Posts
www.kuna.ne.kw, 26th February 2010
အတိုက်အခံ ခေါင်းဆောင် ဒေါ်အောင်ဆန်းစုကြည်၏ လွတ်မြောက်ရေးအတွက် နောက်ဆုံး ကြိုးပမ်းမှုကို မြန်မာနိုင်ငံ၏ ဗဟိုတရားရုံးက ပယ်ချခဲ့သည့်အတွက် အလွန်ပင် တုန်လှုပ်မိပြီး စိတ်မကောင်း ဖြစ်ရသည်ဟု ဗြိတိသျှ ဝန်ကြီးချုပ် ဂေါ်ဒွန်ဘရောင်းက သောကြာနေ့တွင် ပြောကြားလိုက်သည်။
၁၄ နှစ်ကြာ နေအိမ် အကျယ်ချုပ် ဖမ်းဆီးထားခြင်းကို အဆုံးသတ်ရန် အယူခံလွှာကို ဗဟိုတရားရုံးက ပယ်ချခဲ့သည်ဟု သူမ၏ ရှေ့နေက ပြောခဲ့သည်။
အတိုက်အခံ နိုင်ငံရေးသမားများအား မြန်မာနိုင်ငံတွင် တရား ဥပဒေက မျက်နှာသာ ပေးခြင်း မရှိသည့်အတွက် ယခု ဆုံးဖြတ်ချက်ကို မျှော်လင့်ထားကြပြီး ဖြစ်သည်။
ဂေါ်ဒွန်ဘရောင်းက ၎င်း၏ ကြေညာချက်တွင် မြန်မာအစိုးရက ချမှတ်ထားသည့် ပြစ်ဒဏ်မှ လွတ်မြောက်ရန် ဒေါ်အောင်ဆန်းစုကြည်၏ အယူခံလွှာကို ပယ်ချခဲ့သည့်အတွက် အလွန်ပင် တုန်လှုပ်၍ ဝမ်းနည်းမိကြောင်း၊ အယူခံလွှာ မအောင်မြင်ခြင်းမှာ အံ့ဩစရာ မရှိကြောင်း၊ ယခုကိစ္စ အစမှ အဆုံးအထိ သုံးသပ်ရပါက တရားရုံးတင် စစ်ဆေးခြင်း၏ အခြေခံနှင့် အဓိက ရည်ရွယ်ချက်မှာ ဒေါ်အောင်ဆန်းစုကြည် ရွေးကောက်ပွဲဝင်ခြင်းကို တားဆီးရန်ပင် ဖြစ်ကြောင်း စသဖြင့် ပြောကြားခဲ့သည်။
"ဒီဇင်ဘာလက အောင်ဆန်းစုကြည်ဆီ ကျွန်တော် ပို့ခဲ့တဲ့ အိတ်ဖွင့်ပေးစာမှာ ၂ဝ၁ဝ ဟာ မြန်မာနိုင်ငံရဲ့ သမိုင်းဝင် နှစ်တစ်နှစ် ဖြစ်ပြီး လွတ်လပ်၊ မျှတ၊ စစ်မှန်၊ အားလုံးပါဝင်နိုင်တဲ့ ရွေးကောက်ပွဲတွေဟာ တိုင်းပြည်အတွက် ခြေတစ်လှမ်းနဲ့ လမ်းသစ်ကို ညွှန်ပြလိမ့်မယ်လို့ ပြောခဲ့ပါတယ်။ ဒါပေမဲ့ အောင်ဆန်းစုကြည်ကို နိုင်ငံရေး လောကကနေ ဖယ်ထားပြီး တခြား နိုင်ငံရေး အကျဉ်းသား ၂၁ဝဝ ကျော်ကိုလည်း ထောင်ချထားဦးမယ်ဆိုရင် အစိုးရရဲ့ ရွေးကောက်ပွဲတွေကို နိုင်ငံတကာက အသိအမှတ်ပြုမှာ မဟုတ်ပါဘူး" ဟု ဘရောင်းက ဆက်လက် ပြောကြားသည်။
ဒေါ်အောင်ဆန်းစုကြည်အား နေအိမ် အကျယ်ချုပ် ပြစ်ဒဏ် ၁၈ လ ကျခံစေရန် ရန်ကုန်တိုင်း တရားရုံးက ချမှတ်ခဲ့ပြီးနောက် နိုဝင်ဘာလတွင် သူမ၏ ရှေ့နေများက အယူခံလွှာကို တင်သွင်းခဲ့ကြခြင်း ဖြစ်သည်။
အသက် ၆၄ နှစ်ရှိ ဒီမိုကရေစီ ခေါင်းဆောင်ကို ကနဦးတွင် အလုပ်ကြမ်းနှင့် ထောင်ဒဏ် ၃ နှစ် ချမှတ်ခဲ့ရာ ကမ္ဘာတစ်ဝှမ်းက ပြစ်တင် ရှုတ်ချခဲ့သည်။ သို့သော်လည်း ဗိုလ်ချုပ်မှူးကြီး သန်းရွှေ၏ အမိန့်ဖြင့် ပြစ်ဒဏ်ကို ၁၈ လသို့ လျှော့ချကြောင်း ချက်ချင်း ကြေညာခဲ့သည်။
လွန်ခဲ့သည့် အနှစ်နှစ်ဆယ်အတွင်း ဒေါ်အောင်ဆန်းစုကြည် အထိန်းသိမ်းခံခဲ့ရသော ကာလမှာ ၁၄ နှစ်ခန့် ရှိပြီ ဖြစ်သည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.