ) ၊ တရားသူကြီး  Richard GoldStone (တောင်အာဖရိက) နှင့် တရားသူကြီး Pedro Nikken (ဗင်နီဇွဲလား) တို့ အပါအဝင် ကမ္ဘာကျော် တရားသူကြီး အချို့၏ တာဝန်ပေးမှုဖြင့် ထုတ်ပြန်ခဲ့သော အစီရင်ခံစာတွင် "မြန်မာအစိုးရ၏ လူ့အခွင့်အရေး ချိုးဖောက်မှု များသည် လူသားမျိုးနွယ် အပေါ် ကျူးလွန်သော စစ်ရာဇဝတ်မှုများ၊ ရာဇဝတ်မှုများနှင့် အကျုံးဝင် နေသောကြောင့် ကုလသမဂ္ဂ လူ့အခွင့်အရေး ဆိုင်ရာ အထူးအရာရှိဟောင်း တစ်ဦး ဖြစ်သော မိမိ အနေဖြင့် ဤအချက်ကို သဘောတူ ထောက်ခံသည်။

မြန်မာနိုင်ငံ လူ့အခွင့်အရေး ဆိုင်ရာ ကုလသမဂ္ဂ အထူးအရာရှိ အဖြစ် မိမိတာဝန် ထမ်းဆောင်ခဲ့စဉ် ကာလအတွင်း အဓမ္မခိုင်းစေမှု၊ ကလေးသူငယ် စစ်သား အတင်းအကျပ် စုဆောင်းမှုများနှင့် ပတ်သက်၍ ငြင်းမရနိုင်သော အထောက်အထားများ လက်ခံရရှိခဲ့ပြီး စစ်ပွဲလက်နက် တစ်ခုသဖွယ် ဖြစ်နေသော နှိပ်စက် ညှဉ်းပန်းမှု၊ မုဒိန်းမှုများမှာ မြန်မာနိုင်ငံတွင် ကျယ်ကျယ်ပြန့်ပြန့် စနစ်တကျ ကျူးလွန်နေသည်။ ထိုအချိန်မှ စ၍ သက်သေ အထောက်အထားများ ကြီးထွား ခိုင်မာလာခဲ့သည်။ ၁၉၉၆ နောက်ပိုင်း မြန်မာနိုင်ငံ အရှေ့ပိုင်းတွင် ကျေးရွာပေါင်း ၃၅၀၀ ခန့် ဖျက်ဆီးခြင်း ခံရသည်ဟု ထိုင်း-မြန်မာ နယ်စပ် ကုန်သည်များ အသင်းက အခိုင်အမာ ပြောကြားခဲ့သည်။ ရွာသားများကို လူသား မိုင်းရှင်း ကိရိယာများ အဖြစ် အသုံးပြုကာ မိုင်းတွင်းများကို အတင်းဖြတ်သန်း လမ်းလျှောက်စေခြင်းဖြင့် စစ်တပ်အတွက် လမ်းရှင်းစေခဲ့သောကြောင့် မကြာခဏ ဆိုသလို ခြေ၊ လက်များ ဆုံးရှုံးကြပြီး တစ်ခါတစ်ရံ အသက် ဆုံးရှုံးမှုများ ဖြစ်ပွားခဲ့သည်ဟု သိရှိရသည်။

အကျဉ်းထောင်များသို့ မိမိ သွားရောက် လေ့လာခဲ့စဉ် ရက်စက်စွာ နှိပ်စက် ညှဉ်းပန်းမှုများနှင့် ပတ်သက်သည့် သက်သေ ထွက်ချက်များစွာ ကြားသိခဲ့ရသည်။ ယခုအချိန်တွင် နိုင်ငံရေး အကျဉ်းသား ၂၁၀၀ ကျော်ကို မြန်မာ အကျဉ်းထောင်များတွင် ဖမ်းဆီးထားသည်ဟု ယုံကြည်ရပြီး ငြိမ်းချမ်းရေး နိုဘယ်ဆုရှင်၊ ဒီမိုကရေစီ လိုလားသော လူထုခေါင်းဆောင် ဒေါ်အောင်ဆန်းစုကြည်မှာလည်း နေအိမ်တွင် အကျယ်ချုပ် ဖမ်းဆီးထားခြင်း ခံနေရဆဲ ဖြစ်သည်။ သူမသည် လွန်ခဲ့သော နှစ်၂၀ အတွင်း ၁၄ နှစ်ကျော် ထိန်းသိမ်းခံနေရသူ ဖြစ်သည်။

မြန်မာနိုင်ငံတွင် ဘာသာရေး ဖိနှိပ် ချုပ်ချယ်မှုများလည်း ကျယ်ပြန့်စွာ ဖြစ်ပွားနေသည်။ မြန်မာအစိုးရသည် မြန်မာ မဟုတ်သော တိုင်းရင်းသား လူမျိုးများနှင့် ဗုဒ္ဓဘာသာ မဟုတ်သော လူမျိုးကွဲများကို သဘောထားကြီးစွာ သည်းခံခြင်း မရှိပါ။ အဓိကအားဖြင့် ချင်းနှင့် ကချင် ခရစ်ယာန်များ၊ ကရင်နှင့် ကရင်နီ ခရစ်ယာန်များသည် ဘုရားရှိခိုးကျောင်းနှင့် လက်ဝါးကပ်တိုင်များ ဖျက်ဆီးခံရခြင်း အပါအဝင် ခွဲခြား ဆက်ဆံခံရခြင်း၊ ဖိနှိပ် ချုပ်ချယ်ခံရခြင်း၊ မတရား ဆက်ဆံခံရခြင်း စသည့် အခြေအနေများကို ရင်ဆိုင်နေရသည်။ ခရစ်ယာန်များအား သေနတ်ဖြင့် တေ့၍ လက်ဝါးကပ်တိုင်များ ဖြုတ်ချခိုင်းပြီး ထိုနေရာများတွင် စေတီပုထိုးများ တည်လေ့ ရှိသည်။ အလားတူ မတရား ဖိနှိပ်မှုများနှင့် ရင်ဆိုင်နေရသည့် မွတ်ဆလင် ရိုဟင်ဂျာများမှာ မြောက်ပိုင်း ရခိုင်ပြည်နယ်တွင် မျိုးဆက်ပေါင်းများစွာ နေထိုင်ခဲ့ကြသော်လည်း  တရားဝင်နိုင်ငံသား အဖြစ် အသိအမှတ် ပြုခြင်း မခံကြရပါ။ အကျိုးဆက်အားဖြင့် ခရီးသွားခွင့်၊ လက်ထပ် ထိမ်းမြားခွင့်တို့ အပေါ် လက်သင့် မခံနိုင်လောက်သော တင်းကျပ် ချုပ်ချယ်မှုများနှင့် ရင်ဆိုင်နေကြရပြီး၊ အဆိုးဆုံးမှာ ပညာရေးနှင့် ကျန်းမာရေး စောင့်ရှောက်မှု အစီအစဉ်များ လုံးဝ မရခြင်းပင် ဖြစ်သည်။

ကုလသမဂ္ဂသည် အထက်ပါ ရာဇဝတ်မှုများနှင့် ပတ်သက်၍ နှစ်ပေါင်းများစွာ အထောက်အထား စုဆောင်းခဲ့သည်။ မိမိကဲ့သို့ပင် ကုလသမဂ္ဂ အထူးအရာရှိဟောင်း တစ်ဦးဖြစ်သူ  Rajsoomah Lallah  ကလည်း "အဆိုပါ နှိပ်စက် ညှဉ်းပန်းမှုများသည် ထိပ်ဆုံးအဆင့် အာဏာပိုင်တို့၏ မူဝါဒ အကျိုးဆက်များ ဖြစ်ပြီး နိုင်ငံရေးအရ၊ ဥပဒေကြောင်းအရ တာဝန်ယူမှုများ လိ်ုအပ်နေသည်'' ဟု ၁၉၉၆ ခုနှစ် ခန့်ကပင် သုံးသပ်ခဲ့သည်။ လတ်တလော အထွေထွေ ညီလာခံ ဆုံးဖြတ်ချက်တွင် "နိုင်ငံတကာ လူ့အခွင့်အရေးနှင့် လူသားချင်း စာနာရေး ဥပဒေအား ချိုးဖောက်နေမှုများကို အဆုံးသတ်ရန်'' မြန်မာအစိုးရကို တိုက်တွန်းထားသည်။ အစုလိုက် အပြုံလိုက် သတ်ဖြတ်မှု အန္တရာယ် ညွှန်းကိန်းပြ ဇယားတွင် မြန်မာနိုင်ငံသည် ဆူဒန်နှင့် အတူ "အနီရောင် သတိပေးအဆင့်'' ထပ်ဆုံး နှစ်နိုင်ငံတွင် ပါဝင်နေခြင်းကြောင့် ကုလသမဂ္ဂက အစုလိုက်အပြုံလိုက် သတ်ဖြတ်မှု အတွက် စောင့်ကြည့်ရမည့် စာရင်းတွင် မြန်မာနိုင်ငံကို ထည့်သွင်းထားသည်။

