Posts
The Peninsular Qatar, 27th July 2010
အရှေ့တောင် အာရှတွင် တရုတ်နိုင်ငံ၏ အာဏာ သြဇာ ကြီးထွားလာမှု ဖြစ်ရပ် နောက်ခံကို ဆန့်ကျင်၍ အိန္ဒိယနှင့် မြန်မာ တို့သည် အကြမ်းဖက် နှိမ်နင်းရေး၊ စီးပွားရေး၊ စွမ်းအင်၊ စီးပွားရေးနှင့် အခြေခံ အဆောက်အဦး အပါအဝင် ကဏ္ဍများစွာတွင် ပူးပေါင်း ဆောင်ရွက်မှု တိုးချဲ့ရန် သဘော တူညီချက် အတော် များများကို ယနေ့ လက်မှတ် ရေးထိုးရန် မျှော်လင့်ထားကြသည်။
အိန္ဒိယနိုင်ငံသို့ ၅ ရက်ကြာ အလည်အပတ် ရောက်ရှိနေသော မြန်မာ စစ်ဖက် ခေါင်းဆောင် ဗိုလ်ချုပ်မှူးကြီး သန်းရွှေသည် ဗုဒ္ဓဂါယာ မဟာဗောဓိ ဘုရားကျောင်းတွင် ရှိခိုး ပူဇော်ရန် အတွက် ဘီယား ပြည်နယ် ဂါယာတွင် တစ်ရက်ကြာ ရပ်နားပြီးနောက် အိန္ဒိယနိုင်ငံ မြို့တော်သို့ တနင်္လာနေ့တွင် ခြေချခဲ့သည်။
ဗိုလ်ချုပ်မှူးကြီး သန်းရွှေအား ကြိုဆိုရန် အိန္ဒိယနိုင်ငံက ကော်ဇောနီ ဖြန့်ခင်းခဲ့ပြီး ရာရ်ှရာပတီ ဘဟာဗင်တွင် ဧည့်ခံ ကြိုဆိုပွဲ အခမ်းအနား ပြုလုပ်၍ နိုင်ငံတော် ခရီးစဉ် အဖြစ် ကြိုဆိုကာ ဂုဏ်ပြု ညစာ စားပွဲဖြင့် ဧည့်ခံခဲ့သည်။
ဝန်ကြီးချုပ် မန်မိုဟန်ဆင်းသည် အသက် ၇၇ နှစ် အရွယ် မြန်မာ အစိုးရ ခေါင်းဆောင် နှင့်အတူ နှစ်နိုင်ငံ ကိစ္စရပ် အတော်များများ အပေါ်တွင် ကျယ်ပြန့်သော အတိုင်းအတာဖြင့် ဆွေးနွေးပွဲများ ပြုလုပ်မည်ဖြစ်သည်။
အကြမ်းဖက် တိုက်ဖျက်ရေး ပူးပေါင်းဆောင်ရွက်မှု တိုးမြှင့်ရေးသည် ဆွေးနွေးပွဲ အစီအစဉ် ထိပ်ဆုံးတွင် ပါဝင်သည်။ အိန္ဒိယ ထောက်လှမ်းရေး သတင်းရပ်ကွက် အဆိုအရ အိန္ဒိယ အရှေ့မြောက် ပြည်နယ်များမှ သူပုန်များသည် မြန်မာ အစိုးရဖက်မှ နှိမ်နင်း ဖြိုခွဲခဲ့ပြီးသည့် တိုင်အောင် အိန္ဒိယ-မြန်မာ နယ်စပ် တလျှောက် ခိုနားလျက် ရှိနေသည်ဟု သိရှိရသည်။
နိုင်ငံ ဖြတ်ကျော် မှုခင်း၊ အကြမ်းဖက်ဝါဒ၊ မူးယစ်ဆေး တရားမဝင် ရောင်းဝယ်မှု၊ ငွေမည်း ခဝါချမှု၊ လက်နက်နှင့် ဖောက်ခွဲရေး ပစ္စည်းများ မှောင်ခို ကုန်သွယ်မှု တို့ကို တိုက်ဖျက်ရန် အတွက် ရာဇဝတ်မှု ဆိုင်ရာ ကိစ္စရပ်များတွင် အပြန်အလှန် တရားဝင် အကူအညီ ပေးရေး သဘော တူညီချက်ကို လက်မှတ်ရေးထိုးရန် နှစ်နိုင်ငံ စီစဉ်ထားကြသည်ဟု သတင်း ရပ်ကွက်က ဆိုသည်။
