Posts
ပြောရဆိုရ ခက်ခဲသော မြန်မာ စစ်အာဏာရှင် ဗိုလ်ချုပ်မှူးကြီး သန်းရွှေ အိန္ဒိယနိုင်ငံသို့ နိုင်ငံတော် ခရီးစဉ်အဖြစ် လာရောက် လည်ပတ်စဉ် အတွင်း အိန္ဒိယ အစိုးရ အနေဖြင့် မြန်မာနိုင်ငံ၏ လူ့အခွင့်အရေး ကိစ္စများနှင့် ပတ်သက်၍ ရှင်းလင်း ပြတ်သားသော အမှာစကားများ ပြောဆိုမည်ဟု မျှော်လင့်မိကြောင်း အမေရိကန် ပြည်ထောင်စုက ဇူလိုင်လ ၂၄ ရက်နေ့တွင် သဘောထား ထုတ်ပြန်သည်။
ဗိုလ်ချုပ်မှူးကြီး သန်းရွှေသည် ခရီးစဉ်အတွင်း တစ်ချိန် တစ်ခါက ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို မမှိတ်မသုန် ထောက်ခံခဲ့ဖူးသော အိန္ဒိယနိုင်ငံ၏ ထိပ်သီး ခေါင်းဆောင်ကြီးများနှင့် တွေ့ဆုံမည် ဖြစ်သည်။
"အိန္ဒိယနဲ့ အခြားနိုင်ငံတွေ အနေနဲ့ မြန်မာနိုင်ငံဟာ အပြောင်းအလဲ လုပ်ဖို့ လိုအပ်နေတယ် ဆိုတဲ့ အချက်ကို ပေါ်လွင်အောင် ပြောဆိုပေးဖို့ ကျွန်တော်တို့ အားပေး တိုက်တွန်းလိုပါတယ်" ဟု အမေရိကန် နိုင်ငံခြားရေး ဝန်ကြီးဌာန ပြောရေးဆိုခွင့် ရှိသူ Philip Crowley က ပြောကြားသည်။ မြန်မာ (Myanmar) ဟု မခေါ်ဆိုဘဲ ယခင်နာမည် ဖြစ်သော ဘားမား (Burma) ဟု ၎င်းက သုံးစွဲ ပြောဆိုသည်။
မြန်မာ အစိုးရနှင့် စေ့စပ်ညှိနှိုင်းမှု ပြုလုပ်သော နိုင်ငံများတွင် တိုက်ရိုက် ပြောဆို ဆက်သွယ်ရန် တာဝန်ကိုယ်စီ ရှိသလို မြန်မာနိုင်ငံ၏ တာဝန် ယူမှုများနှင့် ပတ်သက်ပြီး ဖိအားပေးရန်လည်း တာဝန်ရှိကြသည်ဟု အမေရိကန် ပြည်ထောင်စုက ယုံကြည်ထားကြောင်း မစ္စတာ Philip Crowley က ပြောသည်။
"အဲဒီ တာဝန် ယူမှုတွေမှာ နျူကလီယာ ပြန့်ပွားမှု ကာကွယ်ပေးရေးလည်း ပါဝင်ပါတယ်။ ဒါမှမဟုတ် မြန်မာ အစိုးရ အနေနဲ့ မြန်မာနိုင်ငံမှာ ရှိတဲ့ အတိုက်အခံတွေနဲ့ အခြား တိုင်းရင်းသား လူမျိုးစုတွေနဲ့ အပြုသဘော ဆောင်တဲ့ စေ့စပ် ညှိနှိုင်းမှုတွေ လုပ်ဖို့ တဲ့တိုး ပြောဖို့လည်း ဖြစ်ပါတယ်" ဟု ၎င်းက ဆိုသည်။
အကြမ်း မဖက်သော ငြိမ်းချမ်းရေး ပုဂ္ဂိုလ်ကြီး မဟတ္တမ ဂန္ဓီ၏ တိုင်းပြည် ဖြစ်သော အိန္ဒိယက မြန်မာ စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေကို ကော်ဇောနီခင်း ကြိုဆိုရန် စီစဉ်ခြင်းအပေါ် လူ့အခွင့်အရေး စောင့်ကြည့်သော အုပ်စုများက ပြင်းပြင်းထန်ထန် ပြစ်တင် ရှုတ်ချကြသည်။
သို့သော် နိုင်ငံရေး လေ့လာခွဲခြမ်းသူ အချို့က အိန္ဒိယသည် အပြန်အလှန် အိမ်နီးချင်း ဆက်ဆံရေးတွင် တရုတ်နိုင်ငံအပေါ် မဟာဗျူဟာ နေရာ လက်လျှော့ ပေးလိုက်ရမည်ကို စိုးရိမ်သောကြောင့် လည်းကောင်း၊ ကြီးထွားနေသော အာရှ စီးပွားရေး အင်အားများက အငမ်းမရ ဖြစ်နေသော ရေနံနှင့် လောင်စာ စွမ်းအင် ရင်းမြစ်များ မြန်မာနိုင်ငံတွင် ပေါကြွယ်ဝစွာ ရှိနေခြင်းကြောင့် လည်းကောင်း မြန်မာအစိုးရနှင့် စေ့စပ်ညှိနှိုင်းရန် ကြိုးပမ်းခြင်း ဖြစ်သည်ဟု အကဲဖြတ်သည်။
အိန္ဒိယနှင့် ဆက်ဆံရေး ကြီးမားနေသော အမေရိကန် ပြည်ထောင်စုသည် ယမန်နှစ်က စ၍ မြန်မာနိုင်ငံနှင့် စေ့စပ်ညှိနှိုင်းရေး မူဝါဒသစ် တစ်ရပ်ကို စတင် ကျင့်သုံးခဲ့သည်။ အကြောင်းမှာ နှစ်ပေါင်းများစွာ ကျင့်သုံးခဲ့သော အထီးကျန် ဖြစ်စေရေး မူဝါဒက အလုပ် မဖြစ်ခဲ့သောကြောင့် ဖြစ်သည်။
သို့သော် ပြီးခဲ့သည့် ရက်သတ္တပတ် ဗီယက်နမ် နိုင်ငံတွင် ကျင်းပ ပြုလုပ်သော ဒေသတွင်း ဖိုရမ်၌ အမေရိကန် နိုင်ငံခြားရေး ဝန်ကြီး ဟီလာရီ ကလင်တန်က မြန်မာအစိုးရ အရာရှိကြီးများနှင့် အဆက်အသွယ် ပြုလုပ်ခဲ့ခြင်း မရှိကြောင်း မစ္စတာ Philip Crowley က ဆိုသည်။
ဟီလာရီ ကလင်တန်က မြန်မာနိုင်ငံ၏ လူ့အခွင့်အရေး မှတ်တမ်းများကို လူသိရှင်ကြား ထုတ်ဖော် ရှုတ်ချပြီး စစ်အစိုးရအနေဖြင့် နိုင်ငံရေး အကျဉ်းသားများ အားလုံးကို လွှတ်ပေးကာ တိုင်းရင်းသား လူနည်းစုများ အပေါ် တိုက်ခိုက်နေမှုများ ရပ်တန့်ရန်သာ တိုက်တွန်းခဲ့သည်။
Channel News Asia မှ သတင်းကို ဘာသာ ပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.