အလားတူ အကဲဖြတ်မှုများကို NGO အဖွဲ့အစည်းများကလည်း ပြုလုပ်ခဲ့ကြသည်။ နိုင်ငံအရှေ့ပိုင်မှ လူ့အခွင့်အရေး ချိုးဖောက်မှုများကို လူသား မျိုးနွယ်အပေါ် ရာဇဝတ်မှု ကျူးလွန်ခြင်း အဖြစ် Amnesty International က သုံးသပ် ဆွေးနွေးခဲ့သလို Minority Rights Group ကလည်း မြန်မာနိုင်ငံအား ပြည်တွင်း တိုင်းရင်းသားများ ခြိမ်းခြောက်ခံနေရသည့် "ထိပ်ဆုံး ငါးနိုင်ငံ စာရင်းဝင်'' အဖြစ် သတ်မှတ်ခဲ့သည်။ Fressdom House ကလည်း မြန်မာနိုင်ငံကို "အဆိုးတကာ့ အဆိုးဝါးဆုံး'' ဟု သုံးသပ် တင်ပြခဲ့သည်။

Human Rights Watch နှင့် International Center for Transitional Justice အဖွဲ့များကလည်း အလားတူ သုံးသပ်ချက်များ ပေးခဲ့သည်။ ရွေးကောက်ပွဲများ နီးကပ်လာသည်နှင့် အမျှ ဗိုလ်ချုပ်မှူးကြီး သန်းရွှေက ၎င်း၏ အုပ်ချုပ်မှုကို ဆန့်ကျင်နေသည့် တိုင်းရင်းသား တော်လှန်မှုများကို အဆုံးသတ်ပစ်ရန် ကြိုးစားနေပေရာ များပြားလာသော လူသားမျိုးနွယ် အပေါ် ကျူးလွန်သော ရာဇဝတ်မှုများသည် အလွန်အကျွံ ပြန့်နှံ့ နေခဲ့ပြီး ဖြစ်သည်။ ယခု အချိန်သည် နောက်ထပ် အသက်ပေါင်း များစွာ ထက်မံ မဆုံးရှုံးခင် ပူးပေါင်း ညီညွတ်သော နိုင်ငံတကာ လှုပ်ရှားမှုများဖြင့် တားဆီးရမည့် အချိန် ဖြစ်သည်။

အပြစ် မပေးသော ရာဇဝတ်မှုများ မြန်မာနိုင်ငံတွင်များစွာ ပြန့်နှံ့ နေပြီး ၎င်းရာဇဝတ်မှုများ အဆုံးသတ်သွားအောင် လုပ်ဆောင်သည့် ဆောင်ရွက်ချက်များ လုံးဝ မရှိပါ။ ထိုအချက်များကြောင့် လက်ရှိ အထူး အရာရှိ၏ အကြံပြုချက်များကို တုန့်ပြန်ရန်၊ စုံစမ်းရေး ကော်မရှင် ဖွဲ့စည်းရန်၊ လူသားမျိုးနွယ်  အပေါ် ကျူးလွန်သော စစ်ရာဇဝတ်မှုနှင့် ရာဇဝတ်မှုများကို စုံစမ်းစစ်ဆေး၍ အရေးယူရန် အတွက် ကုလသမဂ္ဂတွင် တာဝန်ရှိသည်ဟု မိမိတို့ ယုံကြည်သည်။ ကုလ လုံခြုံရေး ကောင်စီအနေဖြင့်လည်း မြန်မာအစိုးရ အပေါ် နိုင်ငံတကာ လက်နက် ကုန်သွယ်မှု တားမြစ်ချက် ချမှတ်သင့်သည်။ မြန်မာအစိုးရသည် အထက်ပါ ရာဇဝတ်မှုများနှင့် အတူ လွတ်မြောက်ခွင့် ရနေသည်မှာ အချိန်များစွာ ကြာမြင့်ခဲ့ပြီ ဖြစ်သည်။ ရာဇဝတ်မှု ကျူးလွန် လွတ်မြောက်နေသော အခြေအနေမျိုးကို ဆက်လက် ခွင့်မပြုသင့်တော့ပါဟု ဆွေးနွေး တင်ပြလိုက်ရပါသည်။

(ဆောင်းပါးရှင်သည် မြန်မာနိုင်ငံ လူ့အခွင့်အရေး ဆိုင်ရာ ကုလသမဂ္ဂအထူး အရာရှိ (၁၉၉၂-၁၉၉၆) နှင့် လူ့အခွင့်အရေး မြှင့်တင်ရေးနှင့် ကာကွယ်ရေး ဆိုင်ရာ ကုလသမဂ္ဂ ဆပ်ကော်မတီ အဖွဲ့ဝင် (၂၀၀၀-၂၀၀၉) အဖြစ် တာဝန် ထမ်းဆောင်ခဲ့သူ ဖြစ်သည်။ )

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ISN Security Watch, By Frank O' Donnell and Graham Ong, 7th July 2010

မြောက်ကိုရီးယား၏ ပုံမမှန်သော အစီအစဉ်များ ဆက်လက် လုပ်ဆောင်နေမှု တစ်စိတ်တစ်ပိုင်း အဖြစ် မြန်မာနိုင်ငံ၏ နျူကလီယာ လက်နက် အစီအစဉ် အပေါ် ပြုံးယမ်း၏ သံသယရှိဖွယ် ကူညီနေမှုနှင့် ပတ်သက်သည့် သတင်း အချက်အလက်သစ်များ ထွက်ပေါ်လာခဲ့သည်။

မြန်မာနိုင်ငံ၏ "အလားအလာများ နျူကလီယာ ရည်မှန်းချက်များ" နှင့် ပြုံးယမ်းက သံသယဖြစ်ဖွယ် ပတ်သက် ရှုပ်ထွေးနေခြင်းမှာ အသစ်အဆန်းတစ်ခု မဟုတ်ပါ။ ၂၀၀၉ ခုနှစ်၊ နှစ်ကုန်တွင် ထုတ်ဝေသော မဟာဗျူဟာမြောက် အစီရင်ခံစာက မြန်မာနိုင်ငံ၏ အရပ်ဖက်သုံး နျူကလီယာ ဓာတ်ပေါင်းဖို ပိုင်ဆိုင်ရေး ရည်မှန်းချက်တွင် စစ်ဖက်ဆိုင်ရာ အသုံးပြုမှု တစ်စုံတစ်ရာ ရှိ/မရှိကို ဆုံးဖြတ်ရန် ကြိုးပမ်းထားသည်။

၂၀၀၂ ခုနှစ်က စ၍ ရုရှား အကူအညီဖြင့် တည်ဆောက်ရန် ကြိုးစားနေသော ၁၀ မဂ္ဂါဝပ် ရေချက် နည်းပညာသုံး ဓာတ်ပေါင်းဖိုသည် အခြေခံ နျူကလီယာ လက်နက် ထုတ်လုပ်ရန် အတွက် လက်နက်သုံး ပလူတိုနီယံ လုံလောက်စွာ ထုတ်လုပ်ပေးနိုင်ဖွယ် မရှိကြောင်း အစီရင်ခံစာ၏ အဓိက တွေ့ရှိချက်များတွင် ဖော်ပြထားသည်။ သို့သော်လည်း မြန်မာနိုင်ငံမှ ကြောက်ရွံ့နေသော စစ်ဖက် အစိုးရသည် အဘယ်ကြောင့် နျူကလီယာ လက်နက်နိုင်ငံ ဖြစ်ရန် ဆန္ဒ ရှိနေသနည်း ဆိုသော အကြောင်းရင်းကိုမူ ဖယ်ထုတ်နိုင်ခြင်း မရှိပါ။

နိုင်ငံတကာ၏ အတည်ပြုမှုကို မရရှိသော်လည်း မြန်မာနိုင်ငံကို ကူညီရန် ရုရှားက ကမ်းလှမ်းခဲ့ခြင်းမှာ စီးပွားရေး အကျိုးအမြတ်များ ရရှိရန် အဓိက ရည်ရွယ်ခဲ့ခြင်း ဖြစ်သောကြောင့် ၎င်းကိစ္စနှင့် ပတ်သက်၍ အန္တရာယ်မရှိဟု ယူဆနိုင်သည်။ ထို့အပြင် ရုရှားတို့နှင့် ဆက်ဆံရေးမှာလည်း ရင်းနှီးသည့် လက္ခဏာ မရှိပါ။ မော်စကိုအား ငွေမာပေးချေရန် မြန်မာနိုင်ငံတွင် အခက်အခဲ ရှိနေပြီး၊ မြန်မာတို့၏ ကျွန်း၊ ဆန်၊ ရာဘာတို့နှင့် လဲလှယ်သည့် အစီအစဉ်ကိုလည်း ရုရှားက ငြင်းဆန်ခဲ့သည်။

