Posts
The Telegraph, By Nishit Dholabhai and Archis Mohan, 21st July 2010
ထောက်လှမ်းရေး အေဂျင်စီများသည် မြန်မာနိုင်ငံတွင် တရုတ်နိုင်ငံသား စီးပွားရေးသမားများ တိုးပွားလာမှုကို စိုးရိမ်လျက် ရှိကြောင်းကို မြန်မာ အစိုးရ ခေါင်းဆောင် အိန္ဒိယနိုင်ငံသို့ မလာမီ ပြောကြားလာသည်။
အဆိုပါ စိုးရိမ်မှုကို ဗိုလ်ချုပ်မှူးကြီး သန်းရွှေနှင့် အိန္ဒိယတို့ ဆွေးနွေးသည့် အခါ ထည့်သွင်း ဆွေးနွေးရန် မျှော်လင့်ပြီး၊ အိန္ဒိယ ရင်းနှီး မြှုပ်နှံမှုကြီးများကို ဖိတ်ခေါ်ရန် မျှော်လင့်နေသည်။
တရုတ်ကုန်သည်များသည် နယ်စပ်တွင် သာမက ကုန်းတွင်းပိုင်းတွင်ပါ ကြီးထွား သြဇာ လွှမ်းမိုးလာမှုကို အရေးကြီးသော အချက် တစ်ခုအဖြစ် သတိပေးလာရပြီး၊ ၎င်းတို့၏ နယ်ပယ် ချဲ့ထွင်မှုမှာTamils များ၏ ကုန်ကျစရိတ်ဖြင့် ချဲ့ထွင်လာခြင်း ဖြစ်သည်။ အဆိုပါ လမ်းကြောင်းကို မန္တလေးနှင့် တမူးကြားရှိ ကုန်သွယ်မှု အဓိက လမ်းကြောင်းတွင် သတိပြုမိလာသည်။ "ထောက်လှမ်းရေး အစီရင်ခံစာက နောက်ငါးနှစ်အတွင်း မြန်မာနိုင်ငံသည် တရုတ်၏ ကိုလိုနီ ဖြစ်သွားလိမ့်မည် ဖြစ်ကြောင်း ပြောခဲ့ပါသည်'' ဟု ပြည်ထဲရေး ဋ္ဌာနမှ တာဝန်ရှိသူက The Telegraph သို့ ပြောကြားခဲ့သည်။
အဆိုပါ ဒေသ တမီးလ် မိသားစုများ ရောက်ရှိနေသည်မှာ ရာစုနှစ် တစ်ခု ကျော်ပြီ ဖြစ်သည်။ "အကောင်းဆုံး အိန္ဒိယ တောင်ပိုင်း အစားအစာကို မိုရေးမှာသာ ရနိုင်တယ်လို့ ကျွန်တော်တို့ ရယ်စရာ ပြောလေ့ ရှိပါတယ်'' ဟု Imphal Free Press မှ အယ်ဒီတာ Pradip Phanjoubam က ပြောသည်။ ယခုအခါ တရုတ် ကုန်သည်များသည် တမီးလ် ပြိုင်ဖက်များကို ဖယ်၍ နေရာယူလာကြပြီး၊ တမီးလ်များသည် မိုရေးသို့ ရေကြည်ရာ မြက်နုရာ ရွှေ့ပြောင်း နေရာ ရှာနေကြရပြီ ဖြစ်သည်။
အိန္ဒိယတွင် နောက်ထပ် စိုးရိမ်ဖွယ် အကြောင်းကလည်း ရှိနေပြန်သည်။ တိဗက်-အိန္ဒိယ-မြန်မာ သုံးပွင့်ဆိုင် ဆုံသည့် နေရာအနီးရှိ Arunachal Praclesh ၏ Kibitho ရွာများတွင် ရှိသော ဒေသခံ သတင်းများအရ တရုတ် တိုင်းရင်းသား ဟန်လူမျိုး လူဦးရေသည် ၎င်းတို့ဒေသတွင် လွန်ခဲ့သော နှစ်များအတွင်း နှစ်ဆ တိုးလာခဲ့သည်ဟု ဆိုသည်။
