Posts
မြန်မာ စစ်အစိုးရ၏ ကမ်းလှမ်းချက် ဖြစ်သော နယ်စပ် ဒေသစောင့်တပ် ပြောင်းလဲ ဖွဲ့စည်းရေး အစီအစဉ်ကို ဒီမိုကရက်တစ် ကရင် ဗုဒ္ဓဘာသာ တပ်မတော် (DKBA) အမှတ် ၉၀၇ တပ်မှူး ဗိုလ်ချုပ် Na Kham Mwe က ပယ်ချခဲ့ခြင်းကြောင့် မြန်မာစစ်တပ်နှင့် DKBA အကြား တင်းမာမှုများ ဖြစ်ပွားကြောင်း စုံစမ်း သိရှိရသည်။ သတင်း ပေးပို့ချက်များအရ ယခုအခါ မြန်မာစစ်တပ်က နယ်စပ် ဒေသစောင့်တပ် အသွင် ကူးပြောင်းရေးအပေါ် သဘောထားချင်း တိုက်ဆိုင်မှု မရှိသော DKBA တပ်ဖွဲ့ကို ထိုးစစ် ဆင်ရန် ဝလေး(Walay) ကျေးရွာအနီးသို့ အမြှောက်တပ် ပြောင်းရွှေ့ ခြေကုပ်ယူရန် စီစဉ်လျက် ရှိသည်။
ကရင် အမျိုးသား သမဂ္ဂ (KNU) ဒုတိယ ဥက္ကဋ္ဌ David Thakrabaw က ထိုင်းနယ်စပ် ဒေသသို့ ဒုက္ခသည် ၆၀၀ ခန့် ပြောင်းရွှေ့ ထွက်ပြေးသွားခဲ့ကြောင်း DVB သတင်းဌာနသို့ ဇူလိုင်လ ၂၆ ရက်နေ့တွင် ပြောကြားသည်။ KNU ၏ အဖွဲ့ခွဲတစ်ခု ဖြစ်သော ကရင်အမျိုးသား လွတ်မြောက်ရေး တပ်ဖွဲ့ (KNLA) ငြိမ်းချမ်းရေး ကောင်စီ အဆိုအရ အမျိုးသမီးများနှင့် ကလေးငယ် ဒုက္ခသည် ၃၀၀ ခန့် ဝလေးကျေးရွာမှ ထိုင်းနိုင်ငံ နယ်စပ် ဒေသဘက်သို့ ထွက်ပြေး တိမ်းရှောင်သွားကြောင်း သိရသည်။
ထိုင်းနယ်စပ်မြို့ ဖြစ်သော မဲဆောက်တွင် နေထိုင်သော ကရင် တိုင်းရင်းသား တစ်ဦးက "Thay Baw Bo ကျေးရွာက ရွာသား ၁၅၀ လောက်နဲ့ Mae Kae ကျေးရွာမှ ရွာသား ၃၀၀ လောက် နယ်စပ်ဘက်ကို ထွက်ပြေးလာကြတယ်။ ဘာဖြစ်လို့လဲ ဆိုတော့ မြန်မာ အစိုးရက DKBA ဗိုလ်ချုပ် Na Kham Mwe ကို ဖမ်းဆီးဖို့ ကြိုးစားနေလို့ပါ" ဟု ပြောကြားသည်။
KNU/KNLA ငြိမ်းချမ်းရေး ကောင်စီက ယခုအခါ မတူညီသော ကရင် လက်နက်ကိုင် အုပ်စုများသည် မြန်မာ စစ်အစိုးရ၏ ခြိမ်းခြောက်မှုကို ကာကွယ်ရန် စုစည်း ညီညွတ်လျက် ရှိကြောင်း ပြောဆိုသည်။ ကရင် ရွာသားများကလည်း မြန်မာ စစ်တပ်၏ ထိုးစစ်ကို ခုခံရာတွင် အကူအညီ ပေးရန် အသင့်ဖြစ်နေပြီ ဖြစ်သည်ဟု ဆိုသည်။
DKBA အဖွဲ့ကသာ မြန်မာ စစ်တပ်ကို ခုခံ တိုက်ခိုက်မည် ဆိုပါက KNU ကလည်း DKBA ဘက်မှ ကျောထောက်နောက်ခံ ပေးသွားမည် ဖြစ်ကြောင်း David Thackrabaw က အတည်ပြု ပြောဆိုသည်။ ထို့ပြင် မြန်မာ စစ်အစိုးရက ပဏာမ သဘောတူညီချက် ဖြစ်သော DKBA အား ကရင်ပြည်နယ် တစ်ခုလုံးကို အုပ်ချုပ်ခွင့်ပေးမည် ဟူသော ကိစ္စအား ဖျက်သိမ်း ပစ်လိုက်ကြောင်း ၎င်းက ဖြည့်စွက် ပြောဆိုသည်။
သို့သော် DKBA တပ်ဖွဲ့အတွင်း စစ်အစိုးရကို လိုလားသူနှင့် ဆန့်ကျင်သူ အုပ်စု ပမာဏ မည်၍ မည်မျှ ရှိသည် ဟူသည်ကို အတိအကျ မသိရသေးကြောင်း၊ မြန်မာစစ်တပ်က ၎င်းတို့ကို လိုလား ထောက်ခံသူ DKBA အုပ်စုများနှင့် ပူးပေါင်းပြီး တိုက်ခိုက် ထိုးစစ်ဆင်လာဖွယ် ရှိကြောင်း ၎င်းက ဆိုသည်။
KNLA ကွပ်ကဲရေးမှူး ဗိုလ်မှူးကြီး Ner Dah က လတ်တလော အနေအထားတွင် KNLA ၏ အရေးကိစ္စနှင့် ပတ်သက်၍ သုံးသပ်ချက် ပြောဆိုရင် အချိန် စောလွန်းသေးကြောင်း ပြောဆိုသည်။ "လက်ရှိ အချိန်မှာ အားလုံးက အရမ်းကို ရှုပ်ထွေးနေပါတယ်" ဟု ၎င်းက ပြောသည်။ သို့အတွက်ကြောင့် KNLA ၏ မဟာဗျူဟာ သတင်း အချက်အလက်နှင့် ပတ်သက်၍ သတင်း ထုတ်ပြန်ရန် ဝန်လေးနေသည်ဟု ဆိုသည်။
KNU/KNLA ငြိမ်းချမ်းရေး ကောင်စီက ကျန်းမာရေးနှင့် လူသားချင်း စာနာ ထောက်ထားသော အကူအညီများ ရရှိရန် အရေးပေါ် လိုအပ်လျက် ရှိသည်ဟု သတင်း ထုတ်ပြန်သည်။
DVB သတင်းကို ဘာသာ ပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.