ဤသည်မှာ မြောက်ကိုရီးယားတို့ ဝင်ရောက်လာရသည့် အကြောင်းရင်း ဖြစ်နိုင်သည်။ မြန်မာနိုင်ငံကို ပြုံယမ်းက ကူညီလိုခြင်းမှာ အကြောင်းရင်း ၃ ချက်ရှိသည်။ ပထမအချက်မှာ မြောက်ကိုရီးယားသည် ၎င်း၏ နျူကလီယာ လက်နက်နှင့် ဒုံးကျည် စွမ်းရည်များကို အစိုးရ၏ ဝင်ငွေရင်းမြစ် အဖြစ် ဆောင်ရွက်ခဲ့ခြင်း ဖြစ်သည်။ ဒုတိယအချက်မှာ အခြေခံ သယံဇာတများ မပြည့်စုံ ချို့တဲ့မှုကြောင့် လဲလှယ်ဖလှယ်ရန် ဆန္ဒရှိခြင်း ဖြစ်သည်။ တတိယအချက်မှာ ပြုံယမ်းက ၎င်းအတွက် အရံမဟာဗျူဟာမြောက် မဟာမိတ် ရှာဖွေလိုခြင်း ဖြစ်သည်။

ပြုံယမ်းသည် A Q Khan နျူကလီယာ ပြန့်ပွားရေး ကွန်ရက်တွင် ပါဝင်ခြင်းဖြင့် နိုင်ငံတကာ အဆက်အသွယ်များသို့ နျူကလီယာနှင့် ဒုံးကျည် ဗဟုသုတများကို လျှို့ဝှက် ပေးပို့နိုင်ပြီး၊ အကျိုးအမြတ်လည်း ရရှိသည်။ ဥပမာအားဖြင့် ပါကစ္စတန်က မြောက်ကိုရီးယား၏ ပူးပေါင်း ပါဝင်မှုဖြင့် ထုတ်လုပ်သော ၁၅၀၀ ကီလိုမီတာပစ် Ghauric ဒုံးကျည်သည် ဒီဇိုင်းအားဖြင့် မြောက်ကိုရီးယား၏ Nodong ဒုံးကျည်နှင့် သိသိသာသာကြီး ဆင်တူသည်။

A Q Khan ကွန်ရက်ကို ၂၀၀၃ ခုနှစ်တွင် စတင်ခဲ့သည်။ ယခုအခါ အချို့နိုင်ငံများသည် A Q Khan ကွန်ရက် လှုပ်ရှားမှုများတွင် ဆက်လက်ပါဝင်မှု မရှိကြတော့ပါ။ သို့သော် A Q Khan ကွန်ရက် လက်ကျန် အဖွဲ့ဝင်များသည် သီးသန့် လွတ်လပ်စွာ လှုပ်ရှားနေခြင်းလား (သို့မဟုတ်) အဖွဲ့အနေနှင့်လား ဟူ၍မူ ရှင်းလင်းစွာ မသိရှိနိုင်ပေ။

သို့သော် ထင်ရှားသည့် အချက်မှာ ပြုံးယမ်းသည် နျူကလီယာ ပြန့်ပွားရေး ကွင်းဆက် ပြတ်မသွားအောင် တက်ကြွစွာ ကြိုးစားလျက် ရှိသည် ဆိုသည့် အချက်ဖြစ်သည်။ ပြုံးယမ်းသည် "Office 99" အမည်ရှိ စုစည်း ညှိနှိုင်းရေး အေဂျင်စီကို တည်ထောင်ပြီး အီရန်နှင့် ဒုံးကျည် နည်းပညာ ရောင်းဝယ်ရေးကို စီမံခန့်ခွဲသည်။ မြောက်ကိုရီးယားသည် ၂၀၀၇ ခုနှစ်က အစ္စရေးတို့ ဖျက်ဆီးခဲ့သော ဆီးရီးယား၏ Theal-Kibar လျှို့ဝှက် နျူကလီယာ ဓာတ်ပေါင်းဖို ဆောက်လုပ်ရာတွင် အနီးကပ် အကူအညီ ပေးခဲ့သည်။ အဆိုပါ ဖြစ်စဉ်များသည် A Q Khan နျူကလီယာ ပြန့်ပွားရေး ကွင်းဆက် ပြန်လည် ဖွဲ့စည်းရာတွင် ပြုံးယမ်း၏ အဓိက နေရာမှ လှုပ်ရှားနေမှုအား ညွှန်ပြနေခြင်းပင် ဖြစ်သည်။

အဓိက အန္တရာယ်မှာ မြောက်ကိုရီးယားသည် မြန်မာနိုင်ငံကို ရုရှား လုပ်မပေးနိုင်သော ကိစ္စကို လိုလိုလားလား ဖြည့်ဆည်းပေးလိုမှုပင် ဖြစ်သည်။ နည်းပညာ၊ သယံဇာတများနှင့် ကျွမ်းကျင်မှုများ ပေးခြင်းဖြင့် မြန်မာအစိုးရကို 25 MWE ထုတ်လုပ်နိုင်သော Yongbyon ဓာတ်ပေါင်းဖိုနှင့် ထူပြီး ပို၍ကြီးသော ဓာတ်ပေါင်းဖို ဆောက်လုပ်နိုင်မည် ဖြစ်သည်။ Yongbyon ဓာတ်ပေါင်းဖိုသည် မြောက်ကိုရီးယား နျူကလီယာ လက်နက် အစီအစဉ်၏ အဓိက ဖြစ်သည်။

ယခု တွေ့ရှိထားသော မြောက်ကိုရီးယားနှင့် မြန်မာနိုင်ငံကြား ဆက်သွယ်မှုများကို အလေးအနက် ထားသင့်သည်။ ထောက်လှမ်းရေး အေဂျင်စီများအနေနှင့် ဝီရိယ ရှိရမည်ဖြစ်ပြီး၊ တရားမဝင် နျူကလီယာ ပြန့်ပွားရေး အဆက်အသွယ်များ ရပ်ဆိုင်းရေး အတွက် ပြုလုပ်ကြရမည် ဖြစ်သည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

DVB News,6th July 2010

ရှမ်းပြည်နယ်တွင် ခဲသတ္တု တူးဖော်ရန် ကန်ထရိုက် စာချုပ်ကို ကုမ္ပဏီ တစ်ခုမက လက်မှတ် ရေးထိုးကြခြင်းဖြင့် မြန်မာ့ အမြတ်အစွန်းရ နယ်ပယ်၏ ပုဂ္ဂလိကပိုင် ပြုလုပ်မှုကို နောက်တစ်ဆင့် တိုးလိုက်ပြီး မြန်မာ့စီးပွားရေး နယ်ပယ်တွင် ပြန့်နှံ့နေသော လမ်းကြောင်း ပုံစံကို ထိန်းသိမ်းလျက် ရှိသည်။

မြန်မာ့ စီးပွားရေး လောကကို အစုလိုက် အပြုံလိုက် ပြင်ဆင် ပြောင်းလဲမှုကို ပြုလုပ်နေဆဲ ဖြစ်ရာ နိုင်ငံပိုင် လုပ်ငန်းများကို ပုဂ္ဂလိက ကုမ္ပဏီများသို့ တန်းစီ ရောင်းချခြင်း၊ အပယ်ခံ နိုင်ငံအတွင်း နိုင်ငံခြား ရင်းနှီးမြှုပ်နှံမှုများ မြင့်တက်လာခြင်းတို့၏ နောက်ဆက်တွဲအဖြစ် အစိုးရ သတ္တုတွင်း ဝန်ကြီးဋ္ဌာနနှင့် Top Ten Manufacturing Co Ltd တို့အကြား သဘောတူညီမှုကို New Light of Myanmar သတင်းစာတွင် ယနေ့ ကြေညာခဲ့သည်။

