Posts
မြန်မာနိုင်ငံတွင်း စစ်မှန်သော ဒီမိုကရေစီ ပြုပြင် ပြောင်းလဲမှုများ ဖော်ဆောင်ရန် ကုလသမဂ္ဂ လုံခြုံရေး ကောင်စီတွင် ဖိအားပေးမှုများ ကြီးထွားလာကြောင်း သိရသည်။ အနောက် နိုင်ငံကြီးများက မြန်မာ နိုင်ငံ၏ လူ့အခွင့်အရေး အခြေအနေသည် အဆိုးရွားဆုံး အဆင့်သို့ ရောက်ရှိနေသည်ဟု ထောက်ပြ ပြောဆို ခဲ့ကြပြီးနောက် လုံခြုံရေး ကောင်စီတွင် မြန်မာ နိုင်ငံကို ယင်းသို့ ဖိအား ပေးလာကြခြင်း ဖြစ်သည်။
"မြန်မာ နိုင်ငံထဲက လူ့အခွင့်အရေး အခြေအနေဟာ အရေးပေါ် အချက်ပေးနေတဲ့ အဆင့်ကို ရောက်နေပါပြီ" ဟု ဆွီဒင် နိုင်ငံက နိုင်ငံပေါင်း ၄၇ နိုင်ငံ ပါဝင်သော လုံခြုံရေး ကောင်စီ ညီလာခံသို့ ကြေညာချက် တစ်စောင် တင်သွင်းသည်။ ဗြိတိန်၊ ပြင်သစ်၊ အမေရိကန် ပြည်ထောင်စု အပါအဝင် အနောက်နိုင်ငံများက မြန်မာ စစ်အစိုးရ အနေဖြင့် နိုင်ငံရေး အကျဉ်းသား ၂၀၀၀ ကျော်ကို အမြန်ဆုံး လွှတ်ရန်၊ ညှင်းပန်း နှိပ်စက်မှုများ၊ အဓမ္မ လုပ်သားအဖြစ် စေခိုင်းမှုများ၊ အကြောင်းပြချက် မရှိဘဲ ဖမ်းဆီးမှုများ အားလုံးကို အဆုံးသတ်ရန် တောင်းဆိုထားသည်။
အမေရိကန် သံအမတ်ကြီး Eileen Donahoe က မြန်မာနိုင်ငံတွင် လက်ရှိ ဖြစ်ပေါ်နေသော စနစ်တကျ လူ့အခွင့်အရေး ချိုးဖောက်မှုများနှင့် နိုင်ငံရေး အကျဉ်းသားများအပေါ် ညှင်းပန်း နှိပ်စက်မှုများနှင့် ပတ်သက်၍ လွန်စွာ စိုးရိမ်မကင်း ဖြစ်မိကြောင်း ထုတ်ဖော် ပြောဆိုသည်။ "ဆင်းရဲ နွမ်းပါးလွန်းတဲ့ နိုင်ငံတစ်နိုင်ငံရဲ့ လူ့အခွင့်အရေး ကိစ္စကို ကျွန်မတို့ အနေနဲ့ အလွန်အမင်း စိုးရိမ် ပူပန်မိနေဆဲ ဖြစ်ပါတယ်" ဟု ၎င်းကဆိုသည်။ ထို့ပြင် သံအမတ်ကြီးက ပြီးဆုံးသွားသော နိုဝင်ဘာလ ၇ ရက်နေ့ ရွေးကောက်ပွဲသည် လွတ်လပ်ပြီး မျှတမှု မရှိသလို ယုံကြည် စိတ်ချရသော နိုင်ငံရေး ဖြစ်စဉ်တစ်ခု အဖြစ်လည်း ထည့်သွင်း စဉ်းစား၍ မရနိုင်ကြောင်း ပြောသည်။
အာရှနိုင်ငံ အများစုကမူ အတိုက်အခံ ဒေါ်အောင်ဆန်းစုကြည် နေအိမ် အကျယ်ချုပ်မှ ပြန်လည် လွတ်မြောက်မှု နှင့် ဒီမိုကရေစီ ဖော်ဆောင်ရေး ခြေလှမ်းများကို ကြိုဆိုကြောင်း ထုတ်ဖော် ပြောဆိုကြသည်။ သို့သော် အိမ်နီးချင်း အိန္ဒိယ အပါအဝင် အာဆီယံ အဖွဲ့၏ အရေးပါသော နိုင်ငံကြီးများ ဖြစ်သော ထိုင်း နှင့် အင်ဒိုနီးရှားတို့က မြန်မာနိုင်ငံတွင် ဒီမိုကရေစီ ဖော်ဆောင်ရေးနှင့် ပတ်သက်၍ ပိုမို တိုးတက် ဖြစ်ထွန်းသော အနေအထားကို တွေ့မြင်လိုကြောင်း အရိပ်အမြွက်ပြ ပြောဆိုကြသည်။ နိုဝင်ဘာလ ရွေးကောက်ပွဲကို အသိအမှတ် မပြုကြပေ။
