Posts
(29 January 2011 ရက်စွဲပါ Associated Press မှ Matt Moore ရေးသားသော Thai PM: I'll do what's best regarding Cambodia ကို ဘာသာ ပြန်ဆိုသည်)
ထိုင်းဝန်ကြီးချုပ်က Associated Press သို့ သောကြာနေ့က ပြောကြားရာတွင် ကမ္ဘောဒီးယားနှင့် နယ်စပ် ပြဿနာ အတွက် ဆန္ဒပြသူများက တောင်းဆိုမှုများ ပြုလုပ်ကြရာ ထိုသို့ တောင်းဆိုရန် ၎င်းတို့တွင် တောင်းဆို ပိုင်ခွင့် ရှိကြောင်း၊ သို့သော် ၎င်းအနေဖြင့် တိုင်းပြည် အတွက် အကောင်းဆုံး လုပ်ပေးမည် ဖြစ်ကြောင်း ဆိုသည်။
ကမ္ဘာ့စီးပွားရေး ဖိုရမ်တွင် သောကြာနေ့က ပြောကြားခဲ့ရာ၌ အဘီဆစ်က နှစ်နိုင်ငံ စလုံးသည် အာဆီယံ အဖွဲ့ဝင် နိုင်ငံများ ဖြစ်သည့် အလျောက် ပြဿနာ အဖြေသည် ငြိမ်းချမ်းစွာ ဖြစ်ရမည် ဖြစ်ပြီး ထိုင်းတို့၏ အကျိုး စီးပွားကိုလည်း ကာကွယ် ရမည်ဟု ဆိုသည်။
ယခု အပတ် အစောပိုင်းက ရှပ်ဝါဟု လူသိများသော People's Alliance for Democracy နှင့် လူအများ လက်မခံသော အုပ်စုတို့က စီတန်း လှည့်လည် ခဲ့ရာ ပြန်လည် ငြိမ်သက်စ တိုင်းပြည်တွင် တင်းမာမှုများကို ဖြစ်စေခဲ့သည်။ တနင်္လာနေ့တွင် ရဲများက လူငါးဦးအား ဆန္ဒပြသူများကို ဗုံးခွဲရန် စီစဉ်သည်ဟု စွပ်စွဲကာ ဖမ်းဆီးခဲ့သည်။ ဆန္ဒပြသူများက ၂၀၀၈ ခုနှစ်က ရှပ်ဝါများ သုံးလကြာ နေရာ ယူခဲ့သော ဝန်ကြီးချုပ်ရုံးနှင့် ကုလ သမဂ္ဂ၏ အာရှ ဆိုင်ရာ ဌာနချုပ် အနီး အဓိက လမ်းမကြီး တလျှောက်တွင် စင်မြင့် ထိုးခဲ့သည်။
ဆန္ဒပြသူများသည် အစိုးရအား နယ်စပ် အငြင်းပွားမှု အတွက် ကမ္ဘောဒီးယားနှင့် သဘော တူညီချက် ရရန် ကြိုးပမ်းရေး၊ နယ်စပ်ရှိ ဘုရားကျောင်းအား ၎င်းတို့ အထိမ်းအမှတ် အဖြစ် ကမ္ဘောဒီးယားက လျှောက်ထားမှုအား သဘော တူခဲ့သော ကုလ သမဂ္ဂ ပညာရေး သိပံ္ပနှင့် ယဉ်ကျေးမှု အဖွဲ့၏ ကမ္ဘာ့ အမွေအနှစ် ကော်မတီမှ နုတ်ထွက်ရန်နှင့် အငြင်း ပွားနေသော နယ်စပ်မှ ကမ္ဘောဒီးယား လူမျိုးများအား နှင်ထုတ်ရန် ထိုင်းနိုင်ငံမှသာ ပိုင်ဆိုင်သင့်ကြောင်း ၎င်းတို့က တောင်းဆိုခဲ့သည်။