ယခုနှစ် အစပိုင်းတွင် DELCO နှင့် ငွေခြသေ့င်္ ကုမ္ပဏီများက သံဖြူ၊ တန်စတင်၊ ဂရက်နိုက် တူးဖော်ရေး ဆိုင်ရာ အမြတ်အစွန်း ခွဲဝေရေး ကန်ထရိုက် စာချုပ်များကို လက်မှတ် ရေးထိုးခဲ့ကြပြီးနောက် ယခု Top Ten Stars ၏ ရင်းနှီးမြှုပ်နှံမှု ပေါ်ထွက်လာခြင်း ဖြစ်သည်။ အဆိုပါ စီမံကိန်းကို မြန်မာ အစိုးရ၏ နိုင်ငံပိုင် သတ္တုတွင်း လုပ်ငန်း ၂ နှင့် ၃ တို့နှင့် ဖက်စပ် ရှယ်ယာ ထည့်ဝင်ကြမည် ဖြစ်သည်။

အမေရိကန်၏ ပိတ်ဆို့မှု စာရင်းဝင် အေရှားဝေါလ် ကုမ္ပဏီက ကချင်ပြည်နယ်ရှိ သတ္တုတွင်း များစွာကို လုပ်ကိုင်နေသလို၊ ယခင်လက ချုပ်ဆိုခဲ့သော အငြင်းပွားဖွယ် သဘော တူညီချက်အရ တရုတ်လက်နက် ကုမ္ပဏီကြီး Norinco ကလည်း စစ်ကိုင်းတိုင်းမှ အမြတ်အစွန်း များသော မုံရွာ ကြေးနီတွင်းကို တူးဖော်မည် ဖြစ်သည်။

မြန်မာအစိုးရ အတွက် ဝင်ငွေ ကြီးမားသော ရင်းမြစ် တစ်ခု ဖြစ်သည့် သတ္တုတွင်း လုပ်ငန်းသည် ယခင်နှစ် အတွင်း ပုဂ္ဂလိကပိုင် ပြုလုပ်မှုများကြောင့် အားကောင်းလာခဲ့ပြီး စစ်ဖက် အုပ်ချုပ်သူများနှင့် နီးစပ်သည့် မြန်မာ ကုမ္ပဏီများ၊ အပါအဝင် တရုတ်၊ အိန္ဒိယ၊ ထိုင်းကုမ္ပဏီများကို ဦးစားပေးခဲ့သည့် လက္ခဏာ ရှိသည်။

၁၉၈၈ တွင် အဆိုပါ ကဏ္ဍ၌ နိုင်ငံခြား ရင်းနှီးမြှုပ်နှံမှုများကို ပထမဆုံး တံခါးဖွင့်ပေးခဲ့ရာ၌ နိုင်ငံတွင်း စုစုပေါင်း နိုင်ငံခြား ရင်းနှီးမြှုပ်နှံမှု၏ ၈ % နှင့် ညီမျှသော အမေရိကန် ဒေါ်လာ ၁.၃ ဘီလီယံ ခန့်ကို ပင်လယ်ရပ်ခြား ကုမ္ပဏီများက ထည့်ဝင် လုပ်ကိုင်ခဲ့ကြသည်။ အမေရိကန်နှင့် အီးယူ ပိတ်ဆို့မှုများက မြန်မာ့ သတ္တုတွင်း ကဏ္ဍကို ပစ်မှတ် ထားနေသည့်ကြားမှ ထိုသို့ ဖြစ်ပေါ်ခဲ့ခြင်း ဖြစ်သည်။

မြန်မာ အစိုးရက ကြေးနီနှင့် လက်နက် လဲလှယ်ခြင်း ပြုလုပ်ခဲ့ကြောင်း သတင်း ထွက်ပေါ်ခဲ့ပြီးနောက် အငြင်းပွားဖွယ် Norinco နှင့် သဘောတူညီမှုကို ဖုံးအုပ်ထားခဲ့သည်။ ဝန်ကြီးချုပ် ဦးသိန်းစိန်၏ ကြီးကြပ်မှုဖြင့် ချုပ်ဆိုခဲ့သော သဘောတူညီချက် မတိုင်မီ Norinco က မြန်မာအစိုးရအား အကြီးစား လက်နက်ကြီးများ ရောင်းချပေးခဲ့ခြင်း ဖြစ်သည်။

မြန်မာနိုင်ငံ၏ အမြတ်အစွန်း များသော လုပ်ငန်းများထဲတွင် ပါဝင်သည့် မုံရွာကြေးနီတွင်းသည် အမြင့်ဆုံး တစ်နှစ်လျှင် ကြေးနီ တန်ချိန် ၃၉၀၀၀ ထုတ်လုပ်လျက် ရှိသည်။ တစ်ချိန်တည်းတွင် နိုင်ငံမြောက်ပိုင်းမှ ကျောက်မီးသွေးတွင်း များမှာလည်း ယခင်နှစ်က တန်ချိန် ၂၃၄၀၀၀ ထုတ်လုပ်ခဲ့ကြောင်း Xinhua သတင်းက ဖော်ပြခဲ့ပြီး တရုတ်နှင့် အင်ဒိုနီးရှား ကုမ္ပဏီများက လွှမ်းမိုးထားကြောင်း သိရှိရသည်။

မြန်မာနိုင်ငံသည် သယံဇာတ ကြွယ်ဝသော တိုင်းပြည်တစ်ခု ဖြစ်သော်လည်း အခြေခံ အဆောက်အဦး အားနည်းမှု၊ အစိုးရ၏ မှားယွင်းသော စီမံ ခန့်ခွဲမှုများကြောင့် ၎င်း အမြတ်အစွန်း ကြီးမားသော နယ်ပယ်သည် ယခုအချိန်အထိ စွမ်းအားပြည့် ထုတ်လုပ် ထုခွဲ ရောင်းချနိုင်ခြင်း မရှိသေးပါ။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Christion Science Monitor, 6th July 2010

မိုးရွာတော့မည့် ကောင်းကင်အောက်တွင် မြန်မာ့ ဆန်အိုးကြီးကို ဖြည့်ပေးသည့် အစိမ်းရောင် မြသား ကွင်းပြင်များသည် အင်အားပြည့်နေသယောင် အသွင်ဆောင်နေသည်။ လယ်သမားများကလည်း သူ၏ နှစ်စဉ် လုပ်နေကျအတိုင်း ကောက်စိုက်ရန် ပြင်ဆင်နေကြပေပြီ။

သို့သော် မြန်မာနိုင်ငံ၏ ဆန်စပါး ထုတ်လုပ်မှု အခြေအနေမှာမူ မကောင်းလှပေ။ အထွက်နှုန်း ကျလာခြင်း၊ ကြွေးများ ထူလာခြင်းနှင့် ဝင်ငွေ ကျဆင်းလာခြင်းများသည် လယ်သမားများကြားတွင် အလေးပေး စဉ်းစားရမည့် အချက်များ ဖြစ်လာပြီး ဆိုးရွားသော အခြေအနေ အတွက် မျိုးစေ့များ ဖြစ်လာပြီး၊ တိုင်းပြည်၏ ၇၀ % သော လူများ နေထိုင်သော ကျေးလက် စီးပွားရေး တိုးတက်မှုကို ရပ်တံ့စေသည်။ အဆိုပါ အခြေအနေကို ပိုမို ဆိုးရွားစေသော အချက်မှာ ၂၀၀၈ ခုနှစ် မေလက တိုက်ခဲ့သော နာဂစ်မုန်တိုင်းပင် ဖြစ်သည်။

နာဂစ် ဆိုက်ကလုန်းသည် အရှေ့တောင်အာရှ၏ အဆင်းရဲဆုံး နိုင်ငံဖြစ်သော မြန်မာနိုင်ငံကို လူသားချင်း စာနာသော အကူအညီများ ပိုမို ပေးလာစေရေး အတွက် တံခါးဖွင့်ပေးခဲ့သည်။ သဘာဝ ဘေးဒဏ် ခံခဲ့ရသော အလယ်သမားများနှင့် တံငါသည်များ၏ ဆင်းရဲ မွဲတေမှုကို တိုက်ဖျက်ရေး အတွက် အုပ်ချုပ်သူ စစ်ဗိုလ်များနှင့် နိုင်ငံခြားသား အလှူရှင်များကြားတွင် ရှားရှားပါးပါး အချေအတင် ဆွေးနွေးမှုများ ရှိလာသည်။

ရလဒ်အားဖြင့် မျှော်လင့်ချက် မဲ့နေသော ဆန်စပါးကဏ္ဍနှင့် ကျေးလက် လူအဖွဲ့အစည်းများ အတွက် အကူအညီများ ပိုမိုပေးရေး ကိစ္စများတွင် ယာယီသဘော ကြိုးစား အားထုတ်မှုများ တွေ့လာရသည်။ ဖွံ့ဖြိုး တိုးတက်ရေး ပညာရှင်များက ပြောကြားရာတွင် ပြင်ပ အကူအညီများ ပိုမို လိုအပ်ကြောင်း၊ လယ်သမားများ အကြွေး သံသရာတွင် နစ်ပြီး လယ်မြေများ ဆုံးရှုံးမှုကို ကာကွယ်နိုင်ရန် ဘဏ်ချေးငွေများလည်း လိုအပ်ကြောင်း ပြောသည်။