"မြန်မာနိုင်ငံသည် ယခုအချိန်တွင် ဒီမိုကရေစီ ဖော်ဆောင်ရေးနှင့် ပတ်သက်ပြီး လွန်စွာ အရေးကြီးသော လမ်းဆုံလမ်းခွသို့ ရောက်ရှိနေပြီ ဖြစ်သည်" ဟု အိန္ဒိယနိုင်ငံက ထုတ်ပြန်သော ကြေညာချက်က ဆိုသည်။
မြန်မာအနေဖြင့် နိုင်ငံရေးသမားများ၊ တိုင်းရင်းသားများ အားလုံးပါဝင်နိုင်ပြီး ကျယ်ပြန့်သော ပြုပြင် ပြောင်းလဲမှု ပြုလုပ်ရန် လိုအပ်ကြောင်း၊ လူ့အခွင့်အရေး ကိစ္စများအတွက် ကြီးမားသည့် ကြိုးပမ်း အားထုတ်မှုများ ပြုလုပ်ရန်လည်း လိုအပ်ကြောင်း အိန္ဒိယနိုင်ငံ၏ ကြေညာချက်က ထောက်ပြသည်။ ထိုင်းနိုင်ငံကမူ မြန်မာနိုင်ငံတွင် ပိုမို ယုံကြည် စိတ်ချ ရသော တရားဥပဒေများ ဖြစ်ထွန်းလာရေး၊ တိုင်းရင်းသား လူမျိုးစုများနှင့် စေ့စပ်ညှိနှိုင်းပြီး လူ့အခွင့်အရေး ကိစ္စများ လုပ်ကိုင် ဆောင်ရွက်ရေးကို လိုလားသည်။
"ရည်မှန်းချက်တွေကို ဆက်လက် အကောင်အထည် ဖော်ပြီး အပြုသဘော ဆောင်သည့် ဖွံ့ဖြိုး တိုးတက်မှုများ အခိုင်အမာ ထွက်ပေါ်လာရေးအတွက် ဆောင်ရွက်ရန် မြန်မာ အာဏာပိုင်များအား ကျွန်ုပ်တို့ နိုင်ငံက တိုက်တွန်းလိုပါသည်" ဟု ထိုင်းနိုင်ငံသံအမတ်ကြီး Kanita Sapphaisal ကပြောကြားသည်။
မည်သို့ပင်ဆိုစေ အိမ်နီးချင်း တရုတ်နိုင်ငံက မြန်မာနိုင်ငံကို ထောက်ခံ အားပေးခဲ့သည်ကို တွေ့ရသည်။ ပြင်ပ ဖိအားပေးမှုများနှင့် ဒဏ်ခတ် အရေးယူမှုများ ပါသော နိုင်ငံရေး သဘောသဘာဝ တစ်ခုသည် ရလဒ်များ ထုတ်ဖော်နိုင်မည် မဟုတ်ဟု တရုတ်နိုင်ငံက သတိပေး ပြောဆိုသည်။ မြန်မာနိုင်ငံကမူ ဒီမိုကရေစီ အသွင် ကူးပြောင်းရေး နောက်ဆုံး အဆင့်သို့ ရောက်ရှိနေပြီ ဖြစ်ပြီး မကြာမီ ရက်သတ္တပတ်အတွင်း လွှတ်တော် ခေါ်ယူတော့မည် ဖြစ်ကြောင်း ပြောဆိုသည်။
"ပြီးဆုံးသွားတဲ့ ရွေးကောက်ပွဲမှာ မဲလိမ်တာတို့၊ အကြမ်းဖက်တာတို့၊ မသမာမှု ကျူးလွန်တာတို့ လုံးဝမရှိခဲ့ပါဘူး" ဟု မြန်မာနိုင်ငံ ဆိုင်ရာသံအမတ်ကြီး ဦးဝဏ္ဏမောင်လွင်က ဆိုသည်။ လူ့အခွင့်အရေး စောင့်ကြည့်သည့် အဖွဲ့တစ်ခု ဖြစ်သော Human Right Watch က လုံခြုံရေး ကောင်စီတွင် ယင်းသို့ နေ့ဝက်မျှ အငြင်းအခုန် ပြုလုပ်ကြခြင်းသည် ကမ္ဘာပေါ်တွင် ဖိနှိပ် ချုပ်ခြယ်မှုများစွာ ပြုလုပ်သည့် အာဏာရှင် နိုင်ငံတစ်ခုအား မီးမောင်း ထိုးပြရာ ရောက်ခဲ့သည်ဟု ချီးမွမ်းလိုက်သည်။
Bangkok Post မှ သတင်းကို ဘာသာ ပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.