ထို့အပြင် စွမ်းအင်ကဏ္ဍ၊ သယ်ယူပို့ဆောင်ရေး ကဏ္ဍနှင့် အခြေခံ အဆောက်အဦး ကဏ္ဍများတွင် အိန္ဒိယ၏ ရင်းနှီးမြှုပ်နှံမှု တိုးမြှင့်မည်။ သဘောတူ စာချုပ်များကို နှစ်နိုင်ငံ ကိုယ်စားလှယ် အဆင့် ဆွေးနွေးမှုများ အပြီးတွင် လက်မှတ် ရေးထိုးနိုင်လိမ့်မည်ဟု မျှော်လင့်ရသည်။
မြန်မာနိုင်ငံတွင် တရုတ် လွှမ်းမိုးမှု ကြီးထွားလာခြင်းကို သုံးသပ်ရာတွင် မန္တလေး၊ တမူး စသော ကုန်သွယ်ရေး အချက်အချာ နေရာများတွင် တရုတ်လူမျိုးများ နေထိုင်မှု ကြီးထွားလာပြီး အဆိုပါ ဒေသများတွင် ယခင်က နေထိုင်ခဲ့ကြသော တမီးလ် လူမျိုးများ လျော့နည်းလာခြင်း နှင့်ပတ်သက်ပြီး စိုးရိမ် ပူပန်မှုကို အိန္ဒိယက ထုတ်ဖော် ပြောဆိုမည့် အလားအလာ ရှိသည်။
နှစ်နိုင်ငံအကြား ၁၆၄၅ ကီလိုမီတာ ရှည်သော နယ်စပ် တလျှောက်တွင် လျှပ်စစ် စွမ်းအင်၊ ကားလမ်း၊ ရထားလမ်းနှင့် နယ်စပ် ဖြတ်ကျော် ဆက်သွယ်ရေး စီမံကိန်းများ တိုးတက်ရေး အတွက် အာမခံနှင့် ချေးငွေ အစီအစဉ်များကို အိန္ဒိယက ကြေညာမည့် အလားအလာ ရှိသည်။ ရထားလမ်း ကဏ္ဍ ဖွံ့ဖြိုးရေး အတွက် အမေရိကန် ဒေါ်လာ သန်း ၆၀ ချေးငွေ အစီအစဉ်မှာ ဆောင်ရွက်သည့် အဆင့်သို့ ရောက်နေပြီဟု သတင်းများ အရ သိရှိရသည်။
မြန်မာ ဓာတ်ငွေ့နှင့် စွမ်းအင် ကဏ္ဍများတွင် အိန္ဒိယက ဒေါ်လာ ၁ ဘီလျံကျော်ကျော် ရင်းနှီးမြှုပ်နှံမှုကိုလည်း ထုတ်ဖော် ကြေညာမည် ဖြစ်သည်။
အိန္ဒိယနိုင်ငံပိုင် ရေနံ ကုမ္ပဏီများ ဖြစ်သော ONGC Videsh နှင့် GAIL တို့သည် တရုတ်နိုင်ငံသို့ ဓာတ်ငွေ့ တင်ပို့ ရောင်းချမည့် ကုမ္ပဏီ အုပ်စုတွင် ပါဝင်သည့် အနေဖြင့် မြန်မာနိုင်ငံမှ သဘာဝ ဓာတ်ငွေ့ စီမံကိန်း နှစ်ခုတွင် ၃၀ % ခန့် ရင်းနှီးမြှုပ်နှံမှု ပြုလုပ်ထားသည်။
--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.