အဆိုပါ ကျွမ်းကျင်သူများနှင့် လွတ်လပ်သော စီးပွားရေး ပညာရှင်များက ပြောကြားရာတွင် အန္တိမ ရည်မှန်းချက်မှာ ဆန်စပါး ထုတ်လုပ်မှုကို စွမ်းအားပြည့် ရှိနေစေရေး ဖြစ်ကြောင်း ပြောသည်။ သို့မှသာ ကမ္ဘာ့ ဆန်တင်ပို့သူ အများဆုံး နိုင်ငံများ အဖြစ် မြန်မာနိုင်ငံထံမှ လွှဲပြောင်း ရယူထားသော ထိုင်းနှင့် ဗီယက်နမ်တို့ကဲ့သို့ စီးပွားရေး တိုးတက်မှုကို အထောက်အကူ ပြုနိုင်မည် ဖြစ်သည်ဟု ဆိုသည်။

"တိုင်းပြည်ကို အင်အားအသစ် ဖြည့်တင်းဖို့ဆိုရင် ကျေးလက် စီးပွားရေးကို ကြည့်ရပါလိမ့်မယ်" ဟု ကုလသမဂ္ဂ အထွေထွေ အတွင်းရေးမှူးချုပ် လက်အောက်ခံ ဘန်ကောက်ရှိ အာရှ ဌာနချုပ် အကြီးအကဲ Noleen Heyzer က ပြောသည်။

လယ်သမားများ၏ ကြွေးသံသရာ

ပြိုလုဆဲဆဲ အိမ်လေးတွင် နေထိုင်နေရသော ကိုကျော်မြင့် (အမည်မှန်မဟုတ်) ၏ အလားအလာများမှာ မျှော်လင့်ချက် ကင်းမဲ့လျက် ရှိသည်။ သူသည် မြစ်ကမ်းတလျှောက် လယ်မြေဧက ၂၀ ပိုင်ဆိုင်ပြီး၊ စိုက်ပျိုးရန် မျိုးစေ့များကို ချန်ထားသည်။ သို့သော် ယခုနှစ်တွင် သူသည် လယ်အားလုံး စိုက်နိုင်လိမ့်မည် မဟုတ်ပေ။ ဓာတ်မြေသြဇာ၊ ပိုးသတ်ဆေးနှင့် မျိုးကောင်းမျိုးစေ့များ အတွက် ငွေကြေး မတတ်နိုင်သောကြောင့် ဖြစ်သည်။ မြို့ပေါ်မှ စပါးကုန်သည်ကလည်း ဆိုင်ကလုန်းပြီးနောက် ငွေမချေးတော့ပေ။ အစိုးရ စိုက်ပျိုးရေးဘဏ်ကလည်း လယ်တစ်ဧကလျှင် ငွေကျပ်တစ်သိန်း (ဒေါ်လာ ၁၀၀) လိုအပ်သော်လည်း ငွေကျပ် ၂ သောင်း (ဒေါ်လာ ၂၀) သာ ထုတ်ချေးသည်။

ကိုကျော်မြင့်က ပြောရာတွင် အကယ်၍ လိုအပ်သော ချေးငွေများ ရရှိခဲ့လျှင်ပင် နိုဝင်ဘာလ ရိတ်သိမ်းချိန် အပြီးတွင် ထိုငွေ ပြန်ဆပ်နိုင်ရန် လုံလောက်သော ငွေပြန်မရနိုင်ကြောင်း၊ ကြွေးတင်ရဦးမည် ဖြစ်ပြီး ထိုသံသရာတွင်သာ လည်နေကြောင်း ပြောသည်။

ကိုကျော်မြင့်၏ မိသားစုတွင် လူ ၁၂ ဦး ရှိပြီး၊ အရွယ်ရောက်သူတိုင်း လယ်ထဲတွင် အလုပ်လုပ်ကြရသည်။ ၎င်းတို့သည် ရန်ကုန်မြို့နှင့် ခြောက်နာရီသာ သွားရသော နေရာတွင် နေထိုင်ကြသည်။ အလုပ်သမား ခေါ်သော စက်ရုံကလည်း အနည်းငယ်သာ ရှိသည်။ မြို့ပေါ်တွင် ဝင်ငွေနည်းပြီး၊ အသုံးစရိတ် ကြီးမှုကြောင့် လိုအပ်ချက်ပင် မပြည့်နိုင်ပါ။ "ကျေးလက်များရှိ အလုပ်လက်မဲ့များ အနေနဲ့ မြို့ပေါ်တက်လည်း အလုပ် မရှိဘူး" ဟု အကူအညီပေးရေး အေဂျင်စီ ဝန်ထမ်းတစ်ဦးက ပြောသည်။

တစ်ဖက်မှ ကြည့်ပြန်သောအခါ ဆင်းရဲသည့် အဖြစ်ချင်း အတူတူတွင် ကိုကျော်မြင့်က လယ်ပိုင်သေးသည်ဟု ဆိုရမည် ဖြစ်သည်။ ၂၀၀၉ ခုနှစ်က Harvard Kennedy ကျောင်း၏ လေ့လာမှုများအရ ဧရာဝတီ မြစ်ဝကျွန်းပေါ် ဒေသတွင် ၅၀ % မှ ၇၀ % သော သူများသည် လယ်မြေ ပိုင်ဆိုင်မှု မရှိကြဘဲ ကြွေးမဆပ်နိုင်မှုကြောင့် မြေယာပိုင်ဆိုင်ခွင့်များ ဆုံးရှုံးခဲ့ကြရသည်ဟု သိရှိရသည်။

"လယ်သမားတွေဟာ သူရင်းငှား အနည်းငယ်သာ ခန့်ထားနိုင်ပြီး နေ့တွက် အနည်းငယ်ပဲ ပေးနိုင်ကြတယ်" ဟု မြစ်ဝကျွန်းပေါ်တွင် အလုပ်လုပ်နေသော ဗြိတိသျှ ကုသိုလ်ဖြစ် အဖွဲ့ဖြစ်သော Save the Children မှ မြန်မာပြည် ဒါရိုက်တာ Andrew Kirkwood က ပြောသည်။

မျှော်လင့်ချက် ရောင်ခြည်

ပြီးခဲ့သည့်နှစ်က ဆန်စပါး ထုတ်လုပ်မှု အဖွဲ့ကြီး ဖွဲ့စည်းခဲ့ခြင်းသည် ပြောင်းလဲမှုအတွက် လက္ခဏာပင် ဖြစ်သည်။ ၎င်းအဖွဲ့သည် လယ်သမားများ၊ ကုန်သည်များ၊ ဆန်စက်ပိုင်များနှင့် စိုက်ပျိုးရေး ကုမ္ပဏီများနှင့် အစိုးရကြားတွင် ညှိနှိုင်းပေးမည့် အဖွဲ့ဖြစ်သည်။ ထိုအဖွဲ့၏ ဥက္ကဋ္ဌကို အစိုးရက ခန့်ထားသော်လည်း၊ ဒေသဆိုင်ရာ တာဝန်ရှိ ပုဂ္ဂိုလ်များကိုမူ မြန်မာနိုင်ငံ၏ အာဏာရှင် စတိုင် လုပ်ထုံးလုပ်နည်းမှ ဖောက်ထွက်ပြီး လျှို့ဝှက် မဲပေးစနစ်ဖြင့် ရွေးချယ်ခဲ့သည်။

ဆယ်စုနှစ်ပေါင်းများစွာ ဆန်ဝယ်ယူသူများကို တားဆီးထားသည့် အပြောင်းအလဲများသော ကန့်သတ်မှုများ အပြီးတွင် ကုန်သည်များသည် အလားအလာ ကောင်းသော ဆန်ပိုမို တင်ပို့ ရောင်းချရေး တံခါးဖွင့်မှုကို များစွာ စိတ်အားထက်သန်လျက် ရှိကြသည်ဟု အထက်ပါအဖွဲ့၏ အကြံပေး ပညာရှင် ဦးတင်မောင်သန်းက ပြောသည်။ အချို့ ဆန်စက်ပိုင်များကလည်း ဈေးကွက်ကို ပိုမို အခြေခံသော စနစ်ကို မျှော်လင့်ပြီး စက်ပ္စည်း အသစ်များ ပိုမို ရင်းနှီးမြှုပ်နှံပြီး ဖြစ်ကြောင်း ၎င်းက ပြောသည်။ "တကယ်လို့ ကျွန်တော်တို့ရဲ့ ဆန်စပါး စီးပွားရေးကို ကမ္ဘာ့စီးပွားရေးနဲ့ ချိတ်ဆက်မိပြီဆိုရင်၊ ဆန်စပါး ထုတ်လုပ်မှုအတွက် ကျွန်တော် မပူတော့ဘူး" ဟု ၎င်းက ပြောသည်။