"နှစ်နိုင်ငံ စလုံးဟာ အာဆီယံ နိုင်ငံတွေ ဖြစ်တော့ ကောင်းမွန်တဲ့ ဆက်ဆံရေးကို ထိန်းသိမ်းရပါမယ်၊ တစ်ချိန်တည်းမှာလည်း ထိုင်းရဲ့ အကျိုး စီးပွားကိုလည်း ကာကွယ်ရပါမယ်၊ အဲဒီတော့ ကျွန်တော်တို့ လုပ်နိုင်တာကတော့ အကောင်းဆုံး ချဉ်းကပ်နိုင်တဲ့ နည်းလမ်းတွေ ရှိပါတယ် ဆိုတာ ရှင်းပြရပါမယ်၊ ထိုင်းပြည်သူ အများစုရဲ့ ထောက်ခံမှုကို ရလိမ့်မယ်လို့ ကျွန်တော် ယုံကြည်ပါတယ်" ဟု အဘီဆစ်က ပြောကြားခဲ့သည်။
ကမ္ဘောဒီးယားနှင့် ထိုင်းနယ်စပ်ရှိ ဘုရားကျောင်း ကိစ္စ ပိုင်ဆိုင်မှု အငြင်းပွားခြင်းမှာ ရှေးယခင် ကတည်းက ရှိခဲ့သော်လည်း ယခုအခါ ထိုင်းနိုင်ငံ ပြည်တွင်း နိုင်ငံရေး ကိစ္စ အဖြစ် ပြောင်းသွားခဲ့သည်။
၁၉၆၂ ခုနှစ်က International Court of Justice က ၁၁ ရာစုက Preah Vihear ဘုရားကျောင်းအား ကမ္ဘောဒီးယားက ပိုင်ဆိုင်ကြောင်း သတ်မှတ် ပေးခဲ့သော်လည်း အဆိုပါ ဆုံးဖြတ် ချက်ကို ထိုင်းတို့က မကျေနပ်၍ ဘုရားကျောင်း ပတ်လည်ရှိ မြေအား ယနေ့ထိ တောင်းဆိုနေဆဲ ဖြစ်သည်။
အိမ်နီးချင်း မြန်မာ နိုင်ငံနှင့် ပတ်သက်၍ ၎င်းက ပြောကြားရာတွင် မြန်မာ နိုင်ငံတွင် မကြာမီက ကျင်းပခဲ့သော ရွေးကောက်ပွဲသည် ပြီးပြည့်စုံခြင်း မရှိစေကာမူ ၎င်းသည် ပထမ ခြေလှမ်း အဖြစ် အရေးကြီးကြောင်း တဖြည်းဖြည်း လမ်းပွင့်လာခြင်းကို စောင့်ကြည့်ပြီး နိုင်ငံရေး လုပ်ငန်းစဉ်၌ ပိုမို ပါဝင်လာနိုင်ရေး လုပ်ဆောင်ပေးရမည် ဖြစ်ကြောင်း၊ မြန်မာ နိုင်ငံတွင် ထိုသို့ ဖြစ်ပေါ်လာရေး အတွက် မိမိတို့ ထောက်ခံ ကူညီနိုင်ရေးအား တကမ္ဘာလုံးက လုပ်ဆောင်ပေးလိမ့်မည်ဟု မျှော်လင့်ကြောင်း ပြောခဲ့သည်။
ဒေါ်အောင်ဆန်းစုကြည်အား လွှတ်ပေးခဲ့ခြင်းသည် အဆိုပါ လုပ်ငန်းစဉ် အတွက် အပေါင်း လက္ခဏာ ဆောင်သော ခြေလှမ်း ဖြစ်ကြောင်း ၎င်းက ညွှန်ပြခဲ့သည်။
ထို့နောက် ဖိုရမ်တွင် ဒေါ်အောင်ဆန်းစုကြည်က အသံသွင်းထားသော မိန့်ခွန်းကို ဖွင့်ပြရာတွင် သူမ၏ တိုင်းပြည်၌ နည်းပညာ၊ အခြေခံ အဆောက်အဦများတွင် ရင်းနှီးမြှုပ်နှံကြရန်နှင့် အသေးစား ချေးငွေ အစီအစဉ်များ အတွက် ဖိတ်ခေါ်ခဲ့သည်။ သို့သော် ရင်းနှီးမြှုပ်နှံသူများ အနေဖြင့် ပတ်ဝန်းကျင် ဆိုင်ရာနှင့် လူမှုရေး ဆိုင်ရာ ဘေးထွက် ဆိုးကျိုးများနှင့် ပေးဆပ်ရမှု များကို သေချာစွာ ဂရုပြု ကြည့်ရှုကြရန် သတိပေးခဲ့သည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.