Posts
2-Nov-2009 ,(From Chinaview.com)
မြန်မာနိုင်ငံဝန်ကြီးချုပ် ဗိုလ်ချုပ်ကြီးသိန်းစိန်သည် ဂျပန်နိုင်ငံ တိုကျိုမြို့တွင် ကျင်းပမည့် ပထမဆုံး မဲခေါင် - ဂျပန် ထိပ်သီးဆွေးနွေးပွဲသို့ တက်ရောက်ရန် ဂျပန်နိုင်ငံသို့ သွားရောက်မည်ဖြစ်ကြောင်း၊ တနင်္လာနေ့က နေပြည်တော်မှ တရားဝင်ထုတ်ပြန်သော သတင်းများအရ သိရှိရပါသည်။ တက်ရောက်မည့် နေ့ရက်ကိုမူ အတိအကျထုတ်ဖော် ပြောကြားခြင်းမရှိပါ။
အဆိုပါထုတ်ပြန်ချက်အရ ဗိုလ်ချုပ်ကြီးသိန်းစိန်၏ တိုကျိုခရီးစဉ်သည် ဂျပန်နိုင်ငံ အစိုးရ၏ ဖိတ်ကြားချက်ဖြင့် သွားရောက်ခြင်း ဖြစ်ကြောင်း သိရှိရပါသည်။
မြန်မာနိုင်ငံသည် စီးပွားရေး ပူးပေါင်းဆောင်ရွက်ရန် ဖွဲ့စည်းထားသည့် ခြောက်နိုင်ငံ Greater Mekong Sub-region (GMS)အဖွဲ့မှ အဖွဲ့ဝင်နိုင်ငံဖြစ်ပြီး အခြားအဖွဲ့ဝင်များမှာ တရုတ်၊ ကမ္ဘောဒီယား၊ လာအို၊ ထိုင်းနှင့် ဗီယက်နမ်တို့ဖြစ်ပါသည်။
GMS သည် ၎င်း၏ စီးပွားရေးပူးပေါင်းဆောင်ရွက်မှု အစီအစဉ်တစ်ခုအဖြစ် မဲခေါင်ဒေသ အနေဖြင့် ၂၀၀၉ -၂၀၁၀ ကို ကမ္ဘာလည့်ခရီးသည်များနှစ်အဖြစ် သတ်မှတ် ထားပါသည်။
ယခုနှစ် ဖေဖော်ဝါရီလက ရန်ကုန်မြို့တွင် ဂျပန် - မဲခေါင်ဖလှယ်ရေး အစီအစဉ်အရ ဂျပန်နှင့် မြန်မာအနုပညာရှင်များ ပူးပေါင်း၍ ချစ်ကြည်ရေး လှုပ်ရှားမှုများ ပြုလုပ်ခဲ့ ကြပါသည်။
ယခုနှစ်ဇွန်လက ဂျပန်နိုင်ငံ ဒုတိယနိုင်ငံခြားရေးဝန်ကြီး Kenichiro Sasae သည် နှစ်နိုင်ငံဆက်ဆံရေး ဖော်ဆောင်နိုင်ရန် မြန်မာနိုင်ငံသို့ သွားရောက်ခဲ့ပါသည်။
ဂျပန် - မြန်မာ စီးပွားရေး ပူးပေါင်းဆောင်ရွက်မှု ကော်မတီ ဥက္ကဋ္ဌ Sumitaka Fujita ဦးဆောင်သော လူ ၃၀ ပါဝင်သော ဂျပန်စီးပွားရေး ကိုယ်စားလှယ်အဖွဲ့သည် မြန်မာနိုင်ငံတွင် ရင်းနှီးမြှုပ်နှံရန်နှင့် ကုန်သွယ်မှု တိုးမြှင့်ရေးအတွက် မြန်မာနိုင်ငံ UMFCCI မှ စီးပွားရေး လုပ်ငန်းရှင်များနှင့် တနင်္လာနေ့တွင် ရန်ကုန်မြို့၌ တွေ့ဆုံဆွေးနွေးကြမည် ဖြစ်ပါသည်။
မြန်မာနှင့် ဂျပန်တို့သည် ကဏ္ဍအတော်များများတွင် ပူးပေါင်းဆောင်ရွက်မှုများရှိပြီး ဂျပန်နိုင်ငံသည် အစဉ်အလာအရ မြန်မာနိုင်ငံ၏ အကြီးဆုံးအလှူရှင်နိုင်ငံ ဖြစ် ပါသည်။
တရားဝင်ကိန်းဂဏန်းများအရ ၁၉၈၈ မှစ၍ ဂျပန်နိုင်ငံ၏ မြန်မာတွင် ရင်းနှီးမြှုပ်နှံမှုများမှာ စီမံကိန်း ၂၃ ခုတွင် အမေရိကန်ဒေါ်လာ ၂၁၆.၇၆ သန်းရှိကြောင်း သိရှိရ ပါသည်။
၂၀၀၈ - ၀၉ ဘဏ္ဍာနှစ်တွင် နှစ်နိုင်ငံကြား ကုန်သွယ်မှုမှာ ဒေါ်လာ ၃၄၁.၈ သန်း တန်ဖိုး ရှိပါသည်။ ထိုပမာဏတွင် မြန်မာနိုင်ငံမှ ဂျပန်သို့ ပိုကုန်တန်ဖိုးမှာ ဒေါ်လာ ၁၇၉.၆ သန်းရှိပြီး မြန်မာနိုင်ငံသည် ဂျပန်မှ သွင်းကုန်တန်ဖိုး ဒေါ်လာ ၁၆၂.၂ သန်းရှိပါ သည်။
--~--~---------~--~----~------------~-------~--~----~
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.
-~----------~----~----~----~------~----~------~--~---