အချို့လယ်သမားများသည် ချေးငွေအတွက် လမ်းကြောင်းသစ်များ ချိတ်ဆက်မိနေပြီ ဖြစ်သည်။ အသစ် ဖွဲ့စည်းခဲ့သော စိုက်ပျိုးရေး ချေးငွေ ထုတ်ပေးရေး ကုမ္ပဏီ ၃၀ ခန့်သည် လယ်သမားများအား ငွေများ ထုတ်ချေးလျက် ရှိရာ၊ ယခင်က ဆန်ကုန်သည်များ ပါးပါးလှီးယူသော အတိုးနှုန်းထက် များစွာ သက်သာသော တစ်လလျှင် ၃ % ဝန်းကျင်ဖြင့် ချေးလျက် ရှိသည်။ (ဆန်ကုန်သည်များက တစ်လလျှင် ၁၀ % အတိုးယူသည်။ အယ်ဒီတာ) ပညာရှင်များက ပြောကြားရာတွင် ယခု ပုဂ္ဂလိက ငွေချေးမှု ပမာဏမှာ သေးငယ်သေးကြောင်း၊ လယ်မြေ ဆယ်ဧကရှိ လယ်သမားများကိုသာ ချေးငှားနိုင်သေးကြောင်း၊ မတည် ရင်းနှီးငွေ မလုံမလောက်ဖြင့် လည်ပတ်နေသော အစိုးရ စိုက်ပျိုးရေးဘဏ်ကိုပင် အစားထိုးရန် မဖြစ်နိုင်သေးကြောင်း ဆိုသည်။

နိုင်ငံတကာ အကူအညီပေးရေး အဖွဲ့များမှ တာဝန်ရှိသူများက ပြောကြားရာတွင် မြစ်ဝကျွန်းပေါ် ဆန်ထုတ်လုပ်မှု အလှည့်အပြောင်း ဖြစ်စေရန် အခြား ကျေးလက်ဒေသများကိုလည်း အလေးပေးမှု အတူတူ ဖြစ်ရန် လိုကြောင်း ဆိုသည်။ ကျေးရွာများတွင် ဆင်းရဲမွဲတေမှုနှင့် အာဟာရဓာတ် ချို့တဲ့မှုမှာ အကြီးအကျယ် ခံစားနေရသော ဝေဒနာများ ဖြစ်ကြောင်း ပြောကြသည်။ မြန်မာနိုင်ငံတွင် ကလေးငယ် ဆယ်ဦးအနက် တစ်ဦးမှာ အသက်ငါးနှစ် မရောက်မီ သေဆုံးလျက် ရှိပြီး၊ ကုလသမဂ္ဂ၏ အဆိုအရ ကမ္ဘာပေါ်တွင် ကလေးငယ် သေဆုံးမှုနှုန်း စတုတ္တ အဆိုးဆုံး နိုင်ငံ ဖြစ်သည်ဟု သိရှိရသည်။

အဆိုပါ ဒဏ်များ ခံစားရသော ဒေသများတွင် စစ်ဒဏ်ကို ခံစားကြရသော တိုင်းရင်းသား နယ်စပ်ဒေသများနှင့် မြန်မာနိုင်ငံ အလယ်ပိုင်း ပူပြင်း ခြောက်သွေ့ဒေသများ ပါဝင်သည်။ အပူပိုင်း ဒေသတွင် လယ်သမားများသည် ငွေပေါ်သီးနှံများ ဖြစ်သော ပဲ၊ ကြက်သွန် စသည်တို့ အပေါ်တွင်သာ မှီခိုနေရသည်။ အကူအညီပေးရေး အဖွဲ့များမှ ဝန်ထမ်းများသည် အဆိုပါ ဒေသများနှင့် အထိအတွေ့ များလှသည် ဖြစ်ရာ ဒုက္ခ ခံစားရမှုများမှာ ပိုမို ရှင်းလင်းစွာ တွေ့လာရကြောင်း မြန်မာနိုင်ငံ World Food Program မှ အကြီးအကဲ Chris Kaye က ပြောသည်။

"တဖြည်းဖြည်း ဖြစ်လာတာ ရောဂါ ကျွမ်းနေပါပြီ။ ပြဿနာရဲ့ အခြေခံကတော့ ချေးငွေ မရရှိမှုနှင့် ထည့်ဝင်ပေးမှုတွေ လိုအပ်မှုများ ပါဝင်သော ကျေးလက် စီးပွားရေးပင် ဖြစ်ပြီး၊ လူနေမှု ဘဝတွေ ဆိုးဆိုးဝါးဝါး ပျက်စီးနေပါပြီ" ဟု ၎င်းက ပြောသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

မြန်မာ စစ်အစိုးရသည် လာမည့် အောက်တိုဘာလ လောက်တွင် နှစ်ပေါင်း ၂၀ အတွင်း ပထမဆုံး ရွေးကောက်ပွဲ တစ်ရပ်ကို ကျင်းပပေးပြီး ထိန်းချုပ်မှု ပါသည့် ဒီမိုကရေစီစနစ် တစ်ရပ်ကို ထူထောင်တော့မည့် သဘောတွင် ရှိသည်။

လတ်တလော ကာလအတွင်း စစ်အစိုးရက ထုတ်ပြန်ထားသော ရွေးကောက်ပွဲ ဥပဒေများက နိုင်ငံရေးပါတီများ အနေဖြင့် ကြွေးကြော်မှုများ၊ ချီတက် ဆန္ဒပြမှုများ မပြုလုပ်ရဟု ကန့်သတ် ပိတ်ပင်ထားသည်။ စစ်အစိုးရက တင်းကြပ်သော ဥပဒေများ မည်သို့ပင် ထုတ်ပြန်ထားသော်ငြား ၂၀၁၀ ရွေးကောက်ပွဲ၌ စစ်ဗိုလ်ချုပ်ကြီးများ အနိုင် ရရှိရေးမှာ ဖြစ်နိုင်ခြေ မရှိပေ။ သို့အတွက်ကြောင့် စစ်ဗိုလ်ချုပ်ကြီးများက ဒုတိယ တိုက်ကွက် (Plan B) ကို အသုံးပြုကောင်း ပြုလာနိုင်သည်ဟု ယုံကြည်ရသည်။

၎င်းတို့၏ ဒုတိယ တိုက်ကွက်မှာ အခြားမဟုတ်။ မဟုတ်မှန်သော ရွေးကောက်ပွဲ ရလဒ်များကို ကြေညာပြီး စစ်တပ် ကျောထောက်နောက်ခံ ရယူထားသည့် ကိုယ်စားလှယ်များ ပါလီမန်တွင် နေရာ အပြည့်အဝ ရယူလိမ့်မည် ဖြစ်သည်။ ရွေးကောက်ပွဲထက် ပို၍ လန့်စရာ ကောင်းသည်မှာ မြန်မာ လူဦးရေ စုစုပေါင်း၏ ထက်ဝက်ခန့်မှာ အသက် ၁၈ နှစ်အရွယ် သို့မဟုတ် လူငယ်များ ဖြစ်ကြပြီး ပြင်ပကမ္ဘာ နိုင်ငံတကာအကြောင်း သိရှိ နားလည်ထားသူများ ဖြစ်သည်။ ပြည်တွင်းနှင့် ပြည်ပ အနေအထားများကို ကောင်းစွာ နှိုင်းယှဉ်နိုင်သည်။

လတ်တလော အနေအထားတွင် စစ်အစိုးရက လူငယ်များ ဘာတွေ စဉ်းစားနေသည် ဟူသော အချက်ကို အလေးမထားပေ။ ထို့အတူ ရွေးကောက်ပွဲသည် အတုအယောင်မျှသာ ဖြစ်မည် ဟူသော ပြင်ပကမ္ဘာ၏ အမြင်ကိုလည်း အရေးမစိုက်ပေ။ စစ်အစိုးရအတွက် အရေးကြီးသည်မှာ
အိမ်နီးချင်းနှင့် ဒေသတွင်း နိုင်ငံအများစုက ရွေးကောက်ပွဲကို အသိအမှတ်ပြု လက်ခံလာရေးပင် ဖြစ်နေသည်။