Beijing ၏ မူဝါဒ အရ တိဗက်လူမျိုးများ နေထိုင်ရာ ဒေသများသို့ ဟန်လူမျိုးများ ဝင်ရောက် နေထိုင်ရန် အားပေးလျက်ရှိသောကြောင့် ၂၀၀၈ ခုနှစ်က တိဗက်တွင် အဓိကရုဏ်းများ ဖြစ်ပွားခဲ့သည်။ အဆိုပါ အကျိုးဆက် အရ Arunachal တွင် ဟန်လူမျိုးများ ဝင်ရောက်လာခြင်း ဖြစ်သည်။ တိဗက် ခေါင်းဆောင် Dalai Lama အား အဆိုပါ အဓိကရုဏ်းအတွက် စီမံပေးသူ အဖြစ် စွပ်စွဲခဲ့သော်လည်း၊ Dalai Lama က ဟန်လူမျိုးများ ရွှေ့ပြောင်း ဝင်ရောက်လာမှုမှာ အကြောင်းရင်း ဖြစ်သည်ဟု ဆိုသည်။ ပြီးခဲ့သည့် နှစ်က Xinijiang တွင် ဖြစ်ပွားသော Uighur မငြိမ်သက်မှု အရေးအခင်းတွင်လည်း ဟန်လူမျိုးများ ဝင်ရောက် အခြေချခြင်းကြောင့်ဟု အပြစ်တင်ခဲ့ကြသည်။
မြန်မာနိုင်ငံသည် နယူးဒေလီ အတွက် မဟာဗျူဟာ အရ အရေးကြီးသည်။ မဏိပူရနှင့် အရှေ့မြောက်ရှိ အခြား ပြည်နယ်များမှ စစ်သွေးကြွများသည် မြောက်ပိုင်း တောထဲတွင် နေစရာ ရှာ၍ နေထိုင်ကြသည်။ ၎င်းတို့သည် လက်နက် ရောင်းဝယ်ရန်နှင့် မူးယစ်ဆေးဝါး ရောင်းဝယ်ရန် မြန်မာနိုင်ငံကို လမ်းကြောင်း အဖြစ် အသုံးပြုကြသည်။
ဗိုလ်ချုပ်ကြီး Shew သည် လာမည့်အပတ် မြန်မာနှင့် တွေ့ဆုံရာတွင် ကောင်းခြင်းများ သယ်ဆောင်လာနိုင်မည် ဖြစ်ပြီး၊ ရေအားလျှပ်စစ်၊ စွမ်းအင် ဆာလောင်နေသော အိန္ဒိယ အတွက် ရေနံနှင့် သဘာဝ ဓါတ်ငွေ့ စီမံကိန်းများတွင် ရင်းနှီးမြှုပ်နှံမှု အခွင့်အလမ်းများ အဓိက ရှာဖွေနိုင်လိမ့်မည် ဖြစ်သည်။
အသက် (၇၇) နှစ်ရှိ မြန်မာ ခေါင်းဆောင်သည် စီးပွားရေး မဟုတ်ဘဲ ဘာသာရေးဖြင့် အိန္ဒိယ ပြည်သူများ၏ အသည်းနှလုံးကို သိမ်းပိုက်ရန် ကြိုးစားလိမ့်မည် ဖြစ်သည်။ ဗိုလ်ချုပ်မှူးကြီး သန်းရွှေသည် မြောက်ကိုးရီးယား၏ ကင်ဂျုံအီနှင့် ဇင်ဘာဘွေ၏ ရောဘတ်မူဂါဘေ တို့နောက်တွင် ကမ္ဘာပေါ်တွင် တတိယ အဆိုးဝါးဆုံး အာဏာရှင် အဖြစ် Foreign Policy မဂ္ဂဇင်းက သတ်မှတ်ထားပြီး၊ ၎င်း၏ အိန္ဒိယ ခရီးစဉ်ကို ဗုဒ္ဓဂါယာသို့ စတင် သွားရောက်ခြင်းဖြင့် စတင်မည် ဖြစ်သည်။
၎င်းသည် ခရီးစဉ် အတွင်း မြန်မာနိုင်ငံမှ အာနန္ဒာ ဘုရားအား ထိန်းသိမ်းရေးအတွက် အိန္ဒိယ၏ အကူအညီ တောင်းခံမည် ဖြစ်သည်။ အာနန္ဒာ ဘုရားသည် အိန္ဒိယ Bengal ရှိ ဘုရားများ၏ ဗိသုကာ လက်ရာနှင့် ဆင်တူပြီး၊ နှစ်ပေါင်း (၉၀၀) ကျော် ရှိနေပြီ ဖြစ်ရာ ထိန်းသိမ်းရေးအတွက် အိန္ဒိယ ရှေးဟောင်း သုတေသန တိုင်းတာမှု Archaeological Survey of India ကို အလိုရှိနေသည်။
သန်းရွှေသည် ၎င်း၏ ၂၅ ရက်မှ ၂၉ ရက် ခရီးစဉ် အတွင်း သမ္မတ Pratibha Patil နှင့်လည်းကောင်း၊ ဝန်ကြီးချုပ် Manmohan Singh နှင့်လည်းကောင်း၊ အခြား ခေါင်းဆောင်များနှင့် လည်းကောင်း တွေ့ဆုံရန် စီစဉ်ထားသည်။ ၎င်း၏ စီးပွားရေးနှင့် ပတ်သက်သော တွေ့ဆုံမှုများတွင် Ratan Tata ကဲ့သို့သော အင်အားကြီး လုပ်ငန်းများနှင့် တွေ့ဆုံရန် စီစဉ်ထားသည်။ Tata နှင့် မော်တော်ယာဉ် စက်ရုံ ထူထောင်ရန် အစီအစဉ် ရှိသည်။ မြန်မာနိုင်ငံသည် ဂျစ်ကားသာ ထုတ်လုပ်လျက် ရှိရာ ထရပ်ကားနှင့် အခြားကားများ အတွက် ဈေးကွက်ကြီး ရှိနေသည်။ ထို့အပြင် ဟိုင်ဒရာဘတ်ရှိ သတင်း အချက်အလက် နည်းပညာ၊ ဆေးဝါး ကုမ္ပဏီများသို့ သွားရောက်ရန်လည်း စီစဉ်ထားသည်။
