Posts
Bangkok Post, 26th July 2010
ထိုင်းနိုင်ငံ တပ်စ် ပြည်နယ် မဲဆောက် ခရိုင်ရှိ ထိုင်း-မြန်မာ နယ်စပ်ကို ပိတ်ရန် မြန်မာနိုင်ငံက ဆုံးဖြတ်ခဲ့ခြင်းနှင့် ပတ်သက်၍ ဆွေးနွေးရန် အတွက် ထိုင်းနိုင်ငံဆိုင်ရာ မြန်မာ သံအမတ်ကြီးသည် ထိုင်း ဒုတိယ ကုန်သွယ်ရေး ဝန်ကြီး အလွန် ခွန်မွန်လာဘွတ်ထံ ယနေ့ သွားရောက် တွေ့ဆုံမည် ဖြစ်သည်။
ဘန်ကောက်မှ သံအမတ်ကြီး ဦးအောင်သိန်းနှင့် မြန်မာ စစ်သံမှူး ဗိုလ်မှူးကြီး ဝင်းမောင်တို့သည် မစ္စတာ အလွန်ခွန်နှင့် ဆွေးနွေးရန် မဲဆောက်သို့ မနေ့က ထွက်ခွာသွားသည်။
နှစ်နိုင်ငံ ကိုယ်စားလှယ်များသည် မဲဆောက် ခရိုင်ရုံးတွင် တွေ့ဆုံကာ နယ်စပ် ကုန်သွယ်ရေး ပိတ်ထားခြင်း၏ သက်ရောက်မှုကို ဆွေးနွေးကြမည် ဖြစ်သည်။
၎င်းတို့သည် မဲဆောက်ရှိ မွိုင်မြစ် (သောင်ရင်းမြစ်) ထိုင်းနိုင်ငံ ဘက်ခြမ်းတွင် ကွန်ကရစ် တာဘောင် တည်ဆောက်နေမှုကို ပူးတွဲ စစ်ဆေးကြမည် ဖြစ်ပြီး ၎င်းကိစ္စသည် မြန်မာဘက်မှ နယ်စပ် ပိတ်လိုက်ခြင်း၏ အကြောင်းရင်း ဖြစ်သည်။
သဘာဝ နယ်နမိတ် မျဉ်းသဖွယ် ဖြစ်နေသည့် မွိုင်မြစ် (သောင်ရင်းမြစ်) တွင် တာဘောင် တည်ဆောက်ခြင်းကို ကန့်ကွက်သည့် အနေဖြင့် မြန်မာနိုင်ငံက မဲဆောက်-မြဝတီ နယ်စပ် စစ်ဆေးရေးဂိတ်၏ မြန်မာဖက်ခြမ်းကို ဇူလိုင် ၁၈ ရက်တွင် ပိတ်ခဲ့ခြင်း ဖြစ်သည်။
နှစ်နိုင်ငံ ကိုယ်စားလှယ်များ အကြား ဆွေးနွေးမှုများသည် နယ်စပ် ပြဿနာများ အပေါ် နားလည် သဘော တူညီမှု ပိုမို ရရှိစေခဲ့သည်ဟု ဗိုလ်မှူးကြီး ဝင်းမောင်က ပြောကြားခဲ့ပြီး မကြာမီ သတင်းကောင်းများ ကြားရလိမ့်မည်ဟု ၎င်းက ဆိုသည်။
မစ္စတာ အလွန်ခွန်နှင့် ဦးဝင်းမောင်တို့သည် နယ်စပ် ပိတ်ထားမှုနှင့် လတ်တလော တင်းမာမှုတို့ အပေါ် အစောပိုင်းက ဆွေးနွေးခဲ့ကြသေးသည်ဟု သတင်းရပ်ကွက် တစ်ခုက ဆိုသည်။
သောင်ရင်းမြစ် တစ်လျှောက်ရှိ လှေဆိပ်များ အပါအဝင် မဲဆောက်နှင့် မျက်နှာချင်းဆိုင် ဘက်ခြမ်းမှ DRBA အခြေစိုက် စခန်းများကိုပါ မြန်မာ အစိုးရ တပ်ဖွဲ့များက လတ်တလော ထိန်းချုပ်ရန် ကြိုးစားလာခြင်းကြောင့် တင်းမာမှုများ ကြီးထွားလာခဲ့သည်။ အထက်ပါ မြန်မာ စစ်တပ်၏ လှုပ်ရှားမှုကြောင့် ကရင် တိုင်းရင်းသား ၄၀၀ ကျော် ထိုင်းနိုင်ငံသို့ ထွက်ပြေးသွားခဲ့ကြသည်။
မြန်မာ အစိုးရက ၎င်း၏ ယခင် မဟာမိတ် DKBA ကို ၎င်း၏ လက်အောက်တွင် နယ်ခြားစောင့်တပ်ဖွဲ့ အဖြစ် တာဝန်ယူ စေလိုသော်လည်း အဆိုပါ ကမ်းလှမ်းမှုကို ကရင်တို့က ပယ်ချလိုက်သည်ဟု သိရှိရသည်။
မြန်မာ စစ်တပ်က DKBA လက်ထဲမှ ကူးတို့ လှေဆိပ် ၂၀ ခန့်ကို ရယူ ထိန်းချုပ်ခဲ့ကာ နှစ်နိုင်ငံ အကြား လူများ၊ ပစ္စည်းများ ဖြတ်သန်းမှုကို ပိတ်ပင်လိုက်သည်ဟု အဆိုပါ သတင်းရပ်ကွက်က ဆိုသည်။ ကူးတို့ဆိပ်များကို ဖြတ်သန်း သယ်ဆောင်နေသည့် ကုန်စည်များကို အစောပိုင်းတွင် DKBA က အခွန်ကောက်ယူ နေခဲ့ခြင်း ဖြစ်သည်။ မြန်မာ စစ်တပ်က ၎င်းတို့သည် ကူးတို့ဆိပ်တွင် အခွန်ကောက်မှုကို ထိန်းချုပ်လိုခြင်းသာ ဖြစ်သည်ဟု အကြောင်းပြခဲ့သည်။
မြန်မာ အစိုးရက နယ်စပ်ကို ပိတ်လိုက်ခြင်းမှာ တာဘောင် တည်ဆောက်မှုကြောင့်သာ မဟုတ်ဘဲ နယ်စပ် ကုန်သွယ်ရေးကိုပါ ထိန်းချုပ်လိုခြင်းကြောင့် ဖြစ်သည်ဟု ထိုင်းလုံခြုံရေး အရာရှိ တစ်ဦးက မှတ်ချက်ပေးသည်။
--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.