စစ်အစိုးရသည် သတင်း အချက်အလက်များ ထိန်းချုပ် ဖုံးကွယ်ပြီး အာဏာ ဆက်လက် တည်တံ့ရန် ပြုလုပ်လျက် ရှိသည်။ ဥပမာအားဖြင့် ပြောရလျှင် ဆဲလ်ဖုန်းများ အသုံးပြု ခွင့်ကို ချမ်းသာ ကြွယ်ဝသူများ၊ စစ်အစိုးရနှင့် ရင်းနှီး ကျွမ်းဝင်သူများကိုသာ ပေးထားသည်။ မရင်းနှီးသူများအပေါ် ကန့်သတ် ပိတ်ပင်ထားသည်။ ယခုနှစ် ကုန်ပိုင်းတွင် ဆဲလ်ဖုန်း အလုံးပေါင်း တစ်သိန်းသုံးသောင်း (၁၃၀၀၀၀) ခန့် ထပ်မံ ချပေးလိမ့်မည်။ ယင်းသုိ့ ချပေးလိုက်ပါက ဆဲလ်ဖုန်း သုံးသူ ခြောက်သိန်းအထိ ရှိလာမည် ဖြစ်သည်။ သို့သော်ငြားလည်း အရွယ်ရောက်ပြီးသူ သန်း ၃၀ အတွက် ခြောက်သိန်း ဟူသော ကိန်းဂဏန်းမှာ နည်းလွန်းလှသည်။ ကြိုးဖုန်း အသုံးပြုမှုများကိုလည်း စစ်အစိုးရကပင် ထိန်းချုပ်ထားသည်။ စာရင်းဇယားများအရ ကြိုးဖုန်းအလုံးရေ နှစ်သန်းမျှသာ ရှိသည်။

ယခုဆိုလျှင် တရုတ်-မြန်မာ နယ်စပ်ဒေသမှ တရုတ်မျိုးနွယ် တိုင်းရင်းသားများဖြင့် ဖွဲ့စည်းထားသော ညီညွတ်သည့် ဝ တပ်မတော် နှင့် စစ်အစိုးရအကြား ငြိမ်းချမ်းရေး သဘော တူညီချက် ထပ်မံ ရရှိပြန်ပြီဟု သိရသည်။ သို့သော် အပစ်အခတ် ရပ်စဲရေး အဆင့်တွင်သာ ရှိသည်ဟု ဆိုသည်။ မြန်မာစစ်အစိုးရက ဝ တပ်ဖွဲ့ဝင် သုံးသောင်း (၃၀၀၀၀) ကို မြန်မာစစ်တပ်နှင့် ပူးပေါင်း လက်တွဲစေလိုသည်။ ဝ များက မြန်မာ စစ်အစိုးရကို အယုံအကြည် မရှိသောကြောင့် စစ်တပ်နှင ပူးပေါင်း လုပ်ကိုင်ရမည့် ကိစ္စကို ငြင်းပယ်ခဲ့သည်။

ပြီးခဲ့သည့် ၂၀၀၉ ခုနှစ်က တရုတ် နယ်စပ်ဒေသတွင် ဖြစ်ပွားခဲ့သော စစ်ရေး ပဋိပက္ခကြောင့် ဝ တိုင်းရင်းသား လေးသောင်း (၄၀၀၀၀) ကျော်ခန့် တရုတ်နိုင်ငံထဲသို့ ဒုက္ခသည်အဖြစ် ဝင်ရောက် ခိုလှုံသွားကြရသည်။

ယင်းဖြစ်ရပ်ကို တရုတ် အစိုးရက လုံးလုံးလျားလျား မနှစ်မြို့ပေ။ တရုတ်မျိုးနွယ်များ မြန်မာ စစ်တပ်၏ ဖိနှိပ်မှု ခံနေရသည် ဟူသော သတင်းများကိုလည်း ထိန်းချုပ်နိုင်ခဲ့ခြင်း မရှိပေ။ မြန်မာစစ်တပ်၏ ဖိနှိပ်မှုများနှင့် ပတ်သက်သော သတင်း အချက်အလက် အသေးစိတ် အားလုံးမှာ အင်တာနက်မှ တစ်ဆင့် ပျံ့နှံ့သွားခဲ့သည်။ ထိုမှတစ်ဆင့် လူတစ်ဦးနှင့် တစ်ဦး အပြန်အလှန် ပေးပို့ ပြောဆိုကြသည်။ အဆိုပါ သတင်းကြောင့် တရုတ်ပြည်တွင် အုတ်အုတ်ကြက်ကြက် ဖြစ်သွားခဲ့ပြီး  ဘေဂျင်း အစိုးရ အနေဖြင့် ဝ လူမျိုးစုများပေါ် တိုက်ခိုက်မှုများ ရပ်ဆိုင်းရေးအတွက် မြန်မာ အစိုးရအပေါ် ပိုမို အားကိုးလာရသည့် အခြေအနေမျိုး ဖြစ်စေခဲ့သည်။

သို့အတွက်ကြောင့် တရုတ် အစိုးရ အရာရှိကြီး အချို့ ဝ ပြဿနာ ဖြေရှင်းရန် မြန်မာနိုင်ငံသို့ လာရောက် လည်ပတ်ခဲ့ကြသည်။ တရုတ်အစိုးရက မြန်မာနိုင်ငံသည် တရုတ်ပြည်အတွက် အဖိုးတန်သော မဟာမိတ်နှင့် ဖောက်သည်နိုင်ငံ (Client State) အဖြစ် ရှုမြင်သည်။ ထို့အတူ နိုင်ငံတကာတွင် နိုင်ငံရေးအရ အပယ်ခံ ဖြစ်နေသော မြန်မာနိုင်ငံ အနေဖြင့်လည်း တရုတ်နိုင်ငံ၏ အထောက်အပံ့ လိုအပ်သည်။ ဝ တပ်ဖွဲ့နှင့် မြန်မာ စစ်တပ်အကြား အပစ်အခတ် ရပ်စဲမှုကို တိုးမြှင့်ထားသည်ဟု သိရသည်။ သို့သော် အဆိုပါ ရပ်စဲမှုမှာ တရားဝင် မဟုတ်။ ယခုအခါ မြန်မာ အစိုးရ အရာရှိများနှင့် အစိုးရ လုပ်ငန်းများ ဝ ဒေသတွင် ပြန်လည် လုပ်ကိုင် လည်ပတ်နေပြီ ဖြစ်သည်။ မည်သို့ဆိုစေ နှစ်ဖက် စစ်မက် ပဋိပက္ခမှာ အချိန်မရွေး ပေါက်ကွဲ ထွက်ပေါ်လာနိုင်သည်။

မြန်မာ အစိုးရ၏ မူးယစ်ဆေးဝါး တိုက်ဖျက်ရေး၊ ဘိန်းစိုက်ပျိုးမှုနှင့် ဘိန်းဖြူ ထုတ်လုပ်မှု လျှော့ချရေးတို့မှာ အောင်မြင်မှု အချို့ ရရှိခဲ့သည်။ ပြီးခဲ့သည့် ၂၀၀၉ ခုနှစ်အတွင်း ဘိန်းဖြူ ထုတ်လုပ်မှုမှာ ၂၀ ရာခိုင်နှုန်းခန့် လျော့ကျသွားသည်။  သို့သော် ရာဘဟု ခေါ်သော မီသာ အဖက်တမင်း ထုတ်လုပ်မှုမှာ မြင့်တက်လျက် ရှိသည်။ ရာဘ မူးယစ်ဆေးဝါး အများစုကို ထိုင်းနိုင်ငံမှ တစ်ဆင့် မှောင်ခို ရောင်းချလျက် ရှိသည်။ စာရင်းဇယားများအရ ၂၀၀၉ ခုနှစ်တွင် မြန်မာနိုင်ငံ ရဲတပ်ဖွဲ့က ရာဘဆေးပြား ၂၃ သန်းခန့် ဖမ်းဆီး ရမိခဲ့သည်။ ရာဘ ဆေးပြား ထုတ်လုပ်မှု မြင့်မားနေခြင်းမှာ ယင်းဆေးပြား ထုတ်စက်ရုံများသည် လျှို့ဝှက် လုပ်ဆောင်ရန် လွယ်ကူသောကြောင့် ဖြစ်သည်။ ယင်း ရာဘထုတ် စက်ရုံများမှ ယခုနှစ်အတွင်း ဆေးပြားသန်း ၃၀၀ ခန့် ထုတ်လုပ်မည်ဟု ခန့်မှန်းရသည်။ ဝ တပ်ဖွဲ့များသည် ယင်းရာဘဆေးဝါး ထုတ်လုပ်မှုမှ ရရှိသော အမြတ်အစွန်းများဖြင့် လက်နက်များ ဝယ်ယူနေဖြင်း ဖြစ်သည်။ သတင်း ပေးပို့ချက်များနှင့် လေ့လာ အကဲခတ်မှုများအရ မြောက်ကိုရီးယား သင်္ဘောတစ်စီးသည် လျို့ဝှက် ကုန်ပစ္စည်းများ တင်ဆောင်လာပြီး မြန်မာနိုင်ငံတွင် ဆိုက်ကပ်ခဲ့သည်။ ယင်း ကုန်ပစ္စည်းများတွင် လေကြောင်းရန် ကာကွယ်ရေး ရေဒါစနစ်များ (ယခုအခါ မြောက်ပိုင်းဒေသရှိ တောင်ကုန်းများပေါ်တွင် တပ်ဆင်ထားပြီး ဖြစ်သည်) နှင့် တိုက်ချင်းပစ် ဒုံးကျည် ထုတ်လုပ်ရေး ပစ္စည်းများ ပါဝင်လာသည်ဟု ယူဆရသည်။