သန်းရွှေ၏ ခရီးစဉ် အပေါ် အိန္ဒိယ အနေဖြင့် အိမ်နီးချင်းများအား မည်သို့ပင် ဖြစ်နေစေကာမူ လက်တွေ့ကျသော ဆက်ဆံရေး ပြုလုပ်ရန် နိုင်ငံခြားမူဝါဒ အတွက် စိတ်ဓာတ် ပြင်းထန်လျက် ရှိခြင်း၏ လက္ခဏာ အဖြစ် ရှုမြင်ကြရမည် ဖြစ်သည်။ နယးဒေလီသည် မြန်မာနိုင်ငံနှင့် စတင် မဆက်ဆံမီက ဒေါ်အောင်ဆန်းစုကြည် ခေါင်းဆောင်သော ဒီမိုကရေစီ လှုပ်ရှားမှုများကို ထောက်ခံခဲ့သည်။ "မြန်မာနိုင်ငံနဲ့ ဆက်ဆံရေးဟာ ပြုစု ပျိုးထောင်ပေးဖို့ လိုအပ်ပါတယ်'' ဟု ထိပ်တန်း နိုင်ငံခြားရေး ဋ္ဌာန အရာထမ်း တစ်ဦးက ပြောသည်။
အိန္ဒိယနှင့် မြန်မာနိုင်ငံတို့သည် ပိုမို နီးကပ်သော မဟာဗျူဟာနှင့် စီးပွာရေး ဆက်ဆံရေး များအတွက် လုပ်ကိုင်လျက် ရှိသည်။ ဗိုလ်ချုပ်မှူးကြီး သန်းရွှေသည် ၂၀၀၄ ခုနှစ် အစောပိုင်းက အိန္ဒိယသို့ လာရောက် လည်ပတ်ခဲ့သည်။ နောင်နှစ်နှစ် ကြာသောအခါ သမ္မတ A.P.J.Abdul Kalam သည် မြန်မာနိုင်ငံသို့ သွားရောက်ခဲ့သည်။ မြန်မာနိုင်ငံမှ နံပါတ် (၂) ခေါင်းဆောင် မောင်အေးသည် ၂၀၀၈ ခုနှစ်က အိန္ဒိယသို့ လာရောက်ခဲ့သည်။ မနှစ်က ဒုတိယ သမ္မတ Hamid Ansari ရော စစ်ဦးစီးချုပ်ပါ မြန်မာနိုင်ငံသို့ သွားရောက်ခဲ့ကြသည်။ ယခုနှစ် အစောပိုင်းက နိုင်ငံခြားရေး ဝန်ကြီး Nirupama Rao နှင့် ပြည်ထဲရေး ဝန်ကြီး G.K.Pillai တို့လည်း မြန်မာနိုင်ငံသို့ သွားရောက်ခဲ့ကြသည်။
နှစ်နိုင်ငံ ကုန်သွယ်မှုမှာ ဒေါ်လာ(၁) ဘီလျံကျော် (Rs ၄,၇၀၀ crore) ရှိသည်။ သို့သော် အိန္ဒိယသည် မြန်မာနိုင်ငံတွင် ကြီးမားသော ရင်းနှီးမြှုပ်နှံမှုများ မရှိ်ပါ။ တစ်ခုတည်းသော လုပ်ငန်းမှာ Essart အုပ်စုမှ ၂၀၀၇ ခုနှစ်ကတည်းက Rs ၅၃၅ crore ရင်းနှီးမြှုပ်နှံသည့် ကုလားတန်မြစ် ပရောဂျက် ဖြစ်သည်။ အဆိုပါ စီမံကိန်းတွင် ကုလားတန်မြစ်အား မီဇိုရမ် အထိ အချိန်မရွေး သွားနိုင်အောင် ပြုလုပ်မည် ဖြစ်ရာ ၂၀၁၃တွင် စတင် အသုံးပြုနိုင်မည် ဖြစ်သည်။ အဆိုပါ စီမံကိန်းကြောင့် ဘင်္ဂလားဒေ့ရှ်၏ စစ်တကောင်းနှင့် Khulna ဆိပ်ကမ်းများ တိုးတက်လာပြီး၊ အိန္ဒိယ အရှေ့မြောက်သို့ အစားအသောက်များ တင်ပို့နိုင်မည် ဖြစ်သည်။
--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.