ထို့အတူ ပြီးခဲ့သည့် ဇွန်လအတွင်း မြောက်ကိုရီးယား နည်းပညာရှင် အမြောက်အမြား မြန်မာနိုင်ငံသို့ ရောက်ရှိလာပြီး မန္တလေးတိုင်း အတွင်းရှိ စစ်ဘက်ရေးရာ စက်ရုံများတွင် အလုပ် လုပ်ကိုင်လျက် ရှိသည်ကို တွေ့ရသည်။ မည်သည့် ကိစ္စအတွက် ရောက်ရှိ အလုပ် လုပ်ကိုင်နေသည်မှာ ရှင်းရှင်းလင်းလင်း မသိရသေးပေ။

မြန်မာနိုင်ငံသည် ပြင်ပရန်သူ မရှိသောနိုင်ငံ ဖြစ်သည်။ သို့သော် တိုက်ချင်းပစ် ဒုံးကျည်များ တပ်ဆင်ရန် ကြိုးပမ်းနေသည် ဟူသော အချက်မှာ ပဟေဠိ ဆန်နေပေသည်။ ပြည်တွင်းမှ အစိုးရ အတိုက်အခံ လက်နက်ကိုင် အုပ်စုများကို တိုက်ခိုက်ရာတွင်လည်း ယင်းဒုံးကျည်များ အသုံးပြုမှု မရှိပေ။ မြန်မာ စစ်အစိုးရသည် မြောက်ကိုရီးယား အစိုးရနှင့် စစ်ရေးဆိုင်ရာ လျှို့ဝှက် သဘောတူညီမှု တစ်ရပ်ကို လွန်ခဲ့သည့် နှစ်နှစ်ခန့်က လက်မှတ် ရေးထိုးထားခဲ့သည်ဟု ယုံကြည်ရသည်။ သဘော တူညီမှု အသေးစိတ်ကို မသိရှိရပေ။ သို့သော် တစ်စုံတစ်ခု ဖြစ်လာရန် ရှိသည်မှာ သေချာနေသည်။

Strategy Page မှ ဆောင်းပါးကို ဆီလျော်အောင် ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

via မြန်မာဒီမိုကရေစီကွန်ဂရက် Myanmar Democracy Congress by MYANMAR DEMOCRACY CONGRESS on 7/4/10                                                          ( မြို.မကျောင်းသား )        

 တောင်းဆို ကြေငြာချက်များအား စစ်အစိုးရ သည် မည်သည့် အခါတွင်မျှ အကောင်အထည် ဖေါ်ပေးလေ့ မရှိ။ သို့သော်လည်း တောင်းဆိုချက်များကတော့ တွင်တွင်ကြီး ထွက်ပေါ်လာလေ့ ရှိသည်။ ကြာလာတော့ တောင်းဆိုချက်များကို ဘယ်တော့မှ လိုက်လျှောမည် မဟုတ်ကြောင်း ပြည်သူများကလည်း သိလာ၏။ မီဒီယာများကလည်း သိလာ၏။ နောက်ဆုံး တောင်းဆိုသူများ ကိုယ်တိုင်ကလည်း သိလာ၏။

တောင်းဆိုချက်များ ထုတ်ပြန်လျှင် မီဒီယာများကလည်း တောင်းဆိုချက်များ မရလျှင် ဘာလုပ်မည်လည်း ဟုလှည့်ပတ်ပြီး မေး၏။ ဖြေသူများကလည်း ထိုမေးခွန်းကို ဖြေရဖန် များ၍ လွန်စွာ ကျွမ်းကျင် နေကြပြီ။

အမှန်တရား အတိုင်း ဆောင်ရွက်ပေးရန် အစဉ်တစ်စိုက် တောင်းဆိုရမည် ဖြစ်သော်လည်း ဘာမှ လုပ်မပေးနိုင်မှန်း သိလျှက်နှင့် သမိုင်းတစ်ဖြတ်စာ အနှစ် ၂၀ ကျော် အစိတ်လောက် တောင်းဆိုရုံ သက်သက်ကတော့ လွန်ကဲသော ကိစ္စအဖြစ် သမိုင်းတွင် ကျန်ရစ်မည် သာဖြစ်၏ ။

ကြေငြာချက် သုံးမျိုး

ကြေငြာချက်များကို လေ့လာမိသမျှ ၃ မျိုး ရှိလေ၏။ တစ်မျိုးက ရုံးခန်းတွင်းမှ ကြေညာချက် ထုတ်ခြင်း ဖြစ်၏။ ရုံးခန်းထဲတွင် အစည်းအဝေးထိုင် ၊ ကြေညာချက်ထုတ်၊ ထိုကြေညာချက်အား မီဒီယာ နှင့် အင်တာဗျူး ကပ်သီးကပ်သပ် မေးခွန်းများအား လှည့်ပတ်ဖြေ ဒါက တစ်နည်း ဖြစ်၏။

နောက်တစ်မျိုးက လမ်းမပေါ် ထွက်၍ ကြေညာချက် ထုတ်ခြင်း ဖြစ်၏။ ရုံးခန်းတွင်းမှ ကြေညာချက် ထုတ်သူများ ကို အားမရသော တက်ကြွသူများက လမ်းမပေါ် ထွက်၍ ဆန္ဒပြကြ၏။ ကြေညာချက် ထုတ်၏ ၊ မီဒီယာများနှင့် အင်တာဗျူးသည် တောင်းဆိုချက်များ မရမခြင်း တိုက်ပွဲဝင်မည် ဟု မီဒီယာမှ တစ်ဆင့် ပြည်သူကို  ကတိပေး၏။  ပြီးတော့ ထောင်ထဲ သွားကြသည်။ ဒါက ဒုတိယနည်း ဖြစ်၏။ ခက်ခဲသော နိုင်ငံရေး စွန့်စားမှု ဖြစ်၏။ အလေးပြုထိုက်၏။

တတိယနည်းကတော့ လွတ်မြောက်နယ်မြေမှ ကြေညာချက်များ ဖြစ်သည်။ လွတ်မြောက်နယ်မြေ ဆိုမှတော့ အန္တရယ်နှင့် အလှမ်းဝေး၏။ အဖမ်းအဆီးက ဝေလာဝေး တောင်းဆိုချက် တစ်ခု မရလျှင် နောက်ထပ် တောင်းဆိုချက် တစ်ခုအတွက် ပြင်ဆင်ရသော အလုပ်သာ လျှင်ရှိ၏ ။ သူတို့က ရဲရဲတောက် အပြောဆုံး ဖြစ်သည်။

စတုတ္ထမြောက် ကြေညာချက်များကတော့ ထွန်းကားစ ပြုနေပြီ။ ကိုယ့်အချင်းချင်း ဒုက္ခပေးသော ကြေညာချက်များ ဖြစ်၏။ NLD နှင့်  NDF  တို.၏ ခမောက်လုပွဲ ကြေညာချက်မျိုး ဖြစ်သည်။ တိုင်းပြည်၏ အင်မတန် အရေးကြီးသော အချိန်တွင် တိုင်းရေးပြည်ရေး ဘာလုပ်မလဲ မဆွေးနွေး မတိုင်ပင်ကြဘဲ ခမောက်တစ်လုံးအတွက် ရွေးကောက်ပွဲ ကော်မရှင်ကို တရားသူကြီး လုပ်ခိုင်းနေကြ၏။ အနှစ် ၂၀ ကျော် လက်တွဲ အလုပ်လုပ် လာခဲ့သော လူကြီးများ သဲကြီးမဲကြီး တိုက်ပွဲဝင် နေကြပြီ။

နောက်ဆုံး ဖြစ်နိုင်ဖွယ် ရှိသော ကြေညာချက်ကတော့ ကျွန်တော်တို့ အားလုံး မှားသွားပါတယ် ဟူသော ပဉ္စမမြောက် ကြေညာချက် ဖြစ်ဖို့ ရှိ